[ايمي85]

لو سمحتك يافتوكات اللي عندها غساله وايت ويل تقولي بتستخدمها ازاي لاني استخدمتها قبل كده مرتين وبهتت كل الهدوم في بعض انا كنت بستخدم الهاف وكانت مريحاني والوايت ويل لسه جايباها قريب ومش فاهمه حاجه من الكتالوج فياريت اي واحده عندها الغساله دي تقولي علي برامجها واستخدامها

[jojo queen]

ازيك ياحبيبتى معلش اسمحيلى اقولك بصراحة
دى غسالة زى الزفت اسوء حاجة ف السوق ياعنى ما لقتيش غير المركة دى وتجبيها
الغسالة دى عند ماما مش ممكن كل شهر بيتتصل بالصيانة وبتوع الصيانة دول بعيد عنك بردييييييييييين بيلطعوها بالشهر عشان يجو يشوفو الغسالة فيها اية
لدرجة ان اخر مرة سابوها من غير ما حد يجى وبيتتصل بيهم يوميا وفى الاخير قدمت فيهم شكوى لعدم احترامهم للعملاء
وبيخدو الغسالة ويقعدوها عندهم حوالى اسبوعين وترجع العسالة كما كانت بنفس العيب
اعذرينى بس الامانة حتمت عليا اقولك الصراحة ومن تجربتى

[ماروونجلاسيه]

ام معز ربنا يكرمك دا انا كنت ناويه اغير غسالتى الايديال واجيب وايل ويل الاسبوع الجى

[dr.tatty]

يا ريت تقروا موضوعي عن غسالتى المرحومةوايت ويل الموضوع اسمه احذري الماركة دي

[بنوته قطقوطه]

طب والله كويس ان انا عرفت انها مش حلوه ده انا كنت ناويه اجبها طيب وايت ويل وحشه فى اجهزتها كلها ولا الغساله بس طيب ايه احسن حاجه فى الغساله الاتومتيك لانها محيرانى اوووووووووووووى

[jojo queen]

ام معز ربنا يكرمك دا انا كنت ناويه اغير غسالتى الايديال واجيب وايل ويل الاسبوع الجى

لاااااااااااااااا يانور خليكى ياحابيبتى ف غسالتك ايديال مش وحشة عند خالتو بقالها بيتاع 9 سنين وزى الفل ماشاء الله
انا غسلتى كريازى وتحفة وماما كانت غسلتها كريازى ولما غيرتها جابت المركة الزفت دى وندمااااااااااااانة جداااااااااا والله

[jojo queen]

طب والله كويس ان انا عرفت انها مش حلوه ده انا كنت ناويه اجبها طيب وايت ويل وحشه فى اجهزتها كلها ولا الغساله بس طيب ايه احسن حاجه فى الغساله الاتومتيك لانها محيرانى اوووووووووووووى

والله يا ( بنوتة ) ياحبيبتى انا بحكلكم عن تجربتى واللى اعرفة ان العسالات بيتاعتها الماركة دى سيئة اخر حاجة
لاكن باقى اجهزتهم محدش عندنا جايبهم بصراحة
احسن حاجة ف الغسالة التوماتيك - كريازى رقم واحد ودى بشهادة الجميع وجيباها ف مصر
و LG غسالة ممتاااااااازة وعندى هنا ف قطر بقالها 3 سنين ماشاء الله
وايديال كمان اللى مجربها بيشكر فيها موت وكمان هى عند خالتى بقالها سنين كتير

[Jannat]

ايمي حبيبتي

انا متجوزة من كام شهر وعندي التلاجة وايت ويل 18 قدم وماشاء الله تحفة كبيرة اوي وواسعة من جوه ومالهاش صوت خالص وبتسقع حلو اوي ماشاء الله جميلة جدا
وعندي كمان البوتجاز وايت ويل تحفة بجد والله
وعندي غسالى الاطباق وايت ويل 12 فرد حلوة جدا ومريحاني اوي والبرنامج بتاعهل سهل جدا
وعندي كمان فرن كهربائي وايت ويل بعمل فيه كل حاجة تتخيليها وجميل جدا بردو ...
واخيرا بقي عندي غسالة الملابس وايل ويل 7 كيلو حلوة اوي وبغسل عليها حوالي 5 مرات في الاسبوع وساعات اكتر من مرة في اليوم والحمد لله جميلة اوي ومريحاني وبرامجها سهلة بس هيا عاوزة تجربة علشن تتحفظ

انا بس للأمانة حبيت اقولك انها ماركة حلوة اوي ومعروفة بقالها اكتر من 25 سنة

وبصراحة مش عارفة الاخوات اللي بيقولو عليها انها ماركة وحشة جدا بيقولوا علي اساس ايه

دي علي فكرة دلوقتي تعتبر اكثر ماركة مبيعات في السوق المصري لحد دلوقتي في كل اجهزتها

الحمد لله اني بجد جبتها في كل اجهزة بيتي ...

[jojo queen]

وبصراحة مش عارفة الاخوات اللي بيقولو عليها انها ماركة وحشة جدا بيقولوا علي اساس ايه
والله بنقول على اساس اللى شوفناة ف بيوتنا الغسالة عند ماما ومكملتش السنتين وبينت عيوبها الغسالة كانت بيطلع زيت على الغسيل وبيطلع الغسيل كلللللل
وسخ وفية حاجات سودة زى الشحم وانا نفسى لما غسلتلى لبس لابنى وطلع كدا رميت لبس كتتتتييير للولد ما نفعش تانى
انا مش حخترع كلام انا اية المستفداة لما اقول كدا ياعنى
اسلوبك ف الرد غريييب وكاننا كدابين
قولى عندك الغسالة وانها كويسة وخلاص مش لازم بقا ( اصل مش عارفة بيقولو على اساس اية ) كدابين احنا
سبحان الله

[كليوباترا الشرق]

الاول السلام عليكم ومساء الخير على كل الفتوكات القمرات عاوزه اقولكم ان انا ضيفه جديده للمنتدى يعنى اول مره اشترك فى منتدى واول مره شارك برأى بس طبعا متابعه اخباركم وكمان بستفيد منكم كتييييييييير جدا بجد ميرسى ليكم ويارب اكون ضيفه خفيفه عليكم كنت عاوزه اقولكم حاجه بجد عن غساله وايت ويل احنا بصراحه جربنا منتجات الشركه دى فى المكواه وغساله الاطفال بالنسبه للمكواه يعنى مش بطاله هى خفيفه وحلوه بس مش بتسخن اوى يعنى مش بتكوى الهدوم التقيله كويس اما بالنسبه للغساله والله ماشاء الله تحفه بجد بتغسل حلو اوى اوى وبتنضف الغسيل جدا وصوتها هادى جدا بجد تحفه لكن بالنسبه للغساله الاوتوماتك مش عارفه بصراحه اسفه على الاطاله ويارب اكون اضافت حاجه