[undonelife]

قريت في احد المنتديات موضوع بعنوان خمس حركات تكسبك قلب المرأه.. ولما قريتهم حسيت ان الكلام مضبوط 100% قلت لازم انقلهالكم عشان اشوف رأيكم.. هيا حركات بسيطه اوي بس بصراحه (بالنسبالي على الاقل) حاسه انها بتفرق قوي


1_ مسك اليدين بمناسبة او بدون مناسبة .

هذه النقطه تحسس المرأه بالاطمئنان والشعور بالراحه



2_ ان يبعد لها خصلات شعرها التي وقعت على وجهها.

تعطي انطباع تام بالاهتمام والعنايه



3_مسح دموعها بأطراف اصابعك اذا تسبب لها اي شي من البكاء .

حناااااااااااااااااااااااااااااااااااااااااااااااا اااااااااااااااااااااااااااااااااااان لأبعد درجه



4_ان تقول لها كلمة (أحبك ) حتى وهي غاضبة

تسيطر على تفكيرها وتبادلك الشعور واحيانا ترد لك الكلمه



5_ان تقبل يديها وتعتبرها نعمة من الله وقل لها انك تشكر الله انه اهداك اياها..

تشعر المرأه عندها انها مميزه ولا احد ينافسها في قلب الرجل

مش كده برضه؟؟

اذا اعجبك الموضوع و اردت نشره في المنتديات الاخرى فاستخدمي هذا الرابط:
للرجــــل فقــط!!
http://forums.fatakat.com/thread45059

[roia]

انا مبسوطة اوى انى اول واحدة ارد على موضوعك
بجد الكلام دة مظبوط مليون%
ياريت كل راجل يتعلم يعمل كدة بدل ما الستات تبص لمهندههههههههههههه

[ماجي2008]

انا معتقدتش من غير اللى يرضى المرأة بعد الخناقة هدية شيك صدقينى ممكن تنسه للحظة وتحاول تفكر فى مشكلة تانية عشان الهدية التانية هههههههههههههههههه

[undonelife]

هههههههههه مهند ده مين ده اللي هنبصله يا roia

مش شرط هديه ياماجي كفايه شكلاتايه.. ورده.. بوسه.. كلمة اعتذار.. الحاجات دي بتفرق قوي
مش يبقى هو اللي بدأ بالغلط وانتي تعتذريه وكمان مش عجبه!!

[lol5]

هههههههه قال مهند قال

زوجي أحلى منه مليوووووووووووون مرة

بس أنا بتفق معاكي برضه.. الأمور الصغيرة لها مفعول السحر

موضوع حلو.. أشكرك

[undonelife]

شكرا لمرورك يا Lol5
بس بجد جوزك احلى من مهند؟؟ طيب جوزك ملهوش اخ ؟

[شرين عمر]

موصوع حلو اوى وياريت كل رجل يعمل كدة اكيد هيكسب حاجات كتير مش يكون هو اللى غلطانى وانا اللى اصلحة وهو كمان بيتانك

[فاطمة الزهراااء]

كلام جميل بس ياريت يعمل كده اما نتجوز

[ورده الحب الصافى]

أنا خطيبى بيغير عليا من شخص ماحدش هيصدق هو مين
الملك فاروق
بيقولى أنتى بتحبيه أكتر منى
ههههههههه
بس موضوعك حلو اوى
أنا بعته لخطيبى على فكره

[ورده الحب الصافى]

[undonelife]

انا معتقدتش من غير اللى يرضى المرأة بعد الخناقة هدية شيك صدقينى ممكن تنسه للحظة وتحاول تفكر فى مشكلة تانية عشان الهدية التانية هههههههههههههههههه

مش يكون هو اللى غلطانى وانا اللى اصلحة وهو كمان بيتانك انتي قولتي اللي انا عايزه اقوله بالضبط ياشيرين.. شكلهم معظمهم كده ولا ايه؟؟

[undonelife]

كلام جميل بس ياريت يعمل كده اما نتجوز

يا فاطمه ده لو عمل كده في فترة الخطوبه بس يبقى تبوسي ايدك وش وظهر.. آل لما نتجوز آل . دانتي طماعه اوي

[undonelife]

أنا خطيبى بيغير عليا من شخص ماحدش هيصدق هو مين
الملك فاروق
بيقولى أنتى بتحبيه أكتر منى
ههههههههه
بس موضوعك حلو اوى
أنا بعته لخطيبى على فكره

فكره حلوه ممكن اغشها منك؟؟ انا كمان هبعته لخطيبي
طب الحمد لله انه بيغير من الملك فاروق حاكم مات يعني لحسن لو كان بيغير من حدتاني كان راح ورا الشمس دلوقتي
أنا مش قصدي حاجه يارب محدش يفهم

[مصراويه]

هو فيه كده ؟؟؟؟؟؟؟؟؟؟؟
فين فين؟؟؟؟؟؟؟؟؟؟

[Noorseed2006]

الحاجات دى بتفرق ونص وثلاث ارباع .. دا انا لما بقول لجوزى على واحدة انها حلوة اوى ويرد بتلقائية يقولى انتى احلى منها مليون مرة بحس انى ملكة.. وهى فى الاخر حاجات بسيطة بس الراجل مش بيقدر يعملها طول الوقت
اما بالنسبة لموضوع مهند (اللى مش عارفة اللى دخلو فى الموضوع اساسا) فمن غير ما حد يزعل .. تفاهة عالية اوى ان الناس هتموت على واحد زى ده انا بشوفه خالى من معظم مقومات الرجولة اللى احنا كمصريين بنحبها
الحاجة الاهم بقى ان الست لما بتحب جوزها وبيكون كويس معاها وامين عليها بتشوفه اجمل راجل فى الكون كله .. حتى لو بالفعل مش جميل ..
ده رأيى مع الاعتذار الشديد لكل عشاق المدعو (مهنـــــــــــــــــــد)

[امان الروح]

ياريت كل الرجال يعملوا كده