[wella]

انتو مش ملاحظين ان الخلافات زادت بينا اوي ؟؟
علي ايه ده كله؟؟
مفيش حاجه تستاهل اننا نقف ادام بعض ونجرح بعض كل شويه بسبب حاجات تافهه
ايوه حاجات تافهه
اي حاجه تزعل اخت من اختها وتخليها تخسرها لازم تكون حاجه تافهه
احنا مش هيفضل مننا غير عملنا الصالح وهو ده اللي هيبقي
اي واحده هنا ملهاش ادني حق في انها تطرد اختها من بيتها او تضايقها
حتي لو واحده غلطت يبقي نعاتبها مش نجلدها كأنها عملت ذنب لا يغتفر
المنتدي ده بيتنا كلنا للكبير والصغير للعضوة والمشرفة والمراقبه
وكل واحدة فينا ليها دور حتي لو كان صغير فهو اكيد مفيد
مينفعش واحده مننا تقول انا مليش لازمه
لو كل واحده قالت بس كلمه شكرا لاختها اللي تعبت في موضوع تبقي عملت كتير اوي والله الكلمة الحلوة ليها مفعول السحر في النفوس
احنا ممكن نعمل حاجات كتير اوي وكلها حاجات بسيطه وثوابها كبير اوي سهل اوي اننا نكسبه بقلب صافي طالعه منه كلمه طيبه لوجه الله ودي حاجه كلنا نقدر نعملها
احنا في الاول والاخر اخوات في الله
ومتنسوش ان احنا في ايام مباركه ولازم نحرص فيها علي عمل كل شئ طيب
والله انا ببقي حزينه جدا علي الخلافات اللي بقت موجوده في كل حته في المنتدي
حتي موضوع دكتورة نفسيه اللي اتعمل مخصوص عشان نساعد بعض
برضه بتحصل فيه خناقات
المفروض اي واحده فينا قبل ما تقول اي كلمه تفكر هي بتكتبها ليه وعشان مين
لان كل كلامنا لازم نرضي بيه ربنا ويكون خالص لوجه الله
ياتري لما واحده مننا تتعمد تضايق اختها ربنا هيرضي عن تصرفها؟؟
وهتستفيد ايه غير الذنوب وعدم رضا ربنا عنها
بالله عليكم
بلاش نزعل بعض
بلاش نضايق بعض
بلاش نجرح بعض
انسوا خلافاتكم واهزموا الشيطان اللي بيحاول كل شويه يفرقنا ويخسرنا بعض
خلو دخولنا المنتدي كنز حسنات ترفع مكانتنا عند ربنا
خلونا نحن علي بعض
خلونا نساعد بعض
نطبطب علي بعض
بكلمه طيبه
بنصيحه صادقه
بمشاركه نافعه
يلا كلنا ننسي الخصام والمشاكل والخلافات
عشان نستقبل شهر رمضان بقلوب كلها ود ومحبه وخير
ربنا يهدينا كلنا لما يحب ويرضي
كل سنة وانتو طيبين وعلي الخير متجمعين
احبكم في الله

اذا اعجبك الموضوع و اردت نشره في المنتديات الاخرى فاستخدمي هذا الرابط:
ايه اللي بيجرالنا ده؟؟؟؟
http://forums.fatakat.com/thread45444

[مدام سمر]

فعلا عندك حق فى كلامك بس يمكن الزمن الى احنا فية مخلينى على طول عصبين مش عيزين نسمع الا نفسنا بس انا هاحاول انضف قلبى من اى حاجة تزعلنى من حد او حتى انى احاول ازعل حد

[wella]

اختي مدام سمر
اسمحيلي اقولك احنا لو سيبنا نفسنا للزمن يغير فينا زي ماهو عايز صدقيني هييجي علينا يوم هنبص لنفسنا في المرايا مش هنعرفها
كل واحد فينا جواه الحلو والوحش الخير والشر
بس احنا لازم نجاهد نفسنا عشان متمشيناش علي مزاجها
احنا اللي بنختار يا اما احنا اللي نتحكم في نفسنا
يا اما نفسنا هي اللي هتتحكم فينا
وحسب ما بنختار بنلاقي نتيجه افعالنا
وصدقيني رضا ربنا يستاهل اننا نجاهد شر انفسنا عشانه
لان اللي عند ربنا خير وابقي
سامحي كل اللي اساء اليكي وثوابك هيبقي كبير اوي عند ربنا
حتي لو اتظلمتي كفايه انك لما تحطي راسك علي المخده هتباتي وانتي ضميرك مرتاح وكسبانه رضا ربنا عز وجل
ربنا يهدينا جميعا
وكل سنه وانتي طيبه

[gogo&ahmed]

تسلمى يا قمر وانتى بجد عندك حق وربنا ميجبش مشاكل ابدا انا اصلا اعجبت بالمنتدى فتكات اوى وبالعضوات اللى فيه ولقيت بجد فيه حنان وحب ملقتوش فى منتدى تانى وانا بدعى ربنا ان علاقتنا تكون كويس مع بعض والمفروض كل واحده تستحمل اختها التانيه

وبجد شكرا على الموضوع ده

[wella]

اختي جوجو
فعلا انتي عندك حق احنا لازم نتحمل بعض
يعني لما الاخوات ميستحملوش بعض مين اللي هيستحملنا
ربنا يديم محبتنا في الله

[اخت فى الله_LM]

يارب يديم محبتنا فى الله
وبجد احنا ملناش غير بعض
مين لما بتبقى زهقانه بتلاقيه جمبك على طول وعلى استعداد يسمع مشاكلك مع ان بيبقى عنده مليون مشكله
بس بينسى مشاكله وبيسمعك
غير اخواتك فى المنتدى
صح كلامك
وربنا يجازيكى الف خير

[wella]

اختي اخت في الله
جزاك الله خيرا عن كلامك الطيب
كل سنه وانتي طيبه

[nona79]

حزاكي الله كل خير

[ام سراج]

كل سنه وانت طيبه يا wella وشكراً ع الموضوع الجميل ده..وطبعاً معاكي حق
وان كنت الحمدلله من فتره مش شايفه خلافات لكن احتمال يكون فيه حاجات hidden مش عارفاها
وعموماً..وجود الخلاف نوع من علامات الصحه..واننا كويسين..حتى انت واخواتك في البيت اكيد اوقات بتشدوا مع بعض او على بعض
المشكله مش في الخلاف في حد ذاته..المشكله احنا اتعاملنا خلال وبعد مرحله الخلاف..ازاي؟
ياريت حتى اذا اختلفنا..وشدينا في وقت غضب..نرجع نعتذر لما نصفى ومانكابرش
الاعتراف بالحق فضيله..مش عيب لو غلطتي..تقولي اسفه
كل سنه واحنا طيبين جميعاً..كل سنه وفتكات وبناتها..كلنا مع بعض اخوات يد واحده..ان شاء الله

[مصراويه]

مشكوره على الموضوع الجميل ده ودايما تسعى فى الخير يا عسل.
وأنا معاكى فى كل كلمه ودايماً يارب منتدانا جميل بعضواته العسولات.

[راهيف]

جزاك الله خيرا
أنا بحب المنتدى جدا وبحب كل اللى فيه وربنا يحفظنا ويخلينا لبعض

[nona.ezzo]

جزاك الله خيرا على الكلام الرائع ده
وياريت كلنا نراعيه
وكل عام انتى وحبيباتى الفتكات بخير وصحه جيده

[الساحرة]

جزاكى الله خيرا على الموضوع الجميل ده

وربنا يديم المحبة والود وكل سنة وانتم طيبين

[staaaaar]

جزاكى الله خيرا على موضوعك اللى جاء فى وقته

[نشوة]

انا مش شايفة خناقات خالص
اروح اركب نظارة واجيلكم

[rouwy]

جزاكى الله خيرا الموضوع جااامد اووى

[دينا الحصري]

والله ربنا يجازيكي خير على كلامك الجميل دة
احنا لازم نكون كدة
عشان في خلافات فعلا
بارك الله فيكي على الموضوع الجميل

[ام ميداء]

ربنا يهدينا كلنا لما يحب ويرضي
كل سنة وانتو طيبين وعلي الخير متجمعين
احبكم في الله

[ام كيكي]

كل سنه واحنا جميعا طيبيين رمضان كريم

[fishs]

كل سنة وانت طيبة ياويلا وكل الفتوكات بالف خير
وان شاء الله يكون كل القلوب صافية بكلامك الجميل ده لانه يدخل القلب على طول ويارب نفضل كلنا اخوات دايما تربطنا المحبة في الله وتكون قلوبنا على بعض دايما