[راجية الجنه]

السلاام عليكم
موضوع راااااااائع و جميل جدا جدا يا نيللىىىىىىىى
و الردود و المشاركات ما شاء الله الاسئله جميييله
بالذات بتاعه ام سرااج

لو فى يوم لقينا السما مليانه اطباق طايرة و بتخطف الناس اكيد الناس كلها هتجرى و طبعا عماله تجرى وراهم كائنات و مخلوقات فضائيه و اكيييييييييد
و كاله ناسااا مش هتسكتتتتتتتت

سؤالى

تخيلو بعد 10000 سنه هنفضل زى ما احنا و لا ممكن يبقى عندنا تقدم عن دلؤتى ؟

[الايمان777]

بعد 10000 سنه
هيكون الناس كلها بقت كفره ومفيش حد متمسك بدينه خالص


سؤالى انا
تخيلى لو مفيش معنى ولا وجود لكلمه حب فى الحياه
هيبقى الحياه شكلها ازاى؟؟؟

[موءمنه]

خدوا عندكم سؤال نمره 2
لو عدد الفتكاوات الحلوين بأه مليون ؟ ايه اللى هايحصل ؟

[الايمان777]

الكل هيقعد يشوشر على بعضه
وهنتخانق كل يوم
هههههههههههههه

[نيللى]

ردودكوا ومشاركاتكوا تجنن بجد ماشاء اللة عليكوا يا قمرات وشكرا يا راجية على كلامك الحلو دة يا قمراية
وبالنسبة لسؤال يا ايمان لو مفيش حب انا عن نفسى مقدرش اتخيل الدنيا كدة انا اصلا مش بعرف اكرة حد بس افتكر الدنيا حتسوء اكتر من كدة خالص
السؤال لو مفيش مية خالص بس بشرط انها كانت موجودة لفترة وعرفنا طعمها وشربنا وكدة وفجاة مبقتش موجودة خالص واختفت حنتصرف ازاى؟؟؟؟؟؟؟؟؟؟؟؟؟؟

[ام سراج]

اه..الدكاتره ح تشتغل للصبح...لأن كل الناس ح ييجي لها انهيار عصبي وتروح تتعالج
وكمان ممكن بياعين اللبن يبقوا مليونيرات..لأن الناس ح تشرب لبن بدال الميه
هاهاهاهاها

[راجية الجنه]

ماشاء الله مش بقولكو اجابات ام سراااج ملهاش حلللللل
بس فييين السؤاال ؟

[شوشو فانى]

تعملو ايه يا فتوكااااات لو صحيتى من النوم ولقيتى نفسك فى جزيره لوحدك ؟

وطبعا انا بشكر ونيللى وافكرها اللى زى العسل

[نيللى]

اولا ميرسى يا شوشو يا قمر انك نورتى الموضوع اصلا يا باشا
ثانيا بقى انا لو صحيت ولقتنى لوحدى حفضل اعيط انا مش بحب الوحدة ابدا ومش بحب اقعد ساكتة خالص احتمال كدة يكون فيها جنان لانى اكيد حكلم نفسى هههههه
الاسؤال اية اللى كان ممكن يحصل لو الدنيا كلها ستاتتتتتتتتت ههههههه؟؟؟؟؟؟؟؟؟؟؟؟؟؟؟

[راجية الجنه]

حلووووووووووة اوووووووى
و الله يبقى احسسسسسسسسسسسن
ههههههههههههه

االسؤال بقى

لو اذاعو فى التليفزيون و نشرات الاخبار و الا علام كله بقى ملوش الا السيره دى
انه

بقى فى حياه على كوكب تانى ايا كان الكوكب
ايه هيبقى رد فعلك ؟

[نيللى]

انا عن نفسى حنبسط عشان حجرب حاجة جديدة واهو تغير جو بردة ههههههههههههههههه
السؤال تخيلى كدة ان الدنيا كلها مية يعنى مفيش شوارع كلة بحر مفيش بر حنعمل اية ؟؟؟؟؟؟؟؟؟؟؟؟؟؟؟؟؟

[ام سراج]

شكراً يا نيللي كمان مره ع الموضوع اللذيذ ده
وشكراً يا راجيه الجنه على ذوقك...ده كتير عليا..بجد كتير جداً
إجابه سؤالك يا نيللي
لو كل الدنيا ميه...كان نصنا ح يبقى بط...والنص التاني سمك..علشان نعرف نعيش...يا اما لو فضلنا بني ادمين..ح يطلع لنا خياشيم علشان ننزل ناكل السمك من تحت الميه...بس من رأيي..خلينا بط احسن...وبلاش حكايه الخياشيم دي
اما السؤال...فمش ح اكتبه لأني بحس ان باقي الفتوكات بيحطوا اسئله حلوه..احسن من اللي ممكن اقولها...حطي انتي يا نيللي السؤال..او راجيه الجنه

[nona79]

جميل اوي الموضوع يا نيللي ازاي ما شفتوش قبل كده هههههه

طيب ينفع انا احط سؤال يا ام سراج

يحصل ايه لو صحيتي لقيتي نفسك صغيررررررررررررررررررة اوي والعالم كله كبيررررررر

[ام سراج]

ينفع طبعاً يا نونا دي انت ست الكل...طلباتك اوامر يا سكر
واجابة سؤالك..لو الدنيا كبيره واحنا صغيرين...كنت حخاف وح افرح
اخاف..لحسن حد يدوس عليا..او يحطني غصب عني في علبه علشان انا صغنطوطه ومش قادره اعمل له حاجه
وكنت ح افرح علشان ح ابقى صغنطوطه خالص ومفيش مني اتنين...واعمل شهره بأه لمصر وادور على الصغنططين اللي زي ونعمل حزب..وننقلب ع الكبار..وناخد الحكم...هاهاهاهاها وممكن كمان استخبى في جيب جوزي..واروح معاه كل حته واشوفه بيعمل ايه من ورايا ..هاهاها..اكيد كل الستات بعد الموضوع ده ح يحبوا يبقوا صغنططين ونونو عقله الاصبع كده

[nefertety]

ههههههههههههه
موضوع جميل
مشكوره ام سراج علي ردودك الجميله

لو رجعتي 10 سنين ورا ايه الحاجه اللي تتمني تعمليها دلوقتي ومعرفتيش تحققيها قبل كدا ؟؟؟

[nona79]

انا عن نفسي مش عاوزة ارجع 10 سنين لوراء حياتي دلوقتي افضل الحمد لله

تعملي ايه لو لقيتي نفسك وسط البحر وما فيش قارب ولا ارض ولا ناس قريبين منك

[راجية الجنه]

يااااااااااه يا نوناا
مش عارفه بس هقعد اكييد هصرخ و انادى بأعلى صوت
و لو محدش رد عليا و ملقتش فايده
خلاص هستسلم
و هقول الشهادتين
و اعرف انى ميته لا محااااااااااله


تعملى ايه لو صحيتى من النوم لقيتى نفسك فى مكان تااانى خاالص و لا بيتك و لا اى بيت تعرفييه و بتبصى من البلاكونه تلاقى صحرااااااااااااااااااااا
و محدش معاكى غير طفل صغير بيعيط

[nona79]

اخد البيبي واشوفه بيعيط ليه واغيرله البامبرز واعمله بيبرونة

وبعدين اشوف الوضع ايه

تعملي ايه لو صحيتي لقيتي نفسك خاسة 10 كيلو _يا ريت انا يا رب_

[nefertety]

خاسه 10 كيلو مره واحده
هو اكيد حلو بس لجسمي بس اما وجهي
هيحتاج <عمليات تجميل >لانه اكيد هيختفي مش هيبان الا هيكل

تعملي ايه لواتحولتي راجل ؟؟

[ام سراج]

لو اتحولت راجل ..؟!
ح اجي اتجوزك على طووووووووووووووووول لأنك من المنصوره وبنات المنصوره حلوين....هاهاهاهاها
طيب من وحي سؤالك يا nefrtety
تعملي ايه ...لو بعد ما اتجوزت جوزك إتحول لست؟