[مدام_سمسمة]

السلام عليكم ورحمة الله
يمكن يكون الموضوع جديد ويارب يعجبكو واقدر افدكو
فاى طلب ليكو

انا اسمى مدام\سمسمة
مدرسة رياض اطفال من 6 سنوات وخريجة تربية رياض اطفال
والحمد لله عندى خبرة كويسة جدا فى مجال شغلى
وكنت من اوائل دفعتى
واختصاصى فمادة الانجليزى لان دة كان تتدريسى فى سنوات عملى
وممكن فاى مادة تانية لو انتو عيزين
اخدت دورات كتير وحضرت مؤتمرات كتير
عن طرق تعليم الطفل واهميتة وتوصيل المعلومة
وااهم شئ اذاى تعلمى الطفل عن طريق اللعب
وانا الحمد لله عرفة دة وبدرس بية
فلو عندك اى طلب عن تحفيظ طفلك الكلمات بالاغانى
او اذى تفهمية معلومة انا تحت امرك
انا هنا زيارة لزوجى فى الكويت ولسة ربنا مرزقنيش بأطفال واخدة طبعا اجازة من شغلى
فقلت لية مش افيد اخواتى الامهات
لية مش اقدملهم كل حاجة اعرفها
لان معظم الاطفال الوقت فى اجازات

اتفضلو اى طلب انا تحت امركو
وانشاء الله افيدكو
يارب اقدر
ولو عجبكو الموضوع لية طلب
ادعوووولى بالذرية الصالحة واكون حامل الشهر دة
وبرجاء التقيم
اشكركم

مدام\سمسمة

اذا اعجبك الموضوع و اردت نشره في المنتديات الاخرى فاستخدمي هذا الرابط:
السلام عليكم(انا معلمة رياض اطفال)وتحت امركم..اتفضلو
http://forums.fatakat.com/thread442068

[مدام_سمسمة]

فين ياجماعة الرد
والتشجيع
ها محدش عايز اى حاجة منى
امشششششششششششششى

[مدام_سمسمة]

محدش قال حاجة
محدش طلب اى حاجة
لييية كدة

[ام مؤمن 22]

السلام عليكم ورحمة الله وبركاته اختى سمسمه نورتينا بموضوعك الجميل ماشاء الله على الخبره وعايزه استفيد منك انا عندى توام مؤمن وندى عندهم سنتين وشهرين يارب يرزقك بالذريه الصالحه سؤالى اولادى عنديين لاقصى حد لما اقلهم يمين يروحوشمال ومش عارفه اعمل معاهم ايه بحاول بالتفاهم واوقات بالشده ومبينفعش معاهم الا الضرب اوالتخويف بيه اعمل ايه وان مش عاوزه اعودهم على كده تنصحينى باي شكرا

[مدام_سمسمة]

السلام عليكم ورحمة الله وبركاته اختى سمسمه نورتينا بموضوعك الجميل ماشاء الله على الخبره وعايزه استفيد منك انا عندى توام مؤمن وندى عندهم سنتين وشهرين يارب يرزقك بالذريه الصالحه سؤالى اولادى عنديين لاقصى حد لما اقلهم يمين يروحوشمال ومش عارفه اعمل معاهم ايه بحاول بالتفاهم واوقات بالشده ومبينفعش معاهم الا الضرب اوالتخويف بيه اعمل ايه وان مش عاوزه اعودهم على كده تنصحينى باي شكرا

وعليكم السلام حببتى
بصى
العند وارد جدا مع كل الاولاد فى السن دة
وعمر الضرب مهيكون نتيجة
عرفة لية
لانهم هيتعودو علية
اذاااااى
كل مرة هيعملو حاجة غلط
ويرجعو يضربو
وهكذا
لا
اتبعى اسلوب المكااااااااافئة
حتى لو استخدمتية
استخدمية تانى
اتبعى اسلوب التشجيع والتحفيز ع السلوك الجيد
لما ولادك يعملو شء المفروض انو بيغيظك او ينرفزك
اهم شئ واحلى حااااااااجة
التجااااااااااهل تماما
تجاهلى
كانك مش شايفة
لحد ميصلحو السلوك
علطول تشجعى
جربى
وانا معاكى فاى حاجة
تحت امرك

[مدام_سمسمة]

ها يا جماعة محدش عايز حااااااااااااجة

[توتا مولى]

عندى سؤال بنتى فى كجى 2 وبتاخد درس انجليزى تطلب من المدرسة انها عايزة تشرب و تخرج تقوليى انا مش هكمل و مش عايزة اخد الدرس مع ان المدرسة طيبة والبنت بتحرجنى اعمل اية

[توتا مولى]

ازاى احفظ بنتى الكلمات وازاكرلها عن طريق اللعب و بلزات الانجليزى ممكن تفهمينى

[farah md]

انا ابنى اربع سنوات بس متعب اوى ويرفض يذاكر هو ممكن يحفظ بس مش بيعرف يربط شكل الحرف مع اسمه لدرجة حافظ ا ب ت وحافظ a b c بس مش بيعرف يقرأ وان تعبانة معاة فى الموضوع ده وكمان بيكتب بصعوبة وبحس انه بيدخل المعلومات فى بعض دة غير انى عرفت من المدرسة انه بيسرح كتير

[فينتى]

جزاكى الله خيرا على الموضوع دة يا سمسمه ربنا يرزقك بالزريه الصالحه يارب انا بنتى عندها خمس سنين ونصف كنت عاوزة اعرف ازاى ابدا معاها فى الانجليزى بعدالحروف والكلمات البسيطه عاوزاها تحفظ كلمات كتير لانى مش مركزه معاها فى الانجليزى مع انها تجريبى لغات عشان انا بخليها تحفظ القران ياريت تساعدينى

[مدام_سمسمة]

عندى سؤال بنتى فى كجى 2 وبتاخد درس انجليزى تطلب من المدرسة انها عايزة تشرب و تخرج تقوليى انا مش هكمل و مش عايزة اخد الدرس مع ان المدرسة طيبة والبنت بتحرجنى اعمل اية

اهلا حببتى
واسفة ع التاخير وانشاء الله هفيدك
اولا انا مدرسة انجليزى
هتيها تخد درس عندى وانا هنطقهالك
ههههههههه
بصى يا ستى دى حركات بيعملوها كل الاطفال فى السن دة ويامما شفت منها
بس هقولك لية
عادى المس طيبة وحنينة معاها وكل حاجة
بس الطفل بطبعة مللللللللول
اية اللى بيحصل بقة
ولازم تردى علية
المس مش بتغير طريقتها
المس تقليدية
مش بتعاملها طفلة
بتتدى المعلومة وبس
مش بتوصل لسنها كا طفلة
بنتك عندها حركة زايدة
بنتك ملولة
مش ليها مي اوى ع المذاكرى
عرفينى لان كل دى اسئلة وامثلة
لازم تشرحيلى وانا هقولك تفصيليا
لان انا عندى خبرة اوى فى الدروس الخصوصية
لان ياااااااااما ادين
ومش للروضة وبس
لابنتدائى كمان
وانا تحت امرك

[مدام_سمسمة]

ازاى احفظ بنتى الكلمات وازاكرلها عن طريق اللعب و بلزات الانجليزى ممكن تفهمينى

حببتى
عيزة كلمات عن اية
حيوانات
فواكة
ارقام
الى انتى عيزاة
ابعتى فرسالة خاصة وانشاء اللله افيدك
ويارب تقيمونى
وتثيتونى

[مدام_سمسمة]

انا ابنى اربع سنوات بس متعب اوى ويرفض يذاكر هو ممكن يحفظ بس مش بيعرف يربط شكل الحرف مع اسمه لدرجة حافظ ا ب ت وحافظ a b c بس مش بيعرف يقرأ وان تعبانة معاة فى الموضوع ده وكمان بيكتب بصعوبة وبحس انه بيدخل المعلومات فى بعض دة غير انى عرفت من المدرسة انه بيسرح كتير

انو مشعرف يربط شكل الحرف باسمة
دة مشكلة وهيحتاج منك مجهوووود
ولو مقدرتيش لازم مدرسة متخصصة
لانو بجد هيتعبك
اوى
اما بلنسبة لموضوع السرح
لانة بيعد كتير ادام التى فى
او الكمبيوتر
او بيلعب كتيييير جدا
فتركيوة فى اللعب فقط
وبالنسبة لحل مشكلتك هقولك مؤقتا تعملى اية لحد متعرفينى اكتر ع ابنك واقولك حالتة
بصى حببتى
لازم يعرف يفرق بين شكل الحرف
الصورة
الكلمة
يعنى اية
مثلا
ترسمى تفاحة
دى اية يا حبيبى طبعا هيقولك تفاحة
برافو شطور
ودة حرف اية ياحبيبى
؟؟؟
ممكن يسكت لو مشعارف ولو عارف هيقولa
برافو
ودى كلمة اية؟لو عارف هيقول ولو مشعارف مش هيقول ودة بيرجع لشرح المدرسة
بيخدو الحرف والكلمة شفوى
ولا الكلمة والصورة بس
لو عارف هيقولapple
لازم مبدايا تعودية يعرف شكل الحرف واسمة عن طريق ترسمى 2 ادامو
الحرف والصورة
وتكررى علية دة بالتمارين
لو فهمة كلامى ردى
ولومشفهمة هفهمك كل شئ بوضوح اكتر
ولوعجبك كلامى
يريت يا جماعة التقيييييم
و

[مدام_سمسمة]

جزاكى الله خيرا على الموضوع دة يا سمسمه ربنا يرزقك بالزريه الصالحه يارب انا بنتى عندها خمس سنين ونصف كنت عاوزة اعرف ازاى ابدا معاها فى الانجليزى بعدالحروف والكلمات البسيطه عاوزاها تحفظ كلمات كتير لانى مش مركزه معاها فى الانجليزى مع انها تجريبى لغات عشان انا بخليها تحفظ القران ياريت تساعدينى

اسفة ع التاخير فى الرد
ماشاء الله عمرها حلو جدا جدا
فى بدا المذلكرة والتحفيظ
انا عندى خبرة فى مجال التجريبى
لان اشتغلت دروس فية
وكمان انا مدرسة بمدرسة خاصة وعندى منهج الهاى ليفل
فاطمنى فى الانجليزى اوى
ومتركنيش اللغة خااااالص
لان كل اعتمادها علية
بصى حببتى
قوليلى حفظت اية
او تعرف اية
وانا ازودك بالكلمات التانية اللى تساعدها فى التجريبى
ازودهالك بالكلمة واغنيتها وهتشاعدك جدا
ولوعيزة شرح جرامر كمان تحت امرك
اعتبرينى مدرسة خصوصوية تحت امرك

[SOLOO]

مدام سمسمة موضوعك رائع انا قريت ردك على ام مؤمن 22 بخصوص انها تتبع نظام التحفيز والمكافات وفى الحقيقة انا كنت قريت دى قبل كدا فى كتاب واتبعتة فترة مع ابنى بس النتيجة كانت مفزعة الولد مباش عايز يعمل اى حاجا الا ويتكافا اعمل الواجب وهتجبيلى اية واخلص الاكل وهتجبيلى اية احب اعرف رايك ازاى الموضوع دى يباة لية حدود مع الاولاد وشكرا لوقتك وربنا يرزقك بالذرية الصالحة

[SOLOO]

تم التقييم

[مدام_سمسمة]

يرت يا جماعة باللع عليكو
محدش يمر مرور الكرام كدة
اللى تقرا الموضوع وعجبها
حتى تقيمة
لان والله والله انا بتعب اوى فى الرد دة لان بركز مع كل ام وحالتها
ويارب يجزينى ويرزقنى بطفل او طفلة ينور حياتى يارب
ارجوكو يا جمعاة حتى قيمونى
لو مقبوووووووول
ههههههه
انا راضية
وتحت امركم

[sama25]

السلام عليكم ورحمة الله وبركاته
جميل جدا موضوعك وخصوصا السنه دى لان الى دخلو مدرسة ولا كأنهم دخلو انا بنتى مارحتش المدرسة كى جى 1 ولا اتعلمت حاجه وانا عارفه انى هتعب معاها السنة الجاية جدا خصوصا انها تجريبى
وانشاء الله تكونى حامل وتجيبى تأم كمان

[مدام_سمسمة]

مدام سمسمة موضوعك رائع انا قريت ردك على ام مؤمن 22 بخصوص انها تتبع نظام التحفيز والمكافات وفى الحقيقة انا كنت قريت دى قبل كدا فى كتاب واتبعتة فترة مع ابنى بس النتيجة كانت مفزعة الولد مباش عايز يعمل اى حاجا الا ويتكافا اعمل الواجب وهتجبيلى اية واخلص الاكل وهتجبيلى اية احب اعرف رايك ازاى الموضوع دى يباة لية حدود مع الاولاد وشكرا لوقتك وربنا يرزقك بالذرية الصالحة

هههههههههه
ابنك ذكى ماشء الله وفهم خلاص اللعبة
طبعا ليها حدود وسن معين
لاوم يبدا يتخلص منو
ابنك كام سنة حببتى ع ارد عليكى

[rosi_rosa]

يا رب يرزقك يا حبيبتى بالزرية الصالحة و يفرح قلبك بيها
كفاية نيتك انك عايزة تساعدى, جزاكى الله كل خير


انا ابنى لسه صغير 8 شهور
يعنى مش هعرف اساك
انتى لما يجى على بالك نصيحة قوليها لاختك اللى طالع عينها