[اخت فى الله_LM]

السلام عليكم ورحمة الله وبركاته
يمكن من العنوان هتفكروا انى منتقبة
لكن
لا انا مش منتقبه
بس حبيت اعمل شات للمنتقبات عشان تحكى لنا عن قصة نقابهم
ووحسوا بايه بعد النقاب وايه الى اتغير فيهم وكده
ده مش شات للمنتقبات بس
لا ده لينا كلنا
بس اخواتنا المنتقبات هم الى حيتكلموا معانا ويحكوا لنا قصصهم
عشان نشجع كل بنوته على الحجاب والنقاب كمان
منتظراكم يااحبائى فى الله

اذا اعجبك الموضوع و اردت نشره في المنتديات الاخرى فاستخدمي هذا الرابط:
شات للمنتقبات...
http://forums.fatakat.com/thread45310

[منال جمعه]

النقاب اجمل حاجه في حياتي لبسته في اولى كليه بتشجيع من صديقتي لبسنا في يوم واحد كان اهلي رافضين بشده بس انا صممت لاني مكنتش بحب حد يشوف وجهي كنت بتكسف خالص ولو جاوبت في المحاضرة وجهي يحمر خالص فبطلت اجاوب وكنت بتعرض للمعكسات لكن بعد ما لبسته حسيت احساس غريب احساس جميل جدا ما اقدرش اوصفه اللي لابساه هي اللي تقدر تفهمني وبقيت واثقه بنفسى واجاوب وانا مش مكسوفه وكان النقلب فتح بالنسبه لي اتعلمت حاجات كتيره في الدين وحفظت جزء كبير من القران وانا البسه من 9 سنوات وان شاء الله حتى الممات وسبحان الله امي اللي كانت معارضه لبسته هي واخواتي الخمسه وعندي قصص كتيره لاخوات لبسوا النقاب بصعوبه بس ربنا نصرهم كل مره احكي قصه ان شاء الله

[اخت فى الله_LM]

ربنا يكرمك يارب يااختى الجميله
منال
بحبك فى الله
ويارب ابقى من اخواتك المنتقبات قريب
يارب
ادعى لى ولكل البنوتات
منتظرين قصصك
بس قولى لاخواتك
الى عاوزين بس عاوزين صحبه وتشجيع يعملوا ايه؟
فى بنات كتير بتقول لما اخلص جامعه
وفى بتقول لما اتجوز
تقولى لهم ايه ياحبيبتى؟؟

[قمر الصعيد]

انا لبست النقاب وانا في تالتة ثانوي كان عندي 17 سنة ومكنش في حد لابس النقاب كتير في هذا الوقت ومحدش من اهلي كلمني عليه لاكن انا كان عندي قناعة داخلية ان البنت المفروض محدش يتطلع الي جسدها او ينظرؤ اليها بعين كلها مكر الي مفاتنها النقاب يحمي المراة من كل سوء ويجعلها محترمة امام الناس وامام نفسها وقبل كل شيء يجعلها محترمة امام ربها خالقها وانا الان ام لتلات بنات وما ذلت ارتدي النقاب الي الان والحمد الله علي كل حال وربنا يتقبل منا صالح الاعمال

[قمر الصعيد]

وانا اقول للاخت الكريمة منال وانا برضوه اسمي منال ان النقاب لا يمنع الزواج بل بالعكس ان النقاب يساعد علي الزواج لان الشاب اذا اراد الارتباط بفتاة يحبها ان تكون انسانة ملتزمة دينيا وخلقيا وارتداء النقاب يدل علي كل خير انا تزوجت وكنت منتقبة حوالي سنة والحمد لله كثيرا ان النقاب لم يكن عائقا في حياتي بل كان سر سعادتيالي الان

[rere2008]

انا لبست النقاب بعد ما ولدت ابنى الثالث ولبسته لانى كنت بنظر للى لبسه نقاب باحترام وتقدير اوى وبحس انها ملتزمه زيادة عنى وبعدين قررت انى ازيد من التزامى والبسه وبعد ملبسته حسيت انى انا المفروض كنت لبسته من زمان والحمد لله انا كدة بقالى خمس سنين لبساه وان شاء الله حتى الممات
وزى ما بيقول الشيخ محمد حسين يعقوب المنتقبه يوم القيامه لو طلع النقاب فضل هتزيد فى الاجر ولو طلع فرض تبقى ادت الفرض انما اللى مش لبسه النقاب لو طلع فرض هتعمل ايه يوم القيامه
اللهم احسن خاتمتنا جميعا

[koko2008]

انا لبست التقاب وانا عندى 18 سنه وكانت والدتى رحمها الله رحمة واسعه رفضه لبسى للنقاب مخافة الا اتزوج ولكن النقاب كان هو السبب الاساسى فى زواجى وانا بقالى 22 سنه لبسها وهذا من فضل ربى على

[شهد العسل]

مرحبا أنا صارلى لبسه النقاب 13 سنه والحمد لله وفى بدايت ملبستو كانت علشان أرضي حماى يلي أنا بعتبره في مقام بابا ,هو أنا كنت رايحه معاه مشوار وهو قلي أزا كنت حابه ترضيني وترضي ربك ألبسي النقاب وفعلا لبستوا مباشره ,هو صحيح في البدايه كان علشان أرضي هوه ,بس حاليا أنا مقتنعه بلبسه تماما لأنو أكيد فيه ستره وبالذات فى أيامنا الحاليه ,والله يهدي الجميع

[heba & hema]

السلام عليكم اولا
اما انا بقي لبست النقاب في اجازة تالته اعدادي يعني بقالي حوالي سبع سنين لابساه وكنت لابسه في تانيه اعدادي الخمار وكان لبسي للخمار مفاجاة للجميع لاني كنت متبرجه جدا وكده يعني اللهم اغفرلنا
وبعدين لما عرضت علي بابا وماما لبس النقاب رفضو بشده وطبعا انا صممت حتي اني قلت مش خارجه من البيت الاونا لابساه وبعدين بداوا يقولولي انت هتدخلي مدرسه الثانوي والنقاب ممنوع فيها وبقي كل اللي يقابلني يخوفني اني مش ممكن ادخل المدرسه بالنقاب بس انا قلتلهم هالبسه واللي يحصل يحصل
فلما لبسته الحمد لله كان وش السعد عليا لاني مش قابلني اي صعوبات خالص في المدرسه بالعكس كان المدرسين والمدرسات بيقابلوني بكل احترام وبدات زميلاتي في المدرسه يسالوني عن النقاب وانا اطمنهم لغايه مالبسته حوالي خمس او ست بنات
واللي تفتكر ان النقاب بيمنع الخطوبه او الزواج تبقي غلطانه
عشان بابا وماما كانو خايفين برضو من كده بس انا الحمد لله اتخطبت في تانية ثانوي يعني صغيرة برضو ودلوقت متزوجه الحمد لله
وكمان تخيلو؟؟ماما لبسته بعدي واختي كمان وبالمناسبه اختي كمان مخطوبه في اولي كليه بعد مالبست النقاب
والحمدلله حمدا كثيرا

[اخت فى الله_LM]

اخواتى
قمر الصعيد وريرى وكوكووشهد العسل
وهبة وهيما
ربنا يكرمكم ويجازيكم كل خير
ويثبتكم يارب على النقاب ويدخلكم الفردوس الاعلى
اللهم آمين
انا كنت عاوزه اسالكم ياحبايبى سؤال...
فى ناس بتقول ان النقاب ده بيبقى البنت عاوزه تغطى نفسها مجرد خجل مش التزام
وان الالتزام مش باللبس
تقولوا ايه فى الكلام ده؟؟

[heba & hema]

اللي بتقول ان الايمان في القلب ومش مهم الحجاب اقولها انه (من صلح باطنه صلح ظاهره)
وبعدين الحجاب ده فرض من عند ربنا وانا بقول الحجاب بمعني النقاب طبعا
وربنا يعيننا علي طاعته ويرزقك لبس النقاب يارب

[الوردة الجميلة]

جزاك الله خيرا علي هذا الموضوع
أنا لبست النقاب وانا دخله أولي ثانوي والحمد لله خلصت الكليه وبحضر رسالة الماجستير وتزوجت يعني بقالي عشر سنين لابساه والله النقاب مريح وبيريح اللي لابساه مش زي البنات ما هي فاهمه

[m.moon]

انا ليا كل الشرف انى اشارك معاكم انا كمان الحمد لله منتقبة من 3سنين
بس انا التزامى تقريبا جه تدريجى فى الحجاب يعنى كنت من بنطلونات لجيبات لعبايات لخمار لنقاب الحمد لله كان نفسى البسه اول حاجة وكنت لما بشوف المنتقبات بقول يابختهم بس كان فى رفض من بابا لحد لما اتخطبت وجوزى اقنعه الحمد لله وبحب النقاب جدا وهو فعلا خير وكفايه انه ستر للمرأة

[اخت فى الله_LM]

هبه وهيما

الاخت الجميله
انا بحبك فى الله
وكنت بتاعبع مواضيعك وردودك من قبل مااشترك
اكيد كلامك صحيح
نورتى الموضوع
طيب والى مترددة وخايفه يكون فى ضغوط عليها فى الجامعه تقوليلها ايه؟

[اخت فى الله_LM]

الوردة الجميله
الاخت الغاليه
عطرتى الموضوع
ربنا يجازينا خير واياكى ياقمر
طيب وايه المصاعب الى قابلتك؟؟
حنا مش بنخوف الى عاوزين ينتقبوا بس عشان نشجعهم ونقول لهم ان فى بنات زيكم ومروا بظروف صعبه زيكم وعدوا منها واتحدوها
وتسلمى ياحبيبتى
بحبك فى الله

[اخت فى الله_LM]

مدام مون

نورتى الموضوع يامون قصدى ياقمر
ربنا يكرمك على مرورك الهايل يافتكات هايله
وهو ده الى بعمله
انى بلبس عبايات ده طبعا ماكان جيبات وبعد طبعا ماكان بنطلونات
وخداها بالتدريج
بس المشكله ان معنديش الجراة كده وانى اخد قرار لوحدى
بس نفسى ماما ترضى عنه
عشان لو ماما رضت هيبقى احساس تانى
ربنا يرزقنا حبك وحب كل عمل يقربنا الى حبك
تسلمى ياحبيبتى
بحبك فى الله

[بنت-الاسلام]

السلام عليكم ورحمة الله وبركاته اخواتى فى الله
فى البداية احب اشكر اختى فى الله Lm على هذه الفكرة الجميلة انا منتقبة من حوالى سنة وكام يوم وزيى زى اى اخت منتقبة بتواجهها اكيد صعوبات بسبب النقاب بس يا جماعة مش بس المنتقبة هى ايللى بتواجه صعوبات اى انسانة اكيد بتواجه صعوبات حتى المتبرجة وهى دى الحقيقة لان الحياة دار عمل واختبار بس الحاقدين على المراة المؤمنة هم ايللى بيحاولوا يزرعوا ده ويكبروه فى عقولنا علشان نتخلى عن حق من حقوقنا وهو عفتنا وكرامتنا بس لو انتوا حسبتوها بالعقل هتلاقوا ان النقاب بيمنع عننا فتن كثيرة يعنى بيعصمنا من معاصى كتيره مثلا المنتقبة ممنوعة تدخل بعض النوادى فانتوا لو بصيتوا اصلا وفكرتوا هتلاقوا ان اغلب النوادى بها اختلاط وبنات وشباب وانتم ادرى منى حتى لو الواحدة مش بتعمل كده بس بتاخد ذنوب على ايللى بتشوفه ولا ايه؟ لانها اصلا مخيره ورايحة بارادتها اذا هم بيساعدونا على الطاعة مش بيمنعونا من حاجة اما بالنسبة ان المنتقبة بيكون عليها الهجوم اشد فهذا لان اجرها عند الله اعظم مهما كان حكم النقاب فرض سنة فضل فى كل الحالات اجرها اكبر من اى اخت غير منتقبة فانا احب اطمنكم يا اخواتى ان النقاب ده رفعة للمراة مش بيقلل من شانها فى المجتمع واحب الفت نظركم ان كل اخت بتنتقب بتحمل راية للاسلام على راسها فياريت تكون قدوة صالحة لكل اخت امامها وان شاء الله اجيب لكم قصص لكثير من المنتقبات ايللى اتمسكوا بنقابهم واسلامهم واختى الكريمةlmعندى اقتراح لكى احنا ان شاء الله عايزين كمان نجمع الادلة ومواقف للصحابيات تتعلق بهذا الموضوع ونعرضها للاخوات لكى نشجع كل اخت لمزيد من الالتزام وكمان نعمل استفتاءات وننظم مقال اسبوعى يحوى قصة ودليل كمنارة لبعض الاخوات الذين يرغبون بمعرفة الكثير عن النقاب وكل اخت ترغب بالمشاركة معنا اهلا وسهلا بها ومش بس عن النقاب لكن عن اى شىء يهم الاخت المسلمة ولكى منى جزيل الشكر ومنتظرة الرد

[اخت فى الله_LM]

وعليكم السلام ورحمة الله وبركاته
اختى الجميله والغاليه "بنت الاسلام"
انا اولا بحييكى على اسلوبك وكلامك الجميل
وانا بجد مستحقش الشكر الجامد ده
انا بجد بحب المنتقبات جدااااااااا ونفسى اكون واحده منهم
بس عندنا ف الكليه الموضوع صعب
والمنتقبات بتتحارب
وبتوصل احيانا انهم بيتعمدوا يسقطوها ف الجامعه
مع انهم بيبقوا محترمين جدا وملهمش اى نشاط ف الكليه وف حالهم جدا ومفيش حاجه بتشغلهم غير مذكرتهم وبيبقوا متفوقين جدا كمان
انا بس القرار مش قادره اخده لانى فى كليه عمليه وبلبس بالطو وخايفه النقاب يعوقنى عن دراستى او يسبب لى مشاكل ف الدراسه
بجد انا الحمدلله مقتنعه بيه اوووووووووى وربنا العالم
بس
اولا اهلى مش موافقين خااااالص على اسدال حتى
وكمان صورتهم الى واخدنها عن النقاب غلط
طيب هكى لكم حاجه زعلت منها اوى
وياريت تقولولى رايكم فيها
كنا راكبين مع واحد قريبنا وبابا قاله دى لميس عاوزه تنتقب وكده
طبعا ده اسلوب اخر للضغط عليا ان يستخدموا اسلوب"الزن على الودان...."
انتم ادرى طبعا
فقاله ايه؟؟
تتخيلوا
مش يقول ربنا يقويها ولا تصلى استخاره او حتى تصبر شويه زى كل الناس مبتقولى
لا
قال كلام غريب جدا
قعد يقول سمعه النقاب مبقتش زى الاول والالتزام مش بالنقاب
وكلام كتيييييييير
انفعلت جدا
وقلت له النقاب ده شرف انا بتمنى اوصله
ده قالى كمان ان زوجات الصحابه مكنوش منتقبين
تتخيلوا...
ياريت تقولولى ليه كتير من الناس بتاخد فكره غلط عن النقاب كده
ليه؟؟
ليه بقينا واقفين ف مكانا ومش عارفين نتقدم ف دينا
طموحاتنا كلها هلبس ايه واكل ايه وهشتغل ايه وهتجوز مين
ونسينا ان يكون لنا طموحات دينيه
ازاى اوصل للجنه ولرضى ربى عز وجل
ليه لما اى حد ملتزم يغلط يبقى العيب ف الملتزمين والالتزام كله
هو احنا مش بشر؟؟
والله اسئله كتيييير اوى مش لقيالها اجابه
منتظراكم ومنتظره قصصكم وياريت انتم ادرى مننا واكثرتعمقا ف الدين
يجيبوا لنا قصص صحابيات عشان ناخد منها قدوة نحاول نوصل لها
ربنا يجازيكم ويجازينا الف خير
والله انى احبكم فى الله

[يويو افندي]

النقاب طبعا مهم وياريت اخز الخطوه دي وانا علي العموم بداتها تدريجي بس ياريت تكون المنتقبه مثل للدين مش العكس لاني بجد بقيت متعقده من المنتقبات وشك فيهم الا ان يثبت العكس لان اكثر واحده ازتني في حياتي ومازالت تؤزيني منتقبه وكل الي بتعمله بتحشر فيه الدين وهو برئ منها وتقول الخير ولاتفعله بالعكس تعمل عكسه وانا مش مسمحاها وربنا يجازيها

[اخت فى الله_LM]

ربنا يكرمك يايويو
ويهديكى وايانا الى مايحبه الله ويرضاه