[اشرقت]

تعملي ايه لو انت ماشيه لقيتي جوزك ماشي مع واحده و ماسك ايديها

ايه يا حبيبى بتعديها الشارع ولا ايه عنك عنك .....بالسلامة يا حاجة....... الف سلامة عليكى
واروح على بيت اهلى لغايه ما يعرف قيمتى

تعملى ايه لو راكبه جنب راجل وكل شوية يقرب منك ؟

[bes_bes]

انا من النوع الي بيتحرج جدا و معرفش اعمل فضيحه و كلام من ده
اكيد هنزل و اركب حاجه تانيه
تعملي ايه لو عرفتي ان يوم القيامه بعد 3 ايام؟

[اشرقت]

مش اصدق لانه غير معلوم
بس اكيد عبرة وعظة وازيد فى الحسنات لانه اقترب
ومن مات قامت قيامته وممكن اموت فى اى لحظة

تعملى ايه لو ماشية لوحدك وافتكرتى حاجة مضحكة؟

[bes_bes]

هضحك و بتحصل و بسرح و الاقي الناس بتبصلي الي هو يعني ايه مالها دي
تعملي ايه لو : جوزك فتح بالمفتاح الشقه و دخل لقي شياط طالع من المطبح و الاكل بيتحرق و حضرتك قاعده عالنت في فتكات طبعا ؟

[مؤمنة بالله ورسوله]

هستخبة واروح قبل ما يكروشنى ههههههههههه
تعملى اية لو بتكتبى موضوع طووووووووووووووووووووووويل وخلاص هتضفية وابنك فصل جهاز الكمبيوتر

[مدام ديدى]

بصراحه هصرخ وهفتح وطبعا مش هكتب الموضوع الا بعد فتره
علشان هيكون مزاجى وحش وعلى فكره بتحصل معايا النت كثييييير بيفصل
ولولا كده كنت ملييت المنتدى مواضيع بتكلم بجد
تعملى ايه لو ابنك كبر وباه فى الكليه مبيعرفش يصحى لواحد وعلشان تصحيه
لازم تصحى كل جيرانك الاول

[bes_bes]

كل يوم الصبح جردل مايه محترم و تعالي اتفرجي يا مساحه هههههههههه
تعملي ايه لو : بتدخلي شقتك لقيتي حرامي بيهرب من البلكونه؟

[أمولة]

اصرخ حرامي حرامي
تعملي ايه لو :خلصت جرة الغاز فجأة وانتي طتبخي ؟؟؟؟؟

[bes_bes]

هشتري اكل من بره لحد مجوزي يجي يغيرهالي
بس الحمد لله عندي غاز طبيعي
تعملي ايه لو جيلك ضيوف و اول موصلوا علي ميعاد الاكل الاكل اتحرق ؟

[اشرقت]

تعملي ايه لو جيلك ضيوف و اول موصلوا علي ميعاد الاكل الاكل اتحرق ؟

اكل جاهز بسرعة من اى مطعم

تعملى ايه لو واحدة طلبت منك طقم خروج سلف وانت مابتحبيش تسلفى هدومك لحد ؟

[مدام ديدى]

بصراحه ده موقف يااااه مش عارفه بسانا بتكسف وممكن اديهولها

[مدام ديدى]

اه نسيت اسال تعملى ايه لو لو انت متحجبه والايشارب اتفك وبان شعرك

[أمولة]

علطول ازبطه 00
تعملي ايه لوابنك جالو اسهال وانتي بره؟؟؟؟؟؟؟

[اشرقت]

على اقرب صيدلية واشترى له علاج

تعملى ايه لو واحدة قابلتك وانت ناسيه اسمها ؟

[مدام ديدى]

هحاول مبينش انى مش عارفه اسمها وده فعلا ساعات بيحصل بس انا لو الموضوع بيطول بيبان على وببقى فى حاله طبعا مكسوفه جدا
تعملى ايه لو حد مسك فى خناق جوزك وضربه حته علقه ادامك

[نوران الاسمر]

هتعملي ايه لو واحد اتقدملك
وكنتي معجبه بيه اوووووي
وقولتي لكل صحباتك
وسابك وفرقع

[drnahla]

هاقول انى انا مرضتش بية وما كترش لحسن يفتكرو انى بكدب ههههه
تعملى اية لو حد سلم عليكى بحرارة وانتى لا تعرفية

[annos]

هسلم علية وابوسة

تعملى اية لو ازحلقتى وانتى ماشية فى الشارع

[mrmorty]

هقوم الم الي وقع مني وانا طبعآ مكسوفه جدآ وهحاول اعمل نفسي مش وخده بالي من الي حولايه
تعملي ايه لوانتي في رمضان وعمله حسابيك ان في اكل مطبوخ في التلاجه مش محتاج غير تسخين وقبل نص ساعه من اذان المغرب جايه عشان تسخنيه اكتشفتي ان فيشه التلاجه كانت متشاله من الكهربه والاكل كله باظ وطبعآ مفيش اكل غيره في البيت انا بقول تعملي ايه مش هيتعمل فيكي ايه

[bes_bes]

هتصل بماما اقولها انا جيه اكل عندك انا و جوزي اتصرفي علشان في رمضان طبعا لو طلبت اكل من بره مش هيجيلي غير عالسحور و لو قلت لجوزي نروح ناكل بره مش هنلحق اي مكان فاضي لان ديما في رمضان لازم بالحجز فربنا يخليلي مامتي اكيد في حاجه عندها في الثلاجه
او هكلم السوبر ماركت و تونه و بطاطس فلارم فريتس و فول و مشي نفسك

تعملي ايه لو جتلك رساله تحذيريه من ريري في المنتدي ان هزارك مش كويس في المنتديوانك ممكن تاذي مشاعر الاخرين و انتي شيفه ان موضوعك كان هزار و مش مستحق كل ده ؟