[dodda2008]

ارجو انك تجربيها
نغلى كيلو لبن ونضع بة قرن فلفل اخضر او فلفل مخلل
نترك البن يبرد ثم نضع 3 ملاعق منفحة (تباع عند العطار فى زجاجة)
نلاحظ ان البن جمد
معنى كدة ان الجبنة اتكونت نضعها فى شاشة ثم نضعها فىالثلاجة
وبالهنا و الشفا
شجعونى و جربوها وصدقونى مش هتندمو وياريت اعرف النتيجة

اذا اعجبك الموضوع و اردت نشره في المنتديات الاخرى فاستخدمي هذا الرابط:
طريقة الجبنة البيتى
http://forums.fatakat.com/thread4670

[eltourky]

طب فين الملح
انا نفسي اجربها

[preatywoman]

ان شاء الله نجربها هيا واضح انها سهله
جزاك الله خيرا

[nany moon]

شكرا يا دودا دي طريقه الجبنه القريش بتاعه الحصيره بس هو فين اللبن اللي بخيره عشان يطاعها زي القشطه بالنسبه للاخت اللي سألت على الملح فالملح اختياري و على طريقه دودا فالفلفل المخلل يؤدي الغرض اللي عندو لبن حلو يقولي لاني عارفه قد ايه الجبنه دي لذييييذه و نظيفه جدا لان المنفحه مستخرجه من معده العجل و هي دي الماده اللي بتخلي اللبن يتجبن يعني كلها طبيعيه ونظيفه غير اللي عند الفلاحين اللي ممكن ما تبقاش نظيفه واللي في السوبرماركت واللي الكيلو منها بكام ...
شكرا دودا ربنا مايحرمناش من جديدك

[m.moon]

حلوة الطريقة وشكرا عليها وانا هجربها ان شاء الله

[شكران]

جميله بس أنا باعملها كالاتي :
بادفي اللبن وباحط علي 4ك لبن مغرفه من بتاع الشوربه منفحه وعلي فكره هيا إسمها عندنا (أجزه) وبستني حوالي نص ساعه علي بال اللبن ما يمسك وبعدين باجيب مصفاه ف الحوض والبس فيها قماشه بيضا خفيفه وأصب الخليط بتاعي وأقوم ربطه القماشه من فوق علشان الجبنه تتجمع وتمسك في بعضها والملح بتظبطيه وإنتي بتسخني اللبن

[شكران]

ملحوظه بتسيبيها لحد ما تنزل ميتها يعني ممكن من الليل للصبح وبعدين تقطعيها وتحطيها ف علبه مقفوله ف التلاجه
ولو عاوزه تخليها جبنه قديمه دا ما ينفعش غير ف الشتا لان اللبن بيكون سمين بتعملي الجبنه بنفس الطريقه وبعدين الميه بتاعتها ما ترميهاش اللي بتنزل منها بتجيبي برطمان وترصي صف جبنه وبعدين كام حبه فلفل أسود حب وقرون شطه حمراء وصف جبنه وهكذا لأخر البرطمان وبعدين لازم تحدقي الميه اللي نزلت منها تخلي ملحها زياده وتصبيه فوق الجبنه وتقفلي لبرطمان كويس لحد الصيف وبالهنا والشفا

[fona]

شكراااااااااااااااااااااااااااااااااااااااا

[مشتاقة لجنه ربى]

تسلم ايدك يا قمر

[raghoda]

تسلم ايدك يا قمر

[أم البتول]

تسلم إيدك بجربها إن شاء الله

[همسات حب]

المشكله انى مش لاقيه المنفحه خالص

[مسرة]

تسلمي على الوصفة الجميلة بس اللبن هوسايل ولاقصدك زبادي وهل المنفخه
لها مسميات اخرى وشكرا

[om haneen]

جزاكى الله خيرا على الوصفة الحلوة دى

[zoom2009]

[أم مشمش]

تسلم الايادي ومشكورة

[ريتا ميشيل]

تسلم ايدك يا قمر

[ززه-ززه]

رووووعه

[جارة الوادى]

حلوة قوى لكن انا باعملها بالخل مضطرة لانى فى امريكا واخاف تكون منفحة خنزير كمان لم اجدها فى مصر يا ريت تفيدونى اجيبها منين واسمائها ايه

[شكران]

عزيزتي جاره الوادي
المنفحه معروفه عندنا بإسم الأجزه .....ممكن تلاقيها عند العطارين ومحلات البقاله ولو ملقيتيهاش إسألي محلات الألبان تلاقيها فين
لوسمحتي إنتي يتعملي الجبنه بالخل ؟ طيب بتطلع شكلها إيه