[موحده بالله]

النهاردة يا فتوكاتى الاعزاء هقول لكم طريقه عمل الارز المعمر .انا مشهوره بيه و بعمله فى اى عزومه . و مبيفوتش اسبوع الا لما جوزى يطلبه و كمان الاولاد.بصوا:

لازم يكون عندك برام فخار لو عايزه الريحه و الطعم الاصيل.بتجيبى الرز المصرى , نقول مثلا لو برام متوسط يا خد 3 كوبايه رز؟المهم لازم كميه الرز بعد غسيله ما تعديش نص البرام علشان لسه فى حاجات تانيه هتتحط عليه. فى الوصفه بتاعتى مش بستعمل سمنه بستعمل قشطه بشيلها من على وش اللبن العادى . تستعملى حوالى ربع كيلو بدعك بيهم الرز بس مش قوى علشان ما ينهريش و املحه زى الرز العادى و يكون عندك لبن مغلى تحطيه على الرز فى البرام بعد ما تكونى دعكتيه بالقشطه و ملحتيه.
كميه اللبن ما تعديش نص عقله الصابع فوق اللبن انا اصلى بقيسه بعقلة صباعى.
السر بقى انك لازم تضيفى نص كوب ماء مغلى على اللبن و تقلبيهم علشان الرز يستوى.
دخليه الفرن لمدة نص ساعه لغايه ما الوش يتحمر و اللبن يبداء ينشف
وبعدين وطى عليه لمدة نص ساعه كمان. و كل ما تكون القشطه كميتها كويسه يطلع طرى و طعمه تحفه.
على فكره انا سا عات بحط قطع لحمه مسلوقه فى الرز و بتطلع خرافه و بالهنا و الشفا.

اذا اعجبك الموضوع و اردت نشره في المنتديات الاخرى فاستخدمي هذا الرابط:
الارز المعمر المصرىىىىىىىىىىىى
http://forums.fatakat.com/thread47164

[موحده بالله]

ابقوا قولوا لى على النتيجه.

[nona79]

تسلم ايديكي يا موني حاجربه واقولك ان شاء الله

[ايمان فريد]

تسلم ايديك بصراحه اختى سمر بتعمله تحفه بس مش
عارفه هى هى الطريقه

[reham10]

تسلم ايديكى يا جميل

[nanoos]

merci awe ya amaneee i will try it ins

http://forums.fatakat.com/image.php?...ine=1217700115

[the flower]

شكرااااااااااااااااااا حبيبتى
ان شاء الله اجربه

[ريري]

بصى بقى يا خبيرة الرز..
انا حماتى بتعمله زى ما قلتى بالظبط..بس مش بيعجبنى ..
باحس انه محتاج شوية لحمه معصجه ،يعنى عايز اضافه..؟؟؟
ياريت تقولى لى ممكن اضيف عليه اييييه؟؟

[موحده بالله]

الف شكر للجميع. لو جربتوة زى ما بقول مش هتندموا.
يا ريرى انتى ممكن زى ما قلت لك تحطى قطع لحمه مسلوقه فى وسط الرز و هيطلع طعمها جميل قوى.

اما عن احسن اكله مع الارز المعمر المصرى فهى انك تعملى معاه صينية بطاطس فى الفرن او انك تعملى معاه نوع من الكفته المصريه اسمها كفتة الارز. واااااااو جنااااااااااان.
و لو حد عايز طريقتها يبقى يقول لى.

فى ارز تانى يا ريرى ممكن يتحط عليه لحمه مفرومه معصجه بالصلصه و هو الرز الابيض اللى بالخضار و الزبيب.
و شكراااااااااااااااااااااااااا.

[bebsa]

تسلم ايديكى انا كمان بعمله كدة وبحط فيه لحمه مسلوقه بس تكون ملبسه بس بعمله ف طاجن بيريكس

[Om Hassan]

تسلم ايديكى

[أم مشمش]

مشكورة وتسلم ايديك حبيبتي

[yoyo]

تسلم ايديكي

[موحده بالله]

اللى جربه و عجبه يا ريت يقيم الموضوع
و متبقوش بخلاء يا فتوكاتى

[عليـاء]

تسلم الايادي

اكيد راح اجربه يالغالية

ننتظر جديدك

[ياسمين الحبوبة]

تسلم ايديك

[سادات]

الله شكله كده طعمه لذيذ أوي

[المستجيرةبالله]

السلام عليكم ورحمة الله وبركاته
شوفي يااماني نفسي من زمان اعمله بس مش عارفه
هجربوا واقولك بس هقيم الموضوع بعد ما جربوا هههه
بقيمه بضحك معاكي-والله من زمان نفسي اعرف اعمله
كل عام وانتم بخير

[نور البحر]

مرسي ليكي وفعلا بيكون رز تحفةةةةةةةةةةةةةة

[زيتونه 500]

تسلمي على الطريقه الرائعه واموت على الرز المعمر بس ما أعرف طريقته وبجربه ان شاء الله
الله يعطيك العافيه