تنبيهات هامة:
اولا) اذا وصلتك اي رسالة خاصة من عضوة تعرض عليك الانضمام لمنتدى اخر فارسلي رسالة خاصة فيها اسم العضوة الى احدى المشرفات لايقاف سرقة العضوات، ايضا اذا وصلتك اي رسالة خاصة من عضوة تعرض عليك بضائع للبيع فارسليها الى احدى المشرفات.
ثانيا) تجاهلي اي موضوع يتكلم عن شحن الجوال ببلاش او وجود ثغرة في موبينيل او فودافون او اتصالات حيث انها تسرق رصيدك!
ثالثا) الرجاء عدم اضافة مواضيع عن الجرائم او الصور المفزعة او صور فيها نساء متبرجات او اغاني او انتقاص من قدر اي شخص.
كل سنة وانتو طيبين ياحلى فتكوات على وش الكرة الارضية
نص شعبان اهو وبدء العد التنازلي لشهر الخير
كل سنة وانتو بالف خير
طبعا كلنا بنفضل نفكر ياترى هاطبخ ايه اول يوم في رمضانياترى هاقسم وقتى ازاى ياترى هاعزم مين حاجات كتير اوى بنقولها
انا عاوزة بقى كل وحدة تقلي هيكون يومها ازاى في رمضان
هتقسمه ازاى من الفجر لحد متنام
ومعلش سؤال كده يعنى
ياترى كلنا بنختم القرءان الكريم في رمضان
والى بيعمل كده بيختمه قراءة ولا حفظ
اهو ندردش ونشجع بعض على فعل الخير
عارفة انى رخمة وطولت عليكم
كل سنه وإنتى طيبه وبخير .... أنا عندى أيام رمضان لا تختلف كتير عن الايام العاديه إلا فى ساعات النوم والصحيان وأنواع الأكل طبعاً وبالنسبه للعزايم بنعزم أخوات جوزى وأخواتى على مدار الشهر الكريم ----- أما ختم القرآن فالحمد لله بأختمه مرتين قراءه لكن الحفظ ممكن فى أى وقت وأنا حافظه والحمد لله سور متفرقه من المصحف الشريف لكن دلوقتى أولادى راحوا لمكتب تحفيظ القرآن ونويت أحفظ معاهم وأسابقهم كمان--- مشكوره على الموضوع الجميل .
اولا....
كل سنه وانتم بألف خير
ثانبا...
انا والله بختم القران تلاوة وليس حفظ
وربنا يقدرنا جميعا علي حفظه ان شاء الله
ويكون رمضان السنه دي غير كل سنه ويكون احلي ان شاء الله
مصراوية وفايرمون ميرسي على مروركم الجميل وربنا يقدرنا جميعا على حفظ
القرءان الكريموكل سنة وانتو طيبين
مجروحة العسل انتى زى السكر وكلامك زيك عسل كل سنة وانتى بالف خير
انا جيت عشان اعترف واطلب منكم تدعولى انا فى رمضان اللى فات واللى قبله كنت سيئة جدا .. ما ختمتش القرآن ولا مرة ..كمان ما صلتش التراويح فى السنتين الاخرنيتين .. انا طبعا مش هينفع اقول اى اعذار لكن والله انا قبل السنتين دول كنت بختم وبصلى الفجر والتراويح فى المسجد .. مش عارفة بقى ده من الجواز والخلفة ولا من هى النفس ولا شيطان ولا ايه!!!!!!!! المهم ادعولى بظهر الغيب من قلبكم ان رمضان السنة دى يكون مختلف
كل سنة وكلكم طيبين
انا بقضى النهار فى الشغل ولما اجيب الولاد من المدرسة باعمل الاكل,وبعدين لو خلصت الاكل والمذاكرة مع الولاد بحاول اقرا قران قبل المغرب
وبنفطر وبعدين بحاول اصلى التراويح فى البيت علشان مابعرفش اروح المسجد بالولاد...اصلهم اشقية شوية
واتفرج على مسلسلات رمضان...اللى بلحقه يعنى وانا بشوف شغل البيت
وباتعشى قبل ما انام لان زوجى بيخلص شغله متاخر
ويدوبك اصحى الفجر واصلى....وهكذا
اما العزومات الاهل فقط وبتبقى اخر الاسبوع عادة
ولكن دايما باحاول اروح اخر ايام المسجد علشان ليلة القدر وختم القران
وربنا يعوده علينا بخير
كل سنه وانتي طيبه وكل الامه العربيه والاسلاميه بالف خير وصحه وسلامه يا ستي انا ان شاء الله حبدأ اول يوم برمضان بلدعاء وقرائة القران والصلاه طبعا واكيد عند العصر راح ادخل المطبخ عشان احضر للفطور بتعرفي اول يوم رمضان وبكون في طقوس معينه يعني الشوربه والسلطه والطبيخ والحلووووووو واكيد بعد الفطور بصلي المغرب وبعدها بنزل على المسجد الاقصى عشان اصلي التراويح واقرء القران
اليوم بيبدا تنظيف المنزل بسرعة ولو هجيب حاجة من برة وارجع اعمل الاكل وبفضل طول ما نا فى المطبخ على الاستغفار واسمع القران واصلى واقراء جزء كل يوم ان امكن وبعد الافطار ارتاح شوية واقوم اعمل اى حاجة تانى فى البيت واجهز السحور واصلى العشاء والترويح وبتفرج على مسلسل او اثنين بالكتير واصلى فى وقت متاخر فى الليل على قدر المستطاع واقراء قراءن او اذكار ونصلى الفجر ونام
واعزيم اخوات زوجى
سلام عليكم
كل عام والجميع بخير
يوم رمضان عندي زي مصراويه..يختلف في المواعيد
بعد الفطار الاستعداد للتراويح
وبحاول اختم القرآن تلاوه مش حفظ ..الحفظ له جدول تاني
كل سنة وانتى طيبة يام سراج
وربنا يعينك على اداء طاعاته
انا كنت بختم القرءان حفظ
بس كسلت السنة الى فاتت وزعلت اوى من نفسي
بس السنة دى باذن الله هاحفظ تانى
كل سنه و انتو طيبين طبعا رمضان بيمر بسرعه بحاول انظم وقتى بس فين تحسى الوقت بيعدى انا بنام بعد صلاه الفجر و اصحى من الساعه واحده ولو فى مدارس 7 طبعا و بعمل الاكل و اقر قران لحد المغرب و بعد كده نفطر و اجرى بعد كده على الشغل عشان شغلى بعد المغرب و باصلى العشاء و الترويح فى شغل بجزء كامل و ارجع على 11 اعشى الولاد وانام شويه و اصحى للسحور و طبعا العزومات للاهل و الشغالين طبعا مع جوزى فى المحل كل سنه و انتو طيبين و يارب رمضان يبقى كريم على الناس كلها
انا جديدة فى المنتدى ونفسى اتعرف عليكم كلكم وتقبلونى اخت ليكم
رمضان هو شهر الخير وأنا بحب اقرب من ربنا فى الشهر ده وبختم القرأن وبصلى الترايح
انا هديل من اسماعيلية ونفسى اتعرف على واحدة من اسماعلية
ياترى هاقسم وقتى ازاى ياترى هاعزم مين حاجات كتير اوى بنقولها
بس واقوم الساعه 7 من النوم واروح الشغل وطبعا بطنش الشغل خالص لاني بكون نايمه طبيعي بقرا قران وبصلي طبعا بروح حوالي الساعه 3.5 اصلي العصر وانااااااااااام طبعا واقوم قبل الادان بربع ساعه مثلا عشان اطلع الاكل واكل برده طبعا والصلاة بقا والمسلسلات واروح اصلي التراويح وبس
