[مدام ديدى]

لارا هنزلك دلوقتى صينيه بطاطس ومش ممكن اتضايق بالعكس انا عاوزة البنات تدخل الموضوع وتسال واحنا نجاوب امال انا عامله الموضوع ليه ولو مكنش هيخدم البنات يبقى مالوش لزمه ولا ايه رايك
يالا هاتى كده شويه طلبات وانا والفتوكات الشاطرين نجاوب عليكى

[سادات]

ياخواتي عالجمال والحلاوةوالله ربنا يجزيكم عن الفاشلين اللي زيى ألف خير

[LARA_2008]

تسلمى يا مدام ديدى وتسلم ايدك وكل اللى بيشاركوكى الموضوع
ربنا يجزيكى خير
انا منتظره وصفاتك الجميله

[the moon light]

والله تسلم ايديك يا مدام ديدى والله انتى حتخلينا خبراء فى الطبخ
انا فرحانة جداااااااااا وسعيدة ان الكل بدا يشارك مع حضرتك
وحضرتك الوصفات اللى بتضفيها كلها جميلة وربنا يجعل المجهود ده كله فى ميزان حسناتك اللهم امين ويخليلك والدتك
يارب متكونتيش ذهقتى من كتر الطلبات وتسلمى ومنتظرة موضوع البطاطس اللى حضرتك هتعمليه لانى بحبها جداااااااااا
وبشكر مدام ميرفت على وصفاتها الجميلة وتسلم ايديها
وشكرا لمدام the moon light

لارا انا انسه لسه مش مدام يارب تكون وصفتى عجبتك ياقمر

[the moon light]

النهارده انا عامللكم ملووووووووووووووووخيه ههههههههههههه


يلا يافتوكات ايدكم معايا خطوه خطوه عشان نتعلم

الملوخية

المكونات الأساسية ملوخية،أرنب انامش بحب الارانب ممكن دجاجه،ثوم
وقت التحضير 25 دقيقة
وقت الطهى 25 دقيقة
الكمية تكفى 4 اشخاص

المقادير 1 عبوة ملوخية
1 أرنب , أو دجاجة كاملة
2/1 1 ملعقة كبيرة ثوم ,مدقوق
3 ملعقة كبيرة سمن بلدي
2/1 1 ملعقة كبيرة كسبرة ,جافة و مطحونة
ملح
طريقة الطهى
يغسل الأرنب أو الدجاجة جيدا. يسلق حتى ينضج. تصفى حوالي 3-4 أكواب من مرقة الأرنب أو الدجاج. يقطع الأرنب إلى 5 قطع و الدجاجة إلى 4 قطع.
تسخن ملعقتين سمن في طاسة متوسطة و تحمر قطع الأرنب أو الدجاجة على الجانبين حتى تصبح ذهبية اللون.
تسخن المرقة في إناء متوسط حتى تغلي. . تخفض النار وتضاف الملوخية وتترك لتغلى لمرة واحدة وهى غير مغطاة. يمكن إضافة المزيد من المرقة إذا كان قوام الملوخية كثيف.
أثناء غليان الملوخية ، تسخن ملعقة سمن فى طاسة صغيرة و تضاف ملح وفلفل وملعقة ثوم وتحمرحتى يصير اللون بنى فاتح. تضاف محتويات الطاسة الى الاناء فورا ولا تقلب . يرفع الإناء عن النار و يغطى جزئيا لمدة دقيقتين.
تقلب الملوخية قبل تقديمها مباشرة. تقدم في وعاء و يقدم الأرنب و الدجاجة في طبق.

ملحوظة: يجب عدم ترك الملوخية لفترة طويلة بعد رفعها عن النار لحين تحضير الثوم (الطشه) بل يجب عملها أثناء غليان الملوخية ثم سكبها فورا على الملوخية.

ملحوظة

فى حالة الملوخية الخضراء،تغسل جيدا تحت الماء الجارى ثم توضع على فوطة نظيفة حتى تمتص المياه منها.تقطف الملوخية وتخرط بالمخرطة أو تفرم فى الكبة حتى تصبح ناعمة.تتبع باقى الخطوات كما هى

تحياتى لكم

[LARA_2008]

تسلمى يا the moon light
انا هرفع الالقاب بس انتى طباخه شاطره ربنا يرزقك بعريس يستاهل

[the moon light]

ربنا يخليكى يا لارا ويرزقك انتى كمان بالزوج الصالح

يارب بجد تكونى استفدتى ومدام ديدى ربنا يكرمها على الموضوع الرائع ده

[LARA_2008]

ميرسى ياthe moon light
بس والله انتى طباخه ماهرة

[LARA_2008]

ملف لجميع أنواع المخللات

مخلل الفلفل

اولا عند اختيار الفلفل يجب مراعاة عدة شروط منها :
- ان يكون طارجا ويلمع مثل شكل النايلو
- ان يكون صغير الحجم

الطريقة :
كيلو فلفل
كوب ملح خشن
ملعقة سكر
عبوة خل
ماء

تضعي الفلفل في برطمان بلاستيكي اوزجاجي
ثم يخرم الفلفل بالشوكة
ويرص في البرطمان
يذوب الملح الخشن في الماءمع السكر ويصب على الفلفل ثم تضعي الخل

وطبقة من زيت الزيتون عليه

يترك في الظل حتى نضجه

_____________________________

مخلل الزيتون

الطريقة الاولى
وضعه في الماء وتغييرها كل يوم حتى تذهب مرارته
او تخلطي الزيتون بالملح عدة ايام وتقلبي البرطمان في كسكاس حتى تذهب ماءه
وفي الحالتين النتيجة واحدة غير ان الثانية طعمته احلي
وتخلطي الزيتون بالملح وتغمريه بالماء


(ملاحظة هامة )
لايجب استخدام ملعقة معدنية بل تستخدم الخشبية دائما حتى لاتتعفن
_____________________________


مخلل الملفوف

ملفوف
ملح
ملعقة سكر
خل
كمون
فلفل اسود
حرارات
كرويا
يفرم الملفلوف فرما رقيقا
يوضع في ماء مغلي مدة خمس دقائق
ثم يصفى وتوضع كل المقادير وتطبق مثل الطرق الماضية

_____________________________

مخللات متنوعة

بصل مقطع طوليا
ثوم
جزر
خيار
لفت
كرنب بولفة
كرنب الزهرة
فاصوليا خضرة
لوبية خضرة
ملح خشن
مقدار كل كيلو تضعي عليه كوب ملح وملعقة صغيرة سكر
وعبوة خل
ماء
زيت زيتون
الطريقة تغلي الماء وتضعي كل الخضرة المقطعة شرائح
وتتركيها خمس دقائق
ثم تصفيها من الماء المغلي
وتضعي عليها الملح والخل والسكر وتغمريها بالماء
ثم تضعي عليها طبقة رقيقة من الزيت
وتترك الى ان ينضج المخلل

_____________________________

مخلل متنوع بالبقدونس

تضعي على المخلل بقدونس او كرفس حتى يعطي نكهة مميزة
_____________________________

مخلل بالهريسة الحارة

تضعي على المخلل الحار تتبيلة خاصة وهي :
هريسة مكونة من الفلفل الاحمر الحار والثوم والبصل والكرويا والكلح
كرويا
فلفل اسود غير مطحون
كمون اسعد غير مطحون
_____________________________

مخلل الطماطم

طماطم حجم متوسط
كسبرة حب محمص ومطحون
فلفل احمر مطحون
ملح خشن
كرويا
فلفل اسود مطحون
زيت
خل
ماء
الطريقة:

يقطع الطماطم اربع بدون ان تنفصل عن بعضها
ثم تحشى بالحشوة المكونة من الكسبرة والفلفل والكرويا والملح ثم تعبى في برطمان وتقلب في كسكاس مفرى لمد ة ثلاثة ايام حتى تخرج منه الماء
ثم يغمر بالخل والماء وتضعي عليه طبقة من الزيت

_____________________________

مخلل الخيار الصغير

خيار صغير الحجم
خل ملح مقدارمتساوية
ماء
فلفل احمر
ثوم
الطريقة
يرص الخيار في برطمان وتضعي عليه الملح والخل وبقية المحتويات
(ملاحظة بنضج في نفس اليوم او اليوم الذي يليه)
منقول

[LARA_2008]

ودى طريقة تانية للخيار المخلل يا رب تعجبكم وبالصور كمان

الطريقة
حوالي 3 كيلو خيار يكون طازج ....نغسله وننشفه وبعدين نجيب عود شوي خشبي ونخرمبه كل خياره 3 اخرام مو اكثر عشان يدخل الخل والملح وفي نفس الوقت يضل مقرمش





نرص حبات الخيار في قوارير زجاج بدون مانترك فراغ ...يعني تكون لاصقه في بعضها





نحط في جك :
كوب خل ابيض
5 اكواب ماء
4 ملاعق ملح خشن

ونقلب الى ان يذوب الملح وبعدين نصبه على الخيار الين يغطيه تماما...واذا نقصت الكميه نعيد المقدار






اذا كنا نحب المخلل حار نجيب كم عرق فلفل ونخرمها زي الخيار ونحطها بينها

نقفل القوارير باحكام ونتركها في المطبخ عادي لمدة 10 ايام او 15 يوم







وبعد كذا استمتعي بالذ مخلل ممكن تذوقيه واحلى شي انه من صنع ايديكي ...يعني نظافته وجودته مضمونه
وهذي الصور النهائيه












منقول لعيونكم

[مدام ديدى]

th moon lightبجد تسلم اديكى وعنيكى شفتم بنات فتكات والا فلا
ماشاء الله لاقوة الا بالله اكلاتك تحفه
لارا ده انتى طلعتى شطورة والمخلل جميل اوى
تسلم اديكم يااجمل بنات ربنا يسعدكم وتعزمونا فى بيوتكم عن قريب ان شاء الله

[the moon light]

ربنا يخليكى مدام ديدى تسلمى ياقمر


لارا عينى بارده عليكى ايه الجمال ده ياشطوره ان شاء الله هخلل خيار عشان رمضان انا نقلت الوصفه وهعملها

تسلم ايدك ياقمر

[مدام ديدى]

بمناسبه الشوربه الجميله اللى عملتها ام مريم
بجد انا بحب وصفاتها جدا لانها تحفه وسله جدا
هعملكم دلوقتى شوربه بالكريمه يارب تعجبكم

[مدام ديدى]

بسم الله الرحمن الرحيم

طريقه عمل شوربه بالكريمه

فرخه مسلوقه وشيلى عضمها وجلدها وقطعيها الشوربه بتاعتها هنستعملها
بصله متوسطه حوالى كوب كبيره شوربه ربع كوب كريمه لبانى
اعملى صلصه بيضاء 2 معلقه ذبده و2 معلقه دقيق قلبيهم مع بعض حطى الشوربه وقلبى بمضرب سلك علشان ميكلكعش معاكى حطى الفراخ المقطعه قطع صغيرة وحمرى بصله وحطيها معاهااظبطى حدقها لو عاوزة ملح وفلفل
سبيها تغلى غلوتين واغرفيها وممكن تزينيها حسب الرغبه ممكن صنيبر او لوز محمص وبقدونس وبالف هنا وشفا على قلوبكم

[مرمريكا]

الله تجنن ياديدى الشوربة دى
وفى رمضان بقى حتبى احلى


بس اسمحيلى ياموون لايت ااضيفلك اضافة حلوة

انا بحط على الخيار المخلل كرفس بيطلع تحفةةةةةةة ابقى جربيه

[مدام ديدى]

[مدام ديدى]

السلام عليكم ورحمه الله وبركاته
البطاطس ان ان ان ان ان

البطاطس بكفته داود باشا

كيلو بطاطس بصلتين واحده بيرة اوى والتانيه متوسطه
نصف كيلو او حسب الرغبه لحمه مفرومه بهارات لحمه ملح فلفل
الطريقه قشرى البطاطس وقطعيها حلقات قطعى البصله الكبيرة جوانح او نص حلقه
حطى على البصله ملح وفلفل وبهارات وادعكيها بيدك جيدا
حطى البطاطس فوقها تبلى اللحمه المفرومه بملح وفلفل وبهارات وبصله مبشور
شكلى اللحمه كور ورصيها مع البطاطس بطريقه ظريفه
ضعى عصير الطماطم اغليها فوق البتجاز الى ان يسخن الفرن ضعيها فى الفرن الى ان تستوى البطاطس ولو محتاجه شوربه اديها
قدميها مع رز ابيض
بالهنا واشفا على قوبكم

داود باشا بتتبل فى الدقيق وتقلى فى الزيت قبل مانضعها مع صينيه البطاطس
لاكن انا بعملها بالطريقه الساقه بتبقى اخف من غير زيت ولا دقيق
اصل انا مش ناقصه تخن هههههههههههههههههه

داود باشا

اتبعى نفس خطوات تتبيله اللحمه المفرومه السابقه شكليها كور
تليها فى الدقيق واقليها فى الزيت
فصين ثوم مع معلقه زيت على النار شوحيها تصفر حطى عصير الطماطم
وحطى الكفته وسبيها تغلى غلوتين وبالهنا والشفا بس اظبطى الملح والفلفل طبعا

صينيه البطاطس باللحمه

كيلو بطاطسي او حسب الرغبه اللحمه حسب الرغبه بصله كبيرة جدا او اتنين متوسطين
قشرى البطاطس وقطعيها حلقات اسلقى اللحمه نصف سلق او اغليها غلوة ولو كانت لحمه ضانى مفيش لزوم تسلقيها خالص قطعى البصل جوانح او نصف حلقات وادعكيه بالملح والفلفل وبالهارات حطى البطاطس واللحمه وعصير الطاطم
اغليها غلوة فوق البوتجاز وكملى التسويه فى الفرن
ممكن تضعى فصين ثوم مقطعين قطع صغيرة بيديها طعم وريحه حلوة
وده قبل ماتدخل الفرن طبعا ومع باقى المكونات


ممكن تعملى صينيه بطاطس مع كفته داود باشا من غير عصير طماطم
بس قطعى البصل حلقات وقطعى الطماطم حلقات
بتبقى طعمها جميل اوى وكمان اخف بكتير
هكملكم الباقى بعدين بقى
تصبحوا على خير
او تتمسو بالخير مش فاكره بقى

[ام بسنت]

تسلم ايديكى وعينيكى يامدام ديدى
وكل اللى بيشارك ويحط وصفات ربنا يبارك لكم يارب
تسلموووووووووووووووو