المعكرونة بالبشاميل أكلة طيبة و انتي فيكي تتحكمي بعملها على راحتك
أنا كتير بعملها إلي و لزوجي و كتيييييير طيبة ..
المعكرونة بالبشاميل
المكونات :
_ ثلاث أرباع علبة معكرونة مسلوقة وصفاة
_3 ملاعق كبيرة طحين
_مكعب مرق الدجاج ماجي مذاب في كوب ماء فاتر
_كوب حليب
_ملح . فلفل أسود حسب الرغبة . كاري .لضمان النكهة رشة صغيرة جدا زعتر أخضر على وجه الصينية و يمكن الاستغناء عنه
_ملعقتين كبيرتين سمن نباتي
(انا بستعمل سمنة أصيل الإماراتية.. طيبة وطعمها معتدل)
3 ملاعق كبيرة جبن قشقوان مبشور او موتزاريلا
الطريقة:
* في طنجرة عميقة سيحي السمنة على نار متوسطة
* بعدين ضيفي الطحين و قلبيه .. يعني إقليه .. لا تخافي اذا تجمع وصار قوامه متل الحبوب ولكن تجنبي أن لا يحترق
* أضيفي الحليب بالتدريج مع التحريك المستمر باتجاه واحد.. يفضل تستخدمي بالتحريك خفاقة البيض او شو كة ان لم يوجد لضمان تجانس المزيج
* بعدين أضيفي كوب مرق الدجاج ماجي أيضا بالتدريج مع استمرار التحريك بنفس الاتجاه
* أضيفي القليل من البهار والقليل من الكاري
تستطيعي انتي تتحكمي بقوام البشاميل اذا بتريديه ثخين (سميك) أو طري
إذا بتفضليه طري زيدي الماء والحليب (السوائل)
واذا بتفضليه سميك (ثخين) أو جامد لا تضيفي ماء زيادة وتابعي غليه و تحريكه
* اضيفي المعكرونة المسلوقة للبشاميل وقلبيهنفي الطنجرة قليلا حوالي دقيقتين
* في صينية الفرن ضعي المعكرونة مع البشاميل و انتبهي الى ان صينية الفرن هي طبق التقديم ..
* أضيفي الجبنة المبشورة على سطح صينية المعكرونة ورشي الزعتر الأخضر
* أدخليها في فرن متوسط الحرارة حوالي 3-4 دقائق فقط حتى تسيح الجبنة
و صحة و عافية 
حلويات رمضان 
