[fati miss algeria]

السلام عليكم يا فتوكات......هذه المرة جبتلكم الموضوع اللي عملته الاخت cheery بخصوص حملة قراءة سورة البقرة....
اخواتي الفتوكات.....الموضوع منقول حرفيا
و اتمنى انه بفيدنا كلنا.....
و اليكم الموضوع.....

السلام عليكم ..


بالفتره الاخيره ما شاء الله زادوا البنات اللي حابين يعرفون اكثر عن فضل قراءة سورة البقره ..

و الكل تشجع انه يقراها كل يوم ..

بس خايفين انه مايقدرون يواضبون عليها ..


انا مجربتها و راح اساعدكم و اشجعكم انه تقرونها و اي وحده تحس انها متكاسله تدخل و تكتب لنا رد وان شاء الله بتلاقي الكل يشجعها على هالشي..



راح نعتبرها مسابقه .. خلونا نبدي في اول 40 يوم ..
وانا مسويه لكم جدول عشان تواضبون على القراءه وكل يوم تقرين فيه سورة البقره تحطين صح في الخانه اللي بالجدول تحت اليوم اللي بديتي فيه ..


و مع تشجيع البنات و التنافس الشريف انه كل وحده تبي تكمل 40 يوم واهيا تقراها كل يوم بدون لا تقطع ان شاء الله راح نقدر انه نخلي اكبر عدد من البنات يواضبون عليها ..


اللي حابه تشارك معاي بهالمسابقه ان شاء الله بتلاقي التشجيع وكل اللي تحتاجه عشان تكون عندها قراءة سورة البقره عاده كل يوم ما تنقطع ان شاء الله ..


هذا الملف فيه جدول تقدرون تعدلون الايام حسب اليوم اللي راح تبدون فيه .. و انا حاطه فيه 4 جداول كل جدول مقسم 40 يوم حسب الاسبوع ..


http://www.box.net/shared/vaz9986tc8

اول جدولين فيهم ايام الاسابيع كاتبتها

ثاني جدولين فاضين ..

رتبو الايام حسب اللي تبون تبدون ..

و الله يوفقكم دام انه عزمتوا على هالشي اللي اكيد قدره كبير و عظيم عند رب العالمين ..




المهم انه اي وحده تبي تشارك معانا خل تحط الشعار اللي راح تتبرع فيه وحده من البنات بتوقيعها عشان نزييد و نشجع البنات على المشاركه معانه لما يشوفون عدد كبيييييير ما شاء الله مشارك ..

والحين بعد ما نزلتوا الجداول


بقولكم جم شغله تشجعكم اكثر على قراءة سورة البقره :

1- القرآن كله معجزه .. وسبحان الله فيه شفاء من كل داء .. فتخيلوا سورة البقره اللي الرسول عليه الصلاة والسلام وصى عليها و ذكر افضالها ..

2- بهالزمن زادوا الناس اللي مايخافون ربهم و انتشر السحر بشكل كبييييير فوق ما تتصورون خصوصا بالكويت و بين الحريم بالذات .. و زادت الاحقاد و الحسد .. و السحور والسوالف هذي كلها تيب النياسه للبيت و اعوذو بالله الجن و المس و الخرابيط هذي كلها .. ممكن ناس وايد عليهم عين او حسد بس مايدرون او حتى مسحورين بعيد الشر عنكم جميعا بس ما يدرون .. سورة البقره بتخليكم تحافظون على نفسكم و اي شي من حسد و عين و سحر و مس و جن الله راح يبطله و يبعده عنكم ان شاء الله .. و هالشي معروووووف.. يعني مو بس اللي فيها تتداوه بسورة البقره .. لأحتى اللي تبي تحمي نفسها من اي شر تقرا سورة البقره ما يقدرون عليها لا السحره الله يدمرهم و يرد اسحارهم عليهم .. و لا الحساد واعوذو بالله من الناس اللي ماتذكر الله .. ولا تنسون انها السورة التي لا يقدر عليها البطله السحره ..

3- اذا الانسان فيه ضيقه و مو مرتاح في حياته و نفسيته تعبانه اقرب شي يلجأ الى الله .. بالدعاء و الصلاة و قيام الليل .. والقرآن .. فمابالكم انه الانسان كل يوم يداوي نفسه بقراءة سورة البقره اللي معروفه انها تهدي النفس و تطمن الانسان و تريح قلبه ..


4- الله سبحانه و تعالى يحب العبد اللي يتقربله بعبادات يجتهد فيها غير العبادات المفروضه .. فقراءة سورة البقره تعتبر عباده .. و اهيا سورة طويله و كل وحده فينا حابه انها تقراها عشان تتقرب الى الله اكثر + يبعد عنها كل شر و مكروه باذن الله + تصون نفسها من داء العصر الهم والحزن و السحر و الحسد و العين و المس و الجن و الامراض النفسيه اللي ما لها علاج الا بالقرآن الكريم و اخلاص النيه لله و الدعاء له ..


5- تقدرون تقرونها في اي وقت من بعد صلاة الفير لي صلاة الفير الثانيه .. لانه يومنا ينتهي ونبدي في يوم يديد بعد صلاة الفير.. يعني فرضا صليتي الفير و نمتي.. صار الصبح رحتي الدوام رديتي تغديتي صليتي و بعدها اي وقت تقدرين تقرينها من اول ما تقومين ليييييين يأذن الفير مره ثانيه .. انا دايما اقراها قبل لا انام .. و ساعات لما اكون تعبانه وادري راح انام امبجر اقراها بعد صلاة العشا او اي وقت احس انه قاعده ماعندي شي لانه الواحد مايدري شنو شغل بيطلعله طول اليوم .. او تصير ظروف تخليني اطلع او شي.. فأي وقت فاضيه اقراها عشان ارتاح انه سويت اللي علي اليوم ..


بنات بعد كل اللي قلته معقوله في وحده راح تأجل قراءة سورة البقره لي باجر ؟؟؟؟؟؟؟؟


حتى اللي تكرومون عليها الدوره .. تقرا من الموبايل .. انا حاطه عندي البرنامج عشان اقرا من الموبايل وقت اللي ماقدر المس المصحف .. والله العمليه سهله انتوا بس خل عندكم نيه في انكم تبدون والله بيوفقكم


اللي تقول عندها امتحان و اللي تقول عندها دراسه و اللي تقول عندي دوام واللي واللي واللي واللي

بسألكم سؤال واحد بس..



اليوم في 24 ساعه .. بهال 24 ساعه كلها تدرسين و تاكلين وتنامين وتصلين فروضج بس؟؟

ماعندج وقت لو ساعة زمن تروحين جمعيه مثلا ولا تيبينلج شغله .. او تريحين وتشوفين تلفزيون متابعه برنامج ولا حلقه .. ولا ماعندج وقت تتسبحين فيه .. او تكلمين رفيجتج بالتلفون .. او تضيعين وقتج في قراية مجله او تسوين اي شي بوقت راحتج؟


بنات والله انه ساعه وحده ماراح تاخذ من وقتج .. و ترا بدايتها ساعه بعدين بتخلصينها بأقل من ساعه مع القرايه العاديه لانه بتكونين مع الوقت اجتزتي الصعوبه في الكلمات و تكونين مع المداومه عليها حفظتي ايات وايد .. خصوصا انه ماره علينا ايات وايد حافظينها من قبل من المدارس و غيرها ..


يالله بنات مانبي اعذار و الله بيعوضكم بالوقت اللي هديتوا في دراستكم ساعه وحده بس و قريتوا فيها سورة البقره .. ان شاء الله بتلاحظون هالشي في امتحاناتكم ..

واللي عندها اي اشغال ثانيه بتلاحظ ان الله بيوفقها في حياتها و عيالها و كل شي


صدقوني ماتحس في هالشي الا اللي تجربها .. يمكن وايد بنات مجربينها بس مايقولون لانه يخافون من العين وانه احد يحسدهم ومايقدرون يواضبون عليها ..

و الله اقولها لكم و عن تجربه اني اقراها كل يوم الحمد لله و ادري انكم بتذكرون الله وماراح تحسدوني..
و اهيا تحفظ من اي حسد .. و دام اني واثقه من ربي و ادري نيتي اني ابي اساعدكم لانكم خواتي و احبلكم الخير .. ادري انه هالشي بيكون له مردود حلو بحياتي من رب العالمين ..

والله يشهد على كلامي انه كل كلمه قلتها صاجه فيها و عن تجربه ..

و الله ابيلكم الخير و ابي دعاءكم ومابي شي غير التوفيق من الله و دعاءكم لي بظهر الغيب ..


والله يوفقكم و يسهل عليكم البدايه هذي و ان شاء الله بنتعاون كلنا


يالله منو المشاركاااات معانه ؟



كل وحده حابه انها تشارك معانا في حملتنا تحط هذا الشعار في توقعيها و احب اشكر الاخت اللي سوت لنا الشعار LUCK GIRL من منتدى كويتيات



عشان يكون واضح حق البنات اللي ماقروا الموضوع و يتشجعون و ينظمون لحملتنا




يالله بسم الله نبدي وفتحنا باب الاشتراك وفترة الاشتراك من اليوم .. لييي مدى الحياة

اذا اعجبك الموضوع و اردت نشره في المنتديات الاخرى فاستخدمي هذا الرابط:
اللي عجبتتها قصة الفتاة مع سورة البقرة تدخل هنا
http://forums.fatakat.com/thread45056

[m_maha]

[fati miss algeria]

مشكورة يا احلى مها على المرور
ربي يخليييييييييييييك

[مرمورة 33]

جزاكى اللة خيرا وجعلة فى ميزان حسناتك

[fati miss algeria]

مشكورة يا مرمورة
ربي يخليييييييييييييييييييييك حبيبتي

[مايو]

[مايو]

انا معاكى وهابداء ان شاء الله من بكره
ادعيلى استمر

[fati miss algeria]

ان شاء الله نستمر
انا لسه مكملة القراءة .....و بعد العصر ان شاء الله نقرا سورة النور
يا رب ينور علينا كلنا و يوفقنا....

[الايمان777]

جزاكى الله خيرا

هو كان فى موضوع قبل ده عن صوره البقره؟

[heba_2008_20]

السلام عليكم ان شاء الله ابدء بكرة بس ادعولى بالثبات علشان انا حاسة انلا بعيدة عن ربنا والشيطان غلبنى اليومين دول
اللهم ثبتنا على الاسلام

[مايو]

ايوه يا ايمان777 واسمه قصه فتاه مع صوره البقره

[مايو]

ربنا يثبتنا كلنا وعايزين نشجع بعض

[قائدة الاسطول]

مشكورة يافتى انا بدات قراءة سورة البقرة اول ما قراءت قصة فتاة مع سورة البقرة بالرغم انى موش عارفة التفاصيل . انا عندى سؤال ؟ لو عندى العادة الشهرية (الدورة)وما عنديش موبايل ولاجزؤ منفصل فية سورة البقرة ماعنديش غير المصحف .ممكن اوقف القراءة واواصل بعد انتها الدورة . ومشكورة على ردك السريع.

[عبير وزهور]

مشكوره يا اختي وانشا الله ربنا يوفقك في الدنيا والاخرة وجعلها الله في ميزان حسناتك.
وان شاالله اول ما اخلص الدره سأبتدأ بقرائتها وادعيلي بأن استمر لان هذه الفتره نفسيتي وايد تعبانه بعد ما خصرت جنيني وقالولي السبب هي التابعه او ماتسمى بلقرينه والله اعلم.

[fati miss algeria]

السلام عليكم حبيباتي...
انا اسفة اني تاخرت عليكم.......
المهم....بالنسبة لقائدة الاسطول...في الحقيقة انا ماعنديش فكرة عن سؤالك..و انا عن نفسي في هذه الفترة...لما مانقدرش نحمل المصحف..ممكن اسمعها...لكن مانفوتش يوم من غيرها
و الله اعلم.....اذا وصلتي لاي حل افيدينا من فضلك
و جزاكم الله كل خيييييييييييييييييييير

[دوبه]

وانا معاكم وهبدا من النهارده وانا كمان بشغله فى البيت

[dnsh]

شكرا جدا ليكي وجزاكي الله خير وانا سيفت الجدول الي انتي حطاه علي الكومبيوتر عندي وان شاء الله املاه كلو

[بنت النوبه]

شكرا ليكلى وجازاكى كل خير

[fati miss algeria]

مشكووووورين يا حبيباتي
و ان شاء الله ربي يثبتنا كلنا....انا لسه مكملاها....
و جيت على طول

[مروة الدميري]

والله عندك حق انا لما بقراها او حتى باسمعها بحس براحة غريبة