عندما يكون البطل مريضا وتقدم لة البطلة حبة الدواء مع كوب ماء
وبعد ان يبتلعها وتسأله البطلة فورا ,, ها عامل اية دلوقتي ؟
المفاجأة انه يرد عليها الحمد لله بقيت احسن
(كدة بالسهولة دى هو واخد حبة البركة ولا أيه)
***********************
عندما يصل البوليس الي موقع الجريمة دون ان يبلغه احد
( تقريبا المخرج هو اللي بلغ علشان يصور اومال هيصور ايه )
***********************
عندما تقول البطله للبطل انها حامل فيرد البطل على طول ...
اللى فى بطنك ده لازم ينزل
( غالبا بيكون يوسف شعبان )
***********************
عندما تفاجئ باغنيه مالهاش أي لزمه في نص الفيلم مش عارفة اية العلاقه
بين الاغنية والفيلم
***********************
عندما يكون من المستحيل ان تجد الهاتف مشغول
***********************
العبارة الساذجة الشهيرة التي تصطحب مشهد القبض علي المجرم
( مفيش جريمة كاملة وانت فاكر انك هتهرب من البوليس بعملتك دي )
***********************
عندما يسكر البطل فتجده يصب كوب ممتلئ علي اخره
( بيسكر بعصير قصب )
***********************
عندما يخرج الطبيب من غرفة العمليات يرد جملة من ثلاث جمل
( اضطرينا نضحي بالجنين ) ( شدو حيلكوا يا جماعه ) ( العمليه نجحت بس مش هتقدروا تشوفوه دلوقتي )
***********************
عندما يجلس البطل والبطله في نفس الكازينو بتاع كل فيلم اللي في وش
ماسبيرو
ويطلبوا نفس العصير اللي في كل الافلام
(تانج او ميراند) ويخلص المشهد من غير ما حد يشرب حاجة علشان هيتصور بالمشاريب دى فيلم
تاني
**********************
عندما يصاب البطل بطلق ناري في قلبه وتنزف الدماء من بطنه زي صلصلة
الكشري ويظل يتحدث بطلاقه وتركيز لمدة خمس دقائق
يقوم خلالها بفك لغز الفيلم والاعلان عن القاتل الحقيقي او البطل يبقي
ابن مين
***********************
عندما تسمع صرير احتكاك كاوتش العربيات اللي بطارد بعض وتقريبا بتبقي
عربيات 128 وماشية حوالي 30 كليو
************************
عندما تتناول الابنة الفطار وهيا واقفة وبتاخد لقمه سريعة فتقولها
الوالدة ما تفطري يابنتي كويس
تقولها لا علشان الحق المحاضرة وتبوسها وتمشي فتنظر الوالدة الي
الوالد ويبدأن في الدعاء
************************
عندما تجد مقر العصابة ملئ بالقش والبراميل الخشبية التي تستخدم لاحقا
في الخناقة
اتمنى يكون عجبكم التوبك
اذا اعجبك الموضوع و اردت نشره في المنتديات الاخرى فاستخدمي هذا الرابط:
ازاى تعرفى انك بتتفرجى على فيلم عربى؟؟؟
http://forums.fatakat.com/thread45181
