[m.moon]

عشر عيال الله من غيرحمل ولا ولادة دى حاجة سهلة اوى طب ياريت
سؤالى تعملى ايه لوطلعلك مصباح علاء الديناو خاتم سليمان؟

[نيللى]

اولا شكرا على مشاركاتكوا الجامدة والاسئلة بجد ملهاش حل حلو اوى اننا نبعد عن الواقع شوية
سؤالك جامد انا عن نفسى مش حرحم العفريت بتاع المصباح حدعك المصباح لحد مااخنة واطلع عين العفريت طلباتتتتتتت ههههههههههههههه ههههههههههه حتى الشرب حخلية يجبلى اشرب راحة بقى هههههههه
السؤال بقى لو ملامح الناس كلها زى بعضها حنشعر باية وحنتعرف على بعض ازاى ؟؟؟؟؟؟؟؟؟؟؟؟؟؟؟؟؟؟

[ام سراج]

والله دي ح تبقى احسن حاجه..ولا نقول..انا حلوه ولا وحشه ولا نشيل هم حاجه
بس اكيد الناس حتعرف بعض من الهدوم والصوت والريحه..وحتبقى مناخيرنا وداننا Very Sensitive ..زي الكلاب .. بس ح تبقى دنيا مريحه بشكل..!!
طيب..السؤال
يحصل ايه..لو كان في شمسين وقمرين في السما؟

[نشوة]

كنت هديكى قمر وشمس عشان انت سكر يا ام سراج
طبعا كانت الدنيا تبقى حر اوى وكل شوية يجزبوا نيزك على الارض يقع علينا
تعملى اية لو قالولك فى امتحان فى الشغل زى الكادر كدة

[m.moon]

هتكون كل الناس متفوقة فى شغلها والناس كلها بتقرا وهنطبق القراءة للجميع فعلا
تعملوا ايه لو الزمن بيرجع مش بيطلع للأمام

[نيللى]

دى كانت تبقى هيصة دة احنا كنا حنصغر نصغر لحد ما نختفى
ههههههههههههههههههههه
السؤال شكل الدنيا حيبقى اية لو ماكانش فية بيوت كتير وكلنا عايشين مع بعض فى بيت واحد كبير الناس كلها ؟؟؟؟؟؟؟؟؟؟؟؟؟؟

[m.moon]

يانهار ابيض كلنا فى بيت واحد
هى اللمة حلوة وكل حاجة بس مش للدرجة وطيب فى اود ولاايه النظام والحمام مشترك لده كله يبقى هنقعد سنين على ماندخل الحمام ولا الاكل كله هيخطف ويجرى بس الميزة فى الموضوع الواحد هيتكلم جميع اللغات
سؤالى
لو الة الزمن موجودة فعلا تختارى تروحى الماضى ولا المستقبل؟

[نشوة]

بصراحة ولا الماضى ولا المستقبل اقول للزمن اثبت على كدة واوعى تتحرك
تعملى اية اذا لقيتى الديناصورات رجعت وعاشت معانا

[اميره الليل]

هرمييهم من الشباك وارمى نفسى وراهم . لان انا بكره عياط العيال موت
سوالى انا بقى
ايه اللى يحصل لوفتحتى التلاجه لقيتى واحد بيمد ليك ايه وبيسلم عليكى ؟

[m.moon]

هقوله اسفة لا أصافح الرجال بس ناولنى طبق الفاكهة
سؤالى
تعملى ايه لو التكنولوجياوالرفاهية انتهت ورجعنا للعصورالبدائية؟

[ام سراج]

كويس..والله كويس..لا احتاج اروح الكوافير ولا الف شعري..ولا احط ميك اب
ولا اهري نفسي..تمارين علشان ماتخنش
وكمان مش ح يبقى فيه دش جوزي يشوف عليه ستات ويقارن بيني وبينهم
واهو جوزي يطلع يصيد له كام ارنب وكام بطه..ويجري من كام ديناصور..
ويرجع..مفيش نفس فيه للإنتقاد ولا التريقه..ياكل وينام
سؤال بأه
تعملي ايه..لو انت في العصور البدائيه دي..وطلعت تنشري الغسيل..فوق الكهف..لقيتي..سحليه كبيره عايزه تأكلك؟

[الحبوبة]

أرمي نفسي من فوق الكهف
طيب تعملي إيه لو كنتي تعرفي لغة الطيور؟؟

[نيللى]

دى حاجة حلوة جدا انا عن نفسى كنت احب اعرف لغة العصافير دى بتشدنى بشكل رهييييييب
السؤال لو الناس فضلت صاحية علطول يعنى مفيش نوم اصلا فى الدنيا كلها نهار الناس حيبقى يومها عامل ازاى حنعمل اية ؟؟؟؟؟؟؟

[ام سراج]

يا سلام..نهار على طول
اكيد ح نبقى زي الفراخ عندنا جفن تالت نص شفاف..يقفل عينيا ويريحها من النور وننام وإحنا واقفين...اما اللي ح يحصل فهو كالتالي
في اوروبا وامريكا والدول المتقدمه:ح يفرحوا وح يشتغلوا اكتر ويتقدموا اكتر واكتر
عندنا..(وبلاش اقول فين):ح نزعل وناخدها حجه علشان نعمل تعبانين..ويقل الشغل..ونتأخر اكتر واكتر

[نيللى]

اجابتك حلوة جدا جدا يا ام سراج
بس فين بقى السؤال يا فتوكاتتتتتتتتتتتتتتتتتتتتتتتت

[ام سراج]

اسالي انت باه يا نيللي

[m.moon]

ممممممممممممماشى
انا اللى هسأل سكوت
تعملى ايه لو ممكن تدخلوا وتخرجوا من التلفزيون وتكلموا المذيع ويخرجلكوا وعادى يعنى؟

[نيللى]

هههههههههههههه
دى حاجة حلوة اوى انا طول عمرى وانا صغيرة كنت فعلا فاكرة الحكاية كدة ممكن تحصل يعنى بس حلوة بجد على الاقل لو البرنامج مش عاجبك تخشى تضربى المذيع وتخرجى تانى ههههههههههه
السؤال لو الناس كلها بتتعامل بالاشارات يعنى مفيش كلام خالص حنعمل اية ويا ترى حنزهق ولا اية ؟؟؟؟؟؟؟؟؟؟؟؟؟

[بسنــت]

ممكن يبقى ف هدوء ومفيش زعيق ولا كده بس هيبقى ف عصبيه لان صعب نفهم بعض ومش كل الناس بتعرف تكتب
وجايز النميمه تبقى عن طريق الكتابة هههههههههههه

اذا كان الانسان مفيش عنده حاسة التذوق كنا هنعمل ايه هناكل قليل ولا هناكل ورق الشجر ولا ايه ..؟؟

[ام سراج]

بالنسبه للستات ..ح تبقى رحمه كبيره..لا حد يقولك نفسك في الاكل وحش ولا حلو...ح ياكل وخلاص..والمطاعم ح تفلس..إلا لو اعتمدوا على الريحه..ومش مهم الطعم..!!
طيب نعمل ايه..لو في يوم لقينا السماء مليانه اطباق طائره وعماله تخطف الناس؟