[rawan432]

لو منفعتش مش هتضر
ده حاجات طبيعية
طبعا سمعت التعبير ده كتير فى المنتدى وانا بجرب وصفات ووصفات
بصراحة عبارة خاطئة تماما وعن تجربة
الليمون نشف بشرة وشى
الفراولة عملتى التهاب شديد
زيت اللوز قشر بشرة رجلى لما اتهرت
الخل التهاب فى فروة راسى غير انه قصف شعرى
كل كوم وموضوع معجون الاسنان قبل نزع الشعر جبلى حبوب والتهابات
التوم ده مصيبة تانية وفيه ناس قالت عنه
الزيوت وطبعا فيه زيوت بتعمل مصايب فى البشرة
والقايمة طويلة طويلة

طب حد يقدر يقولى مكونات الصابون المغربى واضراره ع البشرة

يا جماعة ياريت كل واحدة جربت حاجة من الحاجات الطبيعية ده
ده ان كان حصل اساسا كانت تقول نوع بشرتها ايه
احنا بتخترع ونقول وصفات ووممكن تكون منقولة والضحايا كتار
لازم تشوفوا حل استعينوا بطبيية جلدية علشان بجد حرام انه بدون قصد نأذى ناس ذنبهم انهم وثقوا فى كاتبة الموضوع
مش شطارة انزل وصفة والناس تجربها وتتاذى بيها
ولا انا كلامى غلط
عموما لو منفعش مش هيضر

اذا اعجبك الموضوع و اردت نشره في المنتديات الاخرى فاستخدمي هذا الرابط:
لو منفعتش مش هتضر
http://forums.fatakat.com/thread46760

[NOR]

عندك حق فى كلامك انا كنت هروح ضحية الخل
جزاكى الله خيرا
يا ريت كل واحدة تتقى الله فينا وتتاكد من اى حاجة قبل ما تكتبها

[rawan432]

ده الخل ده كارثة

[bes_bes]

الخل مش كرثه ولا حاجه
الخل مفيد جدا بس في حالات معينه بتدوري انك تشيلي القشره من شعرك مفيش حل غير الخل
شعرك جاف هيجف اكتر بس القشره هتروح
شعرك دهني هيبقي يجنن و هيلمع اكتر و القشره هتروح
شعرك عادي القشره بردوا هتروح بس هينشف شويه
يبقي المشكله مش في الخل المشكله في نوع الشعر او طريقه الاستخدام

انا واحده من الناس الي الخل بيخلي شعرها يلمع و يروح منه القشره و بيثبتلي
لون الحنه في شعري مشكلتي الوحيده مع الخل الريحه
و الحمد لله بتروح من تاني مره

بس ايه المشكله ان شعرك ينشف شويه بس المشكله الاساسيه تروح
و بعد كده تعلجي المشكله البسيطه بتاعه نشفان الشعر بخلطه من الزيوت او الكريمات و هما مرتين و بس و اسالي مامتي لاني شلتلها القشره و سده شعرها مني
بس دلوقتي لا قشره ولا شعر هايش

الفراوله اكيد متنفعش للبشره الحساسه بس بردوا البشره الدهنيه اكتر بشره بتناسبها الفراوله و عصير الطماطم كماان

زيت اللوز بيستخدم للبشره و متقوليش انه مش كويس لان اكتر المنتجات الطبيه
لحروق البشره و تجددها و ترطبها و نعوميتها بيكون فيها مستخلص زيت اللوز
لو زيت اللوز بينشف بشرتك يا ستي كل الي عليكي تزودي عليه جلسرين او جليسوليد
في فعلا انواع من الزيوت لو اتحطت علي البشره بطريقه مباشره من غير متتخفف في زيت من الزيوت الاساسيه زي زيت الجلسرين او زيت الزيتون او حتي بالماء بتهري البشره
زي زيت العرعر و زيت الكافور
اهم حاجه تعرفي نوع بشرتك و الاستخدام الصحيح للمنتج الي انت بتستخدميه
و دي سهله قوي
كل الي عليكي لما تجربي وصفه من المنتدي يا تالي حد فعلا جربها و نوع بشرتها
و لما تتاكدي تجربي
و الطريقه التانيه و انت بتشتري من العطار المنتجات الي اكترها طبيعيه تسالي
في منها اضرار علي بشرتك و تحدديله نوع بشرتك
وده فعلا الي عملته يوم ما روحت اشتري الزيوت
و قاالي مش كل انواع الزيوت تنفع تتحط علي البشره مباشرتا
تخيلي حتي زيت الورد الي بيتعمل منه ماء الور د الي موجود في اكتر خلطات المنتدي
الليمون بقي دي ينفع لكل بشره معادا الحساسه بس يتخفف بنسبه كبيره من الماء
البشره الوحيده الي تستحمله البشره الدهنيه لان بيكون فيها طبقه بتعزل شويه
الليمون عن البشره و مع ذلك انا ديما بنصح بتخفيفه بنسبه من الماء
يارب اكون افدتكم و مرسي علي موضوعك لان فعلا في ناس كتير مش بتقول علي نوع البشره ولا الطريقه الصحيحه لوضع الزيوت او الخلطات
و منهم وصفات الزنجبيل الي ممكن يحرق الوش و في في المنتدي وصفات كتير بالزنجبيل و القرفه للبشره و دي خطر جدا
و انا حزرت منها و تاني يوم فتوكه استخدمتها و دخلت قالت فعلا ان وشها اتهري

و مرسي يا قمر علي الموضوع

[rawan432]

bes bes
ميرسى ع ردك واهتمامك بس الموضوع محتاج بجد طبيبة
انا القشرة استعملتها كريم وريحت دماغى بعد كارثة الخل
الليمون حامض مضر جدا

[**عيـــون جريئة**]

خل التفاج الي للشعر
ملعقة كبير في لتر ماء ويشطف بة الشعر بعد غسلة
انا بستخدمة شعري بيلمع رائع وبيقلل الدهون في الشعر
ومن زمااااااااااااااااان بستخدمة

[ام ميداء]

مرسي يا قمر علي الموضوع

[ريتا ميشيل]

مرسي يا قمر علي الموضوع

[nehad]

هههههههههههههههههههههههههههه
عندك حق
لازم يقولوا نوع البشره
معلش مش حتضر
هئهئهئهئهئهئههئ

[noooody]

[undonelife]

بصراحه انا بخاف اجرب الوصفات اللي بقراها، الا لما الاقي ردود كتير من بقيت البنات قالوا انهم جربوها ونفعتهم

يعني مثلا اللي بتقول ان شامبو المقملين خلا شعرها تقيل وناعم!! معقوله؟؟ ممكن بس مستنيه اكتر من رأي يأكدوا النتيجه

واللي قالوا البيتادين عشان كذا كذا انا بصراحه لقيت ردود كتير من ناس جربوه وقالو انه كويس فجربته ومش حاسه بفرق

زمان كنت بجرب كل حاجه في شعري وبشرتي انبولات صبار وحنا كل شويه وحمامات زيت والنتيجه كانت ان شعري كان بيقع ويخف
ولبشرتي كنت بعمل ماسكات طبيعيه كتير اوي لغاية ماده تسبب في جفافها وبعد ماكانت دهنيه بس ناعمه اوي صارت مركبه

وبصراحه اللي مش بيلعبوا في نفسم كتير بلاقي شعرهم وبشرتهم احسن