[amira82]

يايويو يا حبيبتى انت الوقتى وعلى كلامك بقيتى فى شقتك عوديهم ان مفتاح شقتك فى ايدك دى اول نقطه
2.ممنوع دخولك معاهم فى نقاش مهما كان مستفز وكونى متأكده ان فى ملك بيرد عنك فى كل لفظ جارح
3.من حين لأخر انزلى مع جوزك بكل ثقه وانتى خارجه ونادى لحماتك وقوليلها تعالى اخرجى معانا او حد من اخواته واحلفى عليهم
4.كمان شويه عرفيهم انك عزماهم حركات من دى يعنى اغسل طبق فاكهه ونزليه "اعملى عصير "اى حاجه
5.حاولى على قد ما تقدرى تقعدى مع حماتك لوحدكوا وصفى الموضوع معاها مره بالكلام الحلو ....بدمعه .عرفيها ايه اللى جواكى واسأليها عن اللى جواها....وحاولى تستعطفيها وتسأليها هل هى لو شافت بنتها مش مبسوطه فى بيتها هى بالها هيكون مرتاح..وهى لازم تكون سعيده لو شافت ابنها مرتاح
انت فاهمه بقى الكلام الحلو اللى ممكن يتقال ساعتها
وانهى كلامى بدعائى ليكى وللمسلمين بالهدايه وحاولى تدعى لنفسكم وليهم بالهدايه واستحضرى الكلام ده فى قلبك .......والكلام ده والله والله والله عن تجربه
الدعاء ثم الدعاء

[ام ريهام]

يويو حبيبتى الطلاق مش دايما هو الحل حتى لو كان هو الحل مش حتلاقى نفسك بعد الطلاق فى اسعد حال لا حتقابلك حاجات كتير ممكن يكون عذابك دلوقتى ارحم منها مدام جوزك بيحبك وكويس معاكى انتى حاولى تحاسبى نفسك بشوية صدق وشوفى اكيد حتلاقى نفسك برضة عندك غلط حاولى تانى ومش عيب انك تطاطى لحد الموجة ماتعدى وحاولى انتى تبدئى مع اهله بالمعاملة الحسنةوماتحاوليش دائما تبصى للوحش اللى فيهم علشان ما تتعامليش معاهم على الاساس ده وياسيتى لو انتى بتعامليهم كويس وهما بيعاملوكى وحش ربنا حيكتبه فى ميزان حساناتك وده كفايه ودايما ماتحطيش جوزك فى موقع اختيار بينك وبين اهله لان غصب عنه كفة اهله هى الرابحة وربنا يهدى الحال للجميع

[ضحي *]

يا حبيبتي ربنا يبعد عنك الكلمة الوحشة دي والحمد لله أنه طلع راجل عاقل وواضح أنه عارف أن أهله بتوع مشاكل علشان كده هو جه في صفك وقطع معاهم وبصراحة نادر لما يكون في راجل بينصف مراته علي أهله ربنا يخليكم لبعض هو صح وبلاش أنتي تعكنني عليه عيشي حياتك ولا كأنهم موجودين مهما حاولو يستفزوكي علشان بعد أخوهم عنهم وأنه نصرك عليهم هيجننهم أعتبريهم هواء ولا تزعلي نفسك ولا جوزك علشان أى حد

[يويو افندي]

بجد يا جماعه انا مش لاقيه كلام اقوله لكن انا فرحانه جدا انكوا كلمتوني ومش هقدر اوصفلكم قد ايه كلامكم ريحني وانا هاحاول اعمله كله ويارب يصبرني وميحرقوش دمي ثاني واقدر اتحمل وعلي فكره يا جماعه كل النصايح الي قولتولي عليها بالنسبه لحماتي عملتها لكن هي بتيجي مع بناتها علي طول وانا كل يوم بسمع الي بحرق دمي لكن مبعرفش ارد او اتصرف غير ابي اسكت والله ربنا يهديني وميحرمنيش منكم ابدا انا وسلامي للجميع ومتقلقيش يا نوشا هشرف بنا ت المنصورهوشكرا ليكي يا ام سراج اقوى علي اهتمامك

[الزهره الحزينه]

حبيبتي مهما كان هدول اهلو والي ما الو خير بقديمو واصلو ما راح يكون في خير الك الواضح انو واقع بين نارين وهو في موقف لا يحسد علي صعب جدا لازم تقدري موقفو وتساعدي يعني اهلو الهم حق علي بس بلاحسان وطبعا من غير ما يدخلو فيكي وبحياتك وعشان الاولاد كمان حرام بيتعقدو والله يوفقك يا رب ويهدي سرك

[نوشا]

ربنا يوفقك ويكرمك يايويو
وطمنينا عليكى دايما