[مريهان1984]

انا بكتب النهاردة وزعلانة قوى
لانى عرفت ان فى رجال بيدخلوا على المنتدى وانا مش عرفنهم
لانهم داخلين باسماء مستعارة
الموقع ملوش ذنب بس حسيت بالم نفسى لان كل الفتوكات بيتكلموا براحتهم بدون احراج وفى اى موضوع على اساس ان كل سيدات
وعلى فكرة جوزى مش بيخلينى اشترك على اى منتدى بس لما عرف انه منتدى سيدات فقط وافق على اشتراكى
فانا اوجهه كلمة الى كل رجل متسلل بيننا ان يكون عنده ضمير ويخرج من هذا المجتمع النسائى حتى لا يتعرف على ادق الاسرار ولا اى فضفضة من اى عضوة لان كل واحدة بعد كدة هتدخل وهى فى غاية التحفظ وليس على راحتها مثل الاول
مش عارفة بصراحة نحل المشكلة دى ازاى لان اللى عرفناه واحد بس والله اعلم بالباقين

اذا اعجبك الموضوع و اردت نشره في المنتديات الاخرى فاستخدمي هذا الرابط:
اين مشرفات فتكات
http://forums.fatakat.com/thread46807

[مصراويه]

أهلاً يا مريهان....
دول طبعاً بيبقوا ناس ما عندهمش نخوه ولا ضمير وربنا وحده قادر يجازيهم على أفعالهم.

[نانو باشا]

سلام يا حببتي انا غايزه اعرف عرفتى منين لان جوزي حازرني من الموضوع ده

[مريهان1984]

بصى يانونو انا عرفت من خلال احدى المشاركات وداخل باسم moode 33 وكانت خطيبته ببتتكلم منه وهى قالت بنفسها ان دة حسابة هو بيدخل بيه

[اموله المنفله]

حببتى المشرفات هيعرفوا منين هما مالهم ذنب الانسان لازم يكون عنده ضميره

ويكون رقيب على نفسه

[غاده الصايغ]

لا طبعا يا حبايب قلبي احنا بنعرف بطريقتنا
او من خلال الاعضاء
اول ما بتشكي في اي عضوة
وده طبعا بيبان من طريقة الحوار
او انه انسان معندوش ضمير فبيتلفظ باكلام خارج
فعلطول انتوا بتبعتوا في رساله خاصة لاي اخت من طاقم الادارة واحنا بنقوم بالازم
ومعاكم 24 ساعة
وصدقوني اي راجل بيدخل المنتدي بنعرف في اقل من دقائق

فمتخفوش وراكم يد من حديد
تقدر توقف اي حد ممكن يزعجكم
انا مش بقول كدا علشان انا احد طاقم الادراة بس والله هي دي الحقيقة
وربنا يوفقنا جميعا لما يحبه ويرضاه

[مريهان1984]

شكرا لكى ياغادة ربنا يطمنك

[fishs]

شكرا ليكي ياغادة ولكل الادارة طبعا ويارب يحفظنا جميعا

[ام سراج]

مريهان...إزيك
عايزه اقولك حاجه..الناس الوحشه ..موجوده في كل مكان..ماتقدريش تخلصي منها
إلا لما تخشي اوضتك وتقفلي على نفسك الباب..!! هاهاهاهاها
لكن بالنسبه للتفاصيل والاسرار..ماهو محدش عارف حد
فلنفرض حد قرا موضوع خاص بيا...يعرفني منين؟
مش ح يعرفني إلا لو أنا قلت له..او كان موضوعي فيه تفاصيل..خاصه..يعرفها اصحابها..فما تقلقيش..محدش ح يعرف عنك حاجه..اكتر من اللي انت عايزاها يتعرف

[موءمنه]

يااخواتى من خلال تعاملى مع موقع فتكات وتصفحى اليومى لمواضيعكم الجميله
لاحظت بعض الاسماءالتى تظهر بها بعض العضوات وهى تبدو كأسماء رجالى
ممكن تكون مثلا مقتبسه من زوجها او ابنها او اخيها ....مش ممكن يكون ده اللى بيحصل..على اعتبار انه يوجد كثير من السيدات لايرغبون بكتابه اسمهم الحقيقى...

[fairy princess]

كلامك صح يا ام سراج
وماتقلقيش يا ميرهان
ماحدش فينا بيعمل او بيقول حاجة غلط...علشان يقلق
لكن طبعا كلنا بنحب نفضفض بحريه
وربنا يخلصنا من المتسللين دول

[00star]

انا كل مقراء موضوع عن وجود رجال بالمنتدى بخاف اوى
بس المراقبات والمشرفات ريحونى