[تغريدالسعداوي]

السلام عليكم الجميلات اعضاء قسم الاناقه
اول اسفه لازعاج بس لوممكن تساعوني عاوزه اعرف اماكن اشتري منها ملابس نوم وملابس داخليه كويسه ومايوهات ولبس خروج شيك ياريت لو بالقاهره والجيزه وعندي اقتراح لو اي حد ينزل صور وعارف اماكنها اللي بتنباع فيها قول افادكم الله ودا للمساعده واماكن للاحذيه اكرمكم الله ودا لاني بجهز لفرحي عقبال كل الحبايب وكمان لو سمحتوا اماكن للمفروشات وجزاكم الله خير
بلاش تبخلو عليا بردود وخاصه اني لوحدي ومحدش بيساعدني

اذا اعجبك الموضوع و اردت نشره في المنتديات الاخرى فاستخدمي هذا الرابط:
العد التنازلي في حياتي بدا ارجوكم ساعدوني
http://forums.fatakat.com/thread44193

[غزالة جزائرية]

الف الف مبروك حبيبتي ربنا يتمملك وان شاء الله تتهني يا رب
والله كان نفسي اساعدك بس انا جزائريه بس هساعدك بشي تاني
ادعيلك ربنا يهنيكي ويسعدك ااااااااااااامين يا رب

[NH MMM]

حبيبتي ربنا يبارك لك ويسعدك يا رب
لو كنت معاي هنا كنت قلتلك لكن انت بعيده عني
ربنا ييسر لك إن شاء الله

[suzy2008]

حبيبتي تغريد الف مبروك انا كمان عروسة زيك بس الحمد لله جهزت خلاص انتى فى مصر وبتسألى انا جبت المفروشات من الأزهر من حمام التلات وكمان حاجات المطبخ جبتها كلها من هناك فى هناك سنتر فى كل حاجة من المفروشات وأدوات المطبخ كل اللى هاتحتاجيه هاتلاقيه هناك .

[همس الحب]

الف الف الف الف الف الف الف الف الف الف الف الف الف الف الف مبرووووووووووووووووووووووووووووووووووووووووووووووو وووك

يا حبيبت قلبى انشاء الله تتهنى بفرحك وعريسك وتعيشى مبسوطه طول حياتك ياقادر يا كريم واحصلك انشاء الله واجى اسكن عندك فلقاهرة بس للاسف مش هقدر اساعدك لانى من الاسكندريه بس انشاء الله اتجوز عندك فمصر وهبقا اساللك بقا اروح فين عشان اجهز نفسى

والف مبروك تانى يا جميل وعقبال الاطفال الصغنانييييييييييييين

[noharayan]

bossy ya gameela
7agat el matba7' men 7amam el talat we men ma7al esmo royal kitchen ganb el meryland fe masr el gdeeda
el lebs el seefy bta3 el beet men fabulous
estanny el sale we roo7y far3 3abas el 3a2ad
lebs el 7'oroog men 2ay 7etta
lebs el shetwy lessa manzelsh
bass law 3andek wa2t estanny el sale bardo
langirie men joia elly fe masr el gdeeda 3and share3 botros 3'aly
we fe kaza ma7al fe dawaran shobra feehom 7agat 7elwa
7atta el azhar we el mosky feehom 7agat 7elwa bass mesh 3'alya
el mayohat ba2a hatla2eeha fe foroo3 carina we silvy btoo3 el bodyhat
ya rab akoon sa3edtek

[Noonah]

ألف مبروووووووووووك يا جميلة، تعالى يا حلوة أجيبلك من الآخر
أنا لفيت كل محلات اللانجيرى وعلى فكرة أنا هأتم أول سنة الشهر ده
عقبالك لما نفرح بيكى فى بيتك

1- قمصان النوم

- شوفى يا ستى بالنسبة للانجيرى، جويا لا يعلى عليه وأسعاره كويسة، فيه فرع فى عباس العقاد جنب مكدونالدز و كمان فيه فى مصر الجديدة روكسى
وهما كمان بيبقى عندهم مش مايوهات بس أطقم أندروير شيك أوى
- فى كمان محل اسمه "أضواء المدينة" قصاد سينما فاتن حمامة - منيل الروضة
- جراند مول المعادى: فى محل إسمه زمردة و فيه كام محل تانى و فى المعادى برضه تاون سنتر المعادى
- شارع فيصل فيه كام محل
- كايرو مول اللى فى الهرم فيه كام محل برضه

ونصيحتى ليكى: عموماً مش تكترى فى أى حاجة أوى، الجسم شكله بتغير بعد الزواج ومقاسك ممكن يزيد درجة أو إتنين و كمان فى الحمل إن شاء الله، فهاتى بحذر و بقدر معقول
وبالنسبة للقمصان:
حوالى 20 قميص بيبقى مناسب فى الأول و إنتى مش هتبطلى قمصان كل شوية بس عشان لو جسمك إتغير أو فيه حمل إن شاء الله هتحتاجى تشترى تانى كده كده وحاولى تنوعى فى الأماكن عشان كل محل أو ماركة بتبقى ليها تشكيلة مختلفة. وممكن برضه تجيبى بيجامتين ساتان بيبقى حلوين و بيدوا شكل حلو
إممم بصى ممكن تجيبى لكل قميص الأندر بتاعه، بس لو من جويا تجيبى الأندر من جويا عشان بيبقى نفس الدرجة

يتبع

[Noonah]

2- الأرواب

بصى مش تجيبى قمصان نوم بأروابها، بصراحة شايفاها مش عملية، الأرواب مش بتلبس أصلا يدوب بتاع ليلة البناء (ويمكن مش تحتاجيه أصلا J) فهاتى روبين و لا حاجة تلبسيه على كل القمصان ويكون ألوانهم تليق على الكل، ممكن كحلى و بيج مثلا و كمان ممكن تيجيبى منقوش
الأماكن:
- ممكن طبعًا فى محلات اللانحيرى يعنى هتلاقى فى جويا مثلا و بقية المحلات
- فيه برضه محلات فى شارع روكسى

3- البيجامات القطن

بجانب البديهات و الشورتات برضه البيجامات بيبقى لطيفة و بتبقى فيها حاجات بناتى جميلة أوى يعنى 4 بيجامات جنب الهدوم بتفيد برضه، وكمان ممكن يفيدوا أيام البريود فى النوم
الأماكن:


- فيه ماركة تجنن اسمها فلاور جمييييلة هتلاقيها فى محلات Fabulous وليها فروع كتير فيه فرع منه فى عباس العقاد وكمان عندهم أقطان حلوة أوى بديهات و شورتات
- هتلاقى بيجامات تحفة عند جويا أنا جايبة منها

يتبع

[mayooy]

بصى يا جميل اولا الف الف مبروووووووووووووووووووووك وربنا يتمملك بخير انشاء الله بالنسبه للمفروشات انزلى الغوريه والازهر وحاجات المطبخ من حمام التلات اما ملابس الخروج والاحذيه والشنط من مدينه نصر ومصر الجديده وهتلاقى كمان الملابس الداخليه وملابس العروسه عمتا فى الغوريه والله تحفه

[Noonah]

5- البديهات و الشورتات و المينى جيبات و الفساتين القصيرة

الحاجات ديه بأى كترى منها براحتك خالص، بتبقى حلوة أوى بعد الضهر و مناسبة أوى تستقبلى بيها زوجك
بصى أنا مش عارفة إنتى هتلبسيهم إزاى بس خلى بالك و إنتى بتجيبى الحاجات ديه يبقى شكلها حلو من غير برا أو حسب راحتك

الأماكن:


a. أى محل بواقى تصدير يعنى مثلا فى شارع شهاب هتلاقى 9 LE, 7 LE
b. فى وسط البلد برضه أعتقد فى طلعت حرب قصاد جويا فيه ستور
c. كان فيه برضه محل فى عباس العقاد قصاد نورهان تقريبا اسمه مش فاكرة أوى بتشو أو شبه كده و فيه بواقى تصدير جبت من عنده فساتين وبديهات بحمالات تحفة و خامتها ممتازة
d. جيبات المينى جبتها كلها من روكسى حاجات أسعارها رخيصة و حلوة
e.فيه برضه فى الوكالة بس من بره، حاجات تصدير بس أنا مش بأحبذ عشان مش ضامنة يكونوا مستعملين

[Noonah]

لو عندك أى سؤال تانى أنا فى الخدمة يا فندم
بارك الله لكما وبارك عليكما وجمع بينكما فى خير

[تغريدالسعداوي]

انا مكنتش متوقعه الردود الجميله ديا وبعدين يكفيني دعائكم ومشاركتك ربنا يبارك فيكم اما الجميله نونا فانا اعجز عن الشكر ربنا يجازيكي خير ويبارك فيكي واتمني ان نتواصل علي الياهو لو امكن بجد مشتاقه موت اتعرف عليكي وبجد انا فرحانه اوي بيكم

[Noonah]

الله يكرمك يا تغريد على كلامك الجميل جدًا
أنا بعتلك الميل بتاعى على الخاص
يا ريت بجد نتواصل
ربنا يتم لك على خير

[jgmao2008]

الف مبروك

[ولاء على]

فى كمان محل اسمه "أضواء المدينة" قصاد سينما فاتن حمامة - منيل الروضة

المحل دة بجد روعة اختى اشترت منه مجموعة جميلة من قمصان النوم

[رومانسيه]

ياريت اقدراساعدك

[RORO_H]

الف الف الف مليون مبروك يا تغريد وربنا يتمملك على خير كان نفسي اساعدك بس مش اعرف حته سورى

[تغريدالسعداوي]

شكرا ياقمرات عقبال عندكم

[roro_manole_22]

الف الف مبروككككككككك
انتي كنتي بعتيلي علي الخاص
عايزة تعرفي رقم النوبين الي بيرسمو حنة
وجيت ابعتلك علي الخاص انت مش مشتركة في الخاص او رفضة حد يبعتلك علي العموم انا هجب بصي ياستي (الست اسمها ام هشام رقم موبيلها (0101875230 بتها (6711693انتي تامري وكمان جيزوية دانا اهل بقي اولا الف الف مبروووووووووووووووووووك وربنا يتملك علي خير بصي ياستي (الست اسمها ام هشام لتجهيز العرائس)رقم موبيلها (0101875230) ورقم بتها (6711693) بصراحة انا مش عارفة الرقم الي بيتزود قبل رقم بتها بس الكبيوتر هيقولك انتي اتصلي بس دي ياستي بيعملو ( رسم حنة +سويت+تكييس+حمام مغربي+لبس واكسسوارات سودانية ونوبية بصراحة ست كويسة جدا عملت لبنت خالتي كانت حلوة اوي عملتلها كل حاجة وان ان شاء اللة بردة مخطوبة وهبقي اجبها وربنا يتتملك علي خير اة نسيت لازم تلكميها قبل فرحك باسبوعين والف الف مبروك

[roro_manole_22]

وبنسبة للابس بصي ياستي كايرو مول في حاجت حلوة وجانبة بردة في محلات وميدان الجيزة في حاجات روعة من لبس قمصان نوم للبس خروج والحذية في وفاء في الهرم روعة في الجمال احذية وشنط وسعرة جميل اقل جوز عندة ب15ج وصابوهات وشنط روعة دة في الهرم بعد نصر الدين اسائلي وهما هيقولوك والف مبروووووووووووووووووووك