[ام سارة وادهم]

تسلم ايديكي يا حبات عيوني

[مدام ديدى]

تسلميلى حبيبتى ويسلم مرورك ياغاليه

[LARA_2008]

شكراااا يا مدام رشا أكلاتك كلها حلوة والله
شكرا على صينية البطاطس بس انا عندى سؤال انتى بتصفى الطماطم ولا لا
وشكرا لمدام ديدى

[LARA_2008]

انا معاكى فى موضوع الحلويات وانا عارفة انك شاطرة فيها جدا تسلم ايدك مقدما على الافكار الحلوة دى

[مدام ديدى]

لارا حبيبتى انتى فين وحشانى جدا
بصى ياعيونى لازم طبعا تصفى الطماطم

[مدام ديدى]

تسلميلى يالارا وان شاء الله قريب ابقى اعمل الموضوع بس افضى شويه

[LARA_2008]

شكرااااااا يا مدام ديدى وكل سنة وانت طيبة انت وحشانى اكتر كان عندى عطل فى النت لسه متصلح امبارح

[kotkot]

شكر خاص لمدام ديدى عشان هى صاحبة الموضوع
وتصفيق وتشجيع حار لها ولكل اللى ساعدوها وافادونا
بجد بجد موضوع قيم جدا اكثر من رائع
بينى وبينكم انا فتحة صفحة word وكل ماتعجبنى اكله على طول copy & paste

[jyjynet]

الموضوع جميل جداومفيد للعروسة الجديدة علىالطبخ وجزاكىاللة كل خيرا

[nehad]

موضوع جميل خالص
تسلمي يا احلي ديدي
اعذروني لغيابي
بس اختكم مزنزقه زنقه جامده قويييييييييييييييييييييييييي
جوزي اصر اني اعزم حماتي و حماي و جدته اول يوم رمضان عندنا و انا مش عارفه اعمل ايه
مع ظروفي الخاصه لاني لسه بمشي علي عكاز واحد و الحركه مش قوي طبعا

يالا الحل قوام و الا الناس دي مش حتفطر حاجه
و حننزل كلنا علي اقرب مائده رحمن
ههههههههههه

[نور التقى]

السلام عليكم مدام ديدي
أنا جربت مقدار الأرز وهو لكل كوب أرز حوالي من كوب وربع لكوب ونصف ماء

[نور التقى]

أما بالنسبة لأرز السمك فنقطع البصل ونحمره في الزيت تحمير داكن نسبيا ونأتي بمقدار الماء أولا ونضعه على البصل ونضيف اليه الملح وقليل من الشطة إذا أردت هذا وبعد الغليان نضيف الأرز ونتابع عملية النضج

[مدام ديدى]

نهاد حبيبتى ازيك وحشتينى جدا
بصى ياحبى انتى ممكن تجيبى لحمه مفرومه ولحمه كباب وتوديهم لاقرب كبا بجى يشويهم
وتعملى سلطات وبطاطس محمره وممكن تعملى مكرونه
او فراخ برضو الراجل
ممكن برضو تعملى الال على كام يوم يعنى ممكن تعملى محشى لو كرنب تسلقى فى يوم الكرنبه وترتبيها وانتى قاعده
واليوم التانى تعملى التسبيكه
واليوم اللى بعده ليله رمضان تحشى المحشى وانتى قاعده واول يوم رمضان
اذا كنتى هتعملى فراخ تعلقى عليها وتعلقى على المحشى ده لو كنتى تقدرى تعمليه على كام يوم زى ماقلتلك
او تعملى مكرونه عاديه بالصلصه وفراخ بانيه وسلطات دى اكله سهله وشيك فى نفس الوقت
وممكن بدل الفراخ بوفتيك شوفى الكلام ده لو يناسبك خلاص واكيد فى اخوات ممكن تشاركنا باراء تانيه وان شاء الله هشوف ردك وابقى افكرلك فى فكره تانيه تعجبك
الف سلامه عليكى ياروحى يارب يتم شفاكى على خير

[Noonah]

جزاكى الله خيرًا مدام ديدى
موضوع مفيد جدًا، كل سنة و إنتى طيبة
سؤال فى الحلويات و أنا عارفة شهرة حلويات مدام ديدى
إزاى أطلع الكنافة طرية؟! يعنى مثلا أستعمل الزبدة و لا السمن أحسن
وكمان القطايف، جوزى بيحبهم طراى
ويا ريت بأى لو تكتبلنا طريقة الكنافة بالكريمة، بس مش الكريمة شانتيه العادية
أنا قصدى زى اللى بتباع فى المحلات تحسيها كريمة على مهلبية بس بتبقى جامدة

[nehad]

بصي انا الطبق الرئيسي لسه مش عارفه
لكن حعمل مقبلات
كرات اللحم بالكمون
و كنيلوني
و كروكيت
و شوربه و سلطات
حاولت في الكبسه و البرياني بس مش نافع

[مدام ديدى]

نونه الف شكر على كلامك الرقيق
بالنسبه للقطائف لو بتحبيها طريه تبقى تعلى عليها النار هتطلع معاكى طريه
ولو بتحبيها متوسطه خلى النار متوسطه
لو بتحبيها مقرمشه وطى عليها النار وبعدين طلعيها واسقيها بالشراب التقيل وبالف هنا وعافيه وهكتبلك طريقه الكنافه بالكريمه
على فكره الكنافه بالكريمه من اكتر الحلويات فى اقبال الناس عليها فى رمضان
شكر خاص لمدام ديدى عشان هى صاحبة الموضوع
وتصفيق وتشجيع حار لها ولكل اللى ساعدوها وافادونا
بجد بجد موضوع قيم جدا اكثر من رائع
بينى وبينكم انا فتحة صفحة word وكل ماتعجبنى اكله على طول copy & paste
كوت كوت
الف الف شكر ياحبى ده كتير اوى عليا والله
كلامك ده على راسى من فوق
الموضوع حلو بيكى وبكل الفتوكات اللى منورينه ياروحى
جزاكى الله عنى خيرا واثابك

[مدام ديدى]

الكنافه بالكريمه
المقادير

نصف كيلو كنافه
نصف كيلو لبن
3 معالق نشا
كوب سمن
ربع كوب سكر سنترفيش
شراب ثقيل
الطريقه
احضرى نصف كوب لبن دوبى فيه النشا
ضعى بقيه اللبن على النار
بعد مايغلى اللبن ضعى اللبن البارد المذاب فيعه النشا وقلبى جيدا
بواسطه مضرب سلك وبسرعه الى ان يغلظ القوام
نزليه من النر واتركيه يهدا
احضرى الكنافه وتكون مقطعه قطع صغيره جدا
ضعى على الكنافه سمن وسكر وادعكيها جيدا
احضرى الصينيه وادهنيها بالسمن وضعى نصف مقدار الكنافه واضغطى عليها بواسطه صينيه اخرى اصغر من الصينيه المستخدمه للكنافه
ضعى الكريمه وافريها مع ترك الاطراف فارغه لكى ىتحترق الكريمه
ضعى بقيه الكنافه واضغطى عليها وساويها ودخليها الفرن على درجه حراره عاليا اذا كنتى تريدينها طريه
بعد ان يحمر الوجه جيدا طلعيها من الفرن اقلبيها فى صينيه اخرى واسقيها بالشراب الثقيل
اكمريها اذا كنتى تحبينها طريه بمعنى انك تغطيها بغطاء محكم وهيا ساخنه
على فكره السمن يطرى الحلويات ولاكن الذبد به ماء ممكن ان ينشفها نوعا
بالف هنا وشفا
يارب اكون عرفت اوصلكم المعلومه وتكون وصفاتى خفيفه عليكم

[مدام ديدى]

نور التقى
بصى ياحبى الرز الجديد بيبقى بياخد كوب ميه لكل كوب رز
لاكن القديم بيبقى محتاج ميه اكتر شويه ولاكن انا بعمله فى الحله بتاعه الرز
والحله بتكمر الرز بمعنى انها بتحتفظ بالبخار يعنى حتى لو الرز قديم برضو بيستوى بس فى ناس بتحب الرز طرى شويه مش مفلفل فبتذود الميه لاكن المفلفل بياخد كوبايه بس

[Om Hassan]

تسلم ايديكى يا احلى ديدى
جزاكى الله كل خير واثابك وبلغنا رمضان

[مدام ديدى]

نهاد حلو اوى الاكلات دى بس انا مش فاهمه انتى عاوزه طريقه الكابسه والبريانى ولا عاوزانا نختارلك حاجه سهله
هنتظر ردك ان شاء الله وانا معاكى لغايه رمضان وان شاء الله يجى عليكى رمضان وانتى بالف صحه وهنا