[ROSEY19]

مساء الورد عليكم صديقاتى...

الف شكر لك مدام ديدي...تسلمى وتسلم ايدك..

وجزاك الله الف خير على تعبك ومجهودك معانا.

على فكره انا بستفيد من وصفاتك جدا..مع انى مش عروسه ولا حاجه..انا اولادى ما شاء الله بالجامعه..زبس استفدت كتير من وقت ما اصبحت عضوه بمنتداكم الجميل..

جزاكم الله الف خير.

[kardena]

شكراً جداً كنت أبحث عن أى موقع لتعليم الطبخ بوصفات مصريه الى حداً ما

الحمد لله وجدت هذا الموضوع الرائع

جزاكِ الله خيراً

[دعاءالامام]

الف شكرمدام ديدى وجزاكى اللة خير عالتورتة والجاتوة وكل الوصفات الحلوة ولو مفيهاش تعب ممكن اسال عجينة الملفاى ممكن استبدالها بالبف بسترى؟وسؤال كمان الجاتوة السهل السمن فية نص كوب سمنة جامدة ولا سايحة؟

[مدام ديدى]

rosey19 ساء الفل والورد والياسمين عليكى ياقمر
انا هنا فى خدمتكم دايما واى سؤال انا تحت امركم
ربنا يخليلك اولادك ويباركلك فيهم ااااااااااامييييييين

[مدام ديدى]

kardenaحبيبتى اى خدمه ياقمر انا تحت امرك الموضوع رائع بكل اللى شاركو به وبيكى انتى كمان وانا تحت امرك فى اى طلب

[مدام ديدى]

دعاء الامام بالنسبه للجاتوه السمنه اللى موجوده عندك حطى منها نص كوب وتكون بدرجه حراره المطبخ يعنى ولا فى الثلاجه ولا تسيحيها السمنه الموجوده فى مطبخك
بالنسبه للملفاى هو الباف بسترى وانا عامله موضوع عن عجينه الملفاى هجبهولك فى الموضوع ده وانا تحت امرك فى اى طلب

[cattycatty]

كل ده فاتني يا مدام ديدي
بس ايييييييييييييييييييييييه
حاجات عال العال
ربنا يزيد و يبارك و تسلم الايادي

[dr_fadia]

فعلا موضوع اكثر من رائع ان شاء الله اجد الوقت لاشارك فيه بخيرتى المطبخية

تحياتى للجميع وانا طبيبة امراض جلدية مصرية وتحت امركم فى اى استشارة

اطيب تمنياتى وشكر خاص لمدام ديدى الرائعة وبارك الله فيكم جميعا

[مدام ديدى]

تسلميلى ياكاتى جزاكى الله عنى كل خير
الف شكر ياكاتى على الفهرس جزاكى الله الجنه ونفع بكى المسلمين

[مدام ديدى]

دكتوره فاديه
اولا اهلا بيكى فى منتداكى وسط اخواتك نورتى المنتدى بوجودك معانا
جزاكى الله كل خير على كلماتك الرقيقه
ياريت تعمليلنا قسم للجلديه هنا وفى الوقت اللى تحبى تدخلى ان شاء الله تجاوبى على اسئله اخواتك
معلش هنتعبك بس ده فى وقت فراغك فقط والوقت اللى تحدديه

[ام ملك111]

جزاك اللة كل خير وتسلم ايديك اللى تعبت وكتبت دة كلة

[مدام ديدى]

تسلميلى ياام ملك نورتى الموضوع والمنتدى والدنيا كلها
جزاكى الله كل خير شكرا ياقمر لمرورك الكريم

[ROSEY19]

مساء الخير والسعاده عى كل الموجودين....ويارب يكون الجميع بخير....

ازيك مدام ديدى....تسلمى وتسلم ايدك على الوصفات الجميله دى..وجزاك الله الف خير.

المحشى يجنن...يارب الجميع يجربوه علشان يعرفوا بنفسهم اد ايه لذيذ..

وطبعا الحلويات .

معلش اتقل عليكى...لو ممكن طريقه عمل السبانخ...انا بعمله..بس من غير خضره وسمعت انه ممكن يتعمل بالخضره بس مش عارفه ازاى؟

وبارك الله فيك..شكرا

[مدام ديدى]

انا هقولك على طريقتى وفيها فعلا خضره
جيبى كيلو السبانخ ومعاها بحوالى نص جنيه شبت وبقدونس وكسبره يعنى من كل نوع حزمه
وقطعيهم مع السبانخ واغسلى السبانخ وطبعا الخضره جواها وتطبخ معاها عادى جدا بتديها طعم وريحه حلوه اوى
والسبانخ من الخضار اللى مينطبخش غير باللحمه
قطعى بصله وشوحيها فى سمنه وشوحى بعدها ربع راس ثوم مدقوق وفيه شويه كسبره ناشفه وشوحى التومه حطى اللحمه نايه شوحيها حطى عصير الطماطم وسيبى اللحمه تخش فى السوى حطى السبانخ وسبيها تستوى ولو عاوزه ميه اديها حطى ملح وفلفل ولما تستوى هتبقى روعه
شوفى الباميه والسبانخ بيموتو فى اللحمه وكل اللى كل الباميه من اديه شكر فيها جدا انا كتباها فى الموضوع ده دورى عليها ولو مش لقياها اكتبهالك تانى

[وفاء ام صغنونة]

الف شكر ليكي يا مدام ديدي موضوعك بجد اكتر من رائع
وانا بإذن الله معاكم وهاتابعكم علشان بجد عايزة استفيد
ربنا يكرمك

[مدام ديدى]

زيك يافؤه نورتى الموضوع
جزاكى الله كل خير
فى انتظار مشاركاتك

[ريمونتى]

انا هقولك على طريقتى وفيها فعلا خضره
جيبى كيلو السبانخ ومعاها بحوالى نص جنيه شبت وبقدونس وكسبره يعنى من كل نوع حزمه
وقطعيهم مع السبانخ واغسلى السبانخ وطبعا الخضره جواها وتطبخ معاها عادى جدا بتديها طعم وريحه حلوه اوى
والسبانخ من الخضار اللى مينطبخش غير باللحمه
قطعى بصله وشوحيها فى سمنه وشوحى بعدها ربع راس ثوم مدقوق وفيه شويه كسبره ناشفه وشوحى التومه حطى اللحمه نايه شوحيها حطى عصير الطماطم وسيبى اللحمه تخش فى السوى حطى السبانخ وسبيها تستوى ولو عاوزه ميه اديها حطى ملح وفلفل ولما تستوى هتبقى روعه
شوفى الباميه والسبانخ بيموتو فى اللحمه وكل اللى كل الباميه من اديه شكر فيها جدا انا كتباها فى الموضوع ده دورى عليها ولو مش لقياها اكتبهالك تانى

ماشاء الله ايه الجمال ده
ده اللى كنت بعمله كان عك بأه مش سبانخ

[archi]

ما شاء الله عليكي يا مدام ديدي ،تسلم ايدك

[ريمونتى]

انا عايزة طريقة لعمل البط بطريقة تحفة عشان عندى عزومة مهمة بحضر لها قبلها بشهر

و كمان اقدم ايه جنبها ؟
ارجوكى مدام ديدى عايزة حاجة شياكة

[snoopy]

مدام ديدي : تسلم ايديكي على كل الوصفات الجميلة .. وعلى تعبك معانا

بس حبّيت أقول إن احنا ( في عُمان ) بنعمل السبانخ أحيانا" بالدجاج , موش شرط باللحمة . و طعمها بيطلع رائع الحقيقة ..

لو حدّ عايز الوصفة قولولي ..