[دلوعة زوجها]

صاير عصبي وطبعه حاد

كان يعاتبني ليش بتصل فيه وهو بشغله كتير
و بعدين صار يعاتبني ليش ما بتصل فيه لحتى قله صباح الخير بس إصحى من النوم
ماني مقصرة بشي من واجباتي الزوجية .. بهتم بأدق التفاصيل لحتى يكون مبسوط ومرتاح . حتى تزيين طبق الأكل
والعناية بحالي قبل ما يجي من آثار الطبخ و روايحه

مدري شو صايرله .. وما عميقبل نقاش ..أنا اللي كانت الناس تحسدني على علاقتنا الزوجية المتكاملة

.. أرجو الافادة

[دلوعة زوجها]

أرجو النصيحة يا أخوات

[preatywoman]

ممكن يكون فيه في شغلة حاجه مضيقاه اصبري عليه حبيبة قلبي وليكي الاجر واستني لحظه يكون رايق فيها واسأليه عن سبب ضيقه وتغيره وربنا يهديهولك يا رب وقوليلي النتيجه فيما بعد

[ام شوكت]

عزيزتى
يمكن يكون السبب متل ما قلتلك preaty woman طولى بالك عليه واسأليه لما يكون رايق وحاولى انك تبعدى من بالك الافكار السيئه

[ام مهند]

راجعي نفسك اكيد هتعرفي السبب
وممكن يكون هناك ضغط في الشغل
اصبري وباسلوب حلو في وقت يكون رايق اسأليه ايه اللي تعبه وممكن تقوليله انت زعلان مني ليه بس اوعي يكون سؤالك زي بتاع وكلاء النيابه
او يحس انك بتستجوبيه
وربنا يهديه لك
اقرئي قران كتير في البيت واستعيني بالاستغفار والدعاء

[أم لوجى و ملك]

ياااااااااااااااااااه كتير بتحصل وزوجى برضه علاقتنا يحسدنا عليها الجميع بس بيكون فيه مشاكل بالشغل او مشاكل ماديه او شىء ما تعرفيهوش
وممكن جدا يكون حسد من اقرب الناس ليكى شغلى سورة البقره واستعملى ايات الرقيه الشرعيه ان شاء الله سيذهب همك

[دلوعة زوجها]

لا يا أم شوكت .. ما أظن انها pretty woman
لأن زوجي ما بيتعوق برا البيت بس يخلص شغل بيجي بس بده يوصل عالبيت
بس ممكن كتير يكون مشكلة مادية متل ما تفضلتي أخت أم لوجي وملك وخاصة انه زوجي واحد من الرجال اللي ما بيدخل براسه انه عنده مشكلة مادية وما بيدخل بعقله انه في متطلبات منزل و زوجة وطفلة ممكن بيوم ما يقدر يلبيها كلها
وخاصة انه ما بيحسب .. بحب البسط و المشاوير و السفر و...
وخاصة انه مرة احتدم بيننا النقاش لما طرحت عليه فكرة اني حابة إشتغل وقال لي انا بلبيلك جميع متطلباتك بس ركزيلي اهتمامك على بيتنا و مزح وقاللي : انتي بس دلليييييييييييييني.... وما كان لسا في بحياتنا طفلة
وفعلا ملبيلي كلشي ممكن تحلم فيه اي زوجة أو امرأة .. بس ... مشكلة زوجي كتوم ما بيحكي اللي بقلبه الا بصعوبة وبسحب الكلام من تمه سحب ولا بيعترف انه ممكن يكون غلط بوجهة نظر معينة

[دلوعة زوجها]

أرجو مزيد من الإفادة بليز .. ممكن يكون ضائقة مادية وما بده يحكي
بس هدا ما بيعطيه مبرر يتقصد يدايقني بالكلام .. أنا ما طالبته بشي ابدا.. هو اللي بيغدق عليي الهدايا والأشيا اللي أحيان كتيرة ما بتكون لازمتني

وممكن يكون ضغط العمل .. بس كتير احيان بكون مضغوط بالعمل وبس يرجع عالبيت بينسى و بقلي "دايقة خلاقي قومي نطلع مشوار" وكتير احيان بكون تعبانة أو ما بيكون جاية عبالي بقوم بلبس بنتي و بنزلها عند ماما و بطلع معه

[monee_2020]

ربنا يهديه ليكى حبيبتى احنا وانتى يا رب

[مروشكا]

حبيبتي الدلوعه كل الرجال في نظري متل بعض ولما قرأت شو كتبت حسيت كانك عم تحكي على زوجي انا من3 ايام والنت عطلان عندي فصار يعصب على وعلى الأولاد ونحنا مالنا ذنب إذا كان زوجك كتومي يعني ما راح يخبرك شو زاعجه فما عليكي إلا أن تصبري وتاخدي الأمر ببساطه وكأنو مافي شي وكأن مو متغير معك وبعرف أنو كتير بدك تحسي بالقهر وأنك مجروحه منه ورجعي عامليه طبيعي
وممكن جدا تكون عين أو حسد من أقرب الناس إلك فعليكي بسورة البقرة ووالله إنها أحسن علاج الله يريح بالك وبالي

[دودينا]

اختى ممكن يكون مشكلة فى شغلة او فتاة بتلف علية واكيد انتى هتقدرى تعرفى فى وقت يكون رايق فية اللة معاكى

[دلوعة زوجها]

دودينا يا أم الأفكار ..بدي إفرض إنه وحدة لافة عليه متخيلة ممكن يحكيلي حتى لو كان رايق ما أتوقع

على كل .. أنا هلء عمببعتلكن من اللاذقية بشمال سورية.. منطقة ساحلية مناخها جميل وطبيعتها حلوة
منه تهدى اعصابي و برتب أفكاري ومنه بلكي لما إرجع بكون اشتاء وحن و حس بغلطته معي
جايي معي البيبي سيتر وأخته (بنت حماي)
بلكي انشالله تروء بهاليومين
تفضلو معانا
عن جد انا كتير حابة اتعرف عليكن..كلكن .. عن جد الكل بدون استثناء .

[ام شوكت]

شوفي حبيبتى من كلامك فهمت انه وضعه المادي ممتاز واللي بيكون هيك في اول ازمه بتمر عليه بيكون مش طايق حاله بتمنى انك تفكري منيح وتحاولى تبينيله انك ما بتستغنى عنه لو شو ما صاروخليك الأيد الحنونه عليه دايما مهما عصب ونرفز اتحمليه وارجعى عالبيت وما تخليه لحاله احسن يروح لحدا تاني ويفش خلقه عنده

[دلوعة زوجها]

حبيبتي يا أم شوكت .. انا كتير بهمني رأيك لأني لمست من مواضيعك ومشاركاتك آراء فعلا يوثق فيها
بس أنا قصدي يشتألي و يحس بغلطته
.. كتير فاقدتله ومشتاءتله وماعمبعرف نام .. يا ترى تعشى .. الدنيا برد يا ترى تغطى .. بتعرفي.. انشالله يكون اجى لعنده حدا من صحابه يسليه
بتعرفي كمان.. والله ماني عارفة كن و إهدى .. بس لازم يحس انه غلط بحقي .. مو حبيبته انا ؟؟ ..والاهانة مو مسموحة يا أم شوكت وان غفرتا بقلبي ما بكون غفرت
بس والله فاقدتله
بكرة .. بكرة من الصبح رح إرجع
خلي البنت مع البيبي سيتر و اخته يضلو هنن وانا راجعة

بس بيني وبينكن والله خايفة .. معقول إرجع لاقي وحدة عنده بالبيت
.. مستحيل.. زوجي مو تبع نسوان وماعنده هالطبع ابدا..
والله صرت اضرب اخماس بأسداس.. كتير مشوشة

[annos]

حبيبتى واضح انك مهتمة بية كتير ودة سببة حبك لة واحساسك انة يستاهل
لكن الزوج بعد وقت بيتعود على زوجتة لازم تكونى متغيرة ومتجددة
يعنى تعملى حاجة غير متوقعة المفاجاة مهمة قوى
لو كلمتية فى التليفون بعد ثوانى كلمية تانى وقوليلة انة واحشك قوى كمان الصوت لة تاثير كبير
بلاش تسقية الحب بالكيلو خليكى تقيلة اديلة الحب فى الوقت الغير متوقع مش وانت فاضية بس بالعكس لو مشغولة وسبتى كل شىء من اجلة دة هيفرق معاة
واضح انة حاسس بروتين الحياة اليومية معاكى
ممكن كمان تعملة نيو لوك وكتير من التغيرات اللى تيجى ببالك
وابقى طمنينا عليكى

[rehab]

الكلام اللي قالتوا أنوس صح فعلا غيري روتين

[rehab]

غيري روتين حياتك
دلعييييييييييييييييييييييييييييييييييييييييييييييي يييييييييه

[دلوعة زوجها]

يااااااااااااااااااي .. ما بتعرفو شو مدلعته ..وشو بعمل وبساوي ليبقى مبسوط ومرتاح

موضوع النيو-لوك يا أنووس هاد صار من ضمن الروتين كل يوم .. وموضوع تغيير ديكور البيت كل فترة والورد الطبيعي اللي ما بيخلى من البيت واللي بجدده كل فترة
والله بفيق من الصبح دوبني اشرب فنجان القهوة بتلاقيني نزلت عالسوق أتسوق لطبخة يحبها ..
بإيدي بغير الديكور و بزيح الأثاث و ببدل التحف بخبيها و بنزل غيرها كل فترة .. عاملة عندي بالبيت خزانة للتحف والفازات والتماثيل كل فترة بشيل منن و بحط غيرهن لوقت مل من شكلن برجع برفعهن و بنزل غيرهن ....وهيك أو بعيد توزيع محلاتها منشان دايما يلاقي في اشيا جديدة بالبيت
غير الشموع اللي بشعلها قبل ما يجي .. كتير بهتم بهي التفاصيل الصغيرة وهو بحبها
بس كل شي صار روتين .. حتى التجديد .. صار روتين

[ام مهند]

المشكله يادلوعه انك عملت كل حاجه ممكن تتعمل علشان كده اي تغير مش هيحس بيه انت قلتي انك راجعه البيت ايه الاخبار لاقيته كويس ولا تعبان من دونك
قوليلي
وربنا يهديه

[دلوعة زوجها]

لحظة أعمل فنجان قهوة و إرجع رد عليكي ..

أييييييييوه ..
لما رجعت .. تقصدت إرجع لحالي .. تركت البنت مع البيبي سيتر و أخته اللي كانت معنا.. رجعت لقيت البيت مليان غبرة و الورد بالمزهريات دبلان بده تغيير.. بعدين عرفت مؤخرا إنه كان راح لعند إمه وبعدين زوجة رفيقه دقتلي تتطمن قال ليش ما إجيتي مع "عبدالرحمن" أول مبارح فعرفت انه راح سهر هو و رفيقه أول مبارح وقلتلا اني كنت مسافرة

بس لما رجع من الشغل كنت انا متل العادة مرتبة البيت
كلشي ..متل العادة .. قال وينا "ليلي" (بنتنا) جاوبته :بقيت مع ........
بعدين سألته : تعشيت ؟
قال :اي تعشيت برا .. مابعرف انك جاية .
كنت محضرة عصير ليمون بنعناع جبت كاستين و قعدت على طرف السرير عمتابع الفيلم بس كلللللني معه بحساسية مفرطة لأقل حركة .. مع العلم اني متل العادة بلبس المسا .. فستان أوقطعة لانجري شيفون او ساتان خفيف
وخصوصي انه مافي حدا بالبيت ..يعني حرة بلبسي .. انا و زوجي والطفلة
قعدت تابع الفيلم واشرب الليمون.. تحاشيت اسأله عن اي شي ممكن يدايقه
وهو كتوم .. ما حكى شي
قعدنا شوي ساكتين وبعدين غفي هو بسرعة .. زعلت عليه .. أتوقع انه واقع بضائقة مادية ومابده يظهرلي .. يا الله شو كريم .. كان كتير تعبان ما حس على حاله كيف نام
وانا غطيته و قمت عالكمبيوتر