[bebsa]

ازيكو يا فتوكات عندى سؤال للمتزوجات هو انى عاوزة اعرف بعد ما شيلت الوسيله اللى كنت مستخدماها لمنع الحمل كنت فاكرة ان الحمل ممكن يحصل لكن بقالى 3 شهور ومحصلش دة انا عارفه ان دى ارادة ربنا وكل دة بالوقت بس هل الوسيله ليها اثر يعنىبعد ما اشيلها بيتاخر حدوث الحمل وكمان مواعيد البيريود اتلخبطت معلش طولت بس متلخبطه والواحد هنا ف غربه ميعرفش حد عندة خبرة ممكن تفيدونى؟ اة انا عندى بنوته ربنا يخليهالى ونفسى ف اخ ليها ادعولى

اذا اعجبك الموضوع و اردت نشره في المنتديات الاخرى فاستخدمي هذا الرابط:
سؤال للفتوكات المتزوجات
http://forums.fatakat.com/thread47372

[ام رحاب]

ازيك يا جميل ان شاء الله ربنا هيرزقك باخ بس الحكايه بس وقت
لان اى وسيله بتلغبط الهرمونيات شويه وان شاء الله فى اقرب وقت هتكونى حامل
وربنا يخليلك بنوتك

[bebsa]

ميرسى على ردك وربنا يكرمك طمنتينى

[توتة مرمر]

حببتي ممكن تاخد علي الاقل 5 شهور بعد الوسيلة و ان شاء الله يرزقك ربنا بكل ما تتمنية
و ربنا معاكي و كل شيئ باوان ..............

[bebsa]

ونعم بالله انا بس عاوزة افرح جوزى بالخبر عشان كدة مستعجله وهو كمان مستعجل اكتر منى يا توته

[العبد لله]

ربنا يكرمنا جميعا انا معى ولد ونفسى فى بنوته يا رب يكرمنا

[bebsa]

امين ويرزق الجميع بالذريه الصالحه

[أحلام الماضى]

ربنا يرزقك بالذرية الصالحة بس أنا فى واحدة قالت لى إن أى وسيلة بتاخد بعدها سنين بس أنا مااقتنعتش وأختى ماكانتش حامل إلا بعد 8 شهور من تركها للوسيلة ادعيلى أحصلك

[bebsa]

يارب تحصلينى يا احلام بس هتحصلينى ازاااى وانا لسه مش حامل ع العموم كل الفتوكات يدعو وان شاء الله ربنا يكرمك

[cookie girl]

اطمنى ان شاء الله يحصل الحمل
بعد الوسيلة فيه ناس كتير بتاخد وقت على ما يحصل الحمل
بس مش مشكلة وكل شىء بأوان بإذن الله
وان شاء الله تفرحينا قريب بخبر حملك ..............

[فدووو]

اطمني ان شاء الله يحصل حمل في القريب العاجل ان شاء الله
وعلي فكره تاخير الحمل بعد الوسيله ده عادي جدا انا كمان سبت الوسيله من اربع شهور ولسه محصلش حمل برده ربنا يرزقنا جميعا
بس برده روحي اعملي فحص عند الدكتوره ممكن يكون هرمون اللبن عندك زياده شويه علشان الرضاعه الدكتوره هتعرف وممكن تاخدي حبوب للبن تنشفه وربنا معاكي ويبقي طمنينا

[الطائعة]

كله بمشيئة الله حبيبتى ممكن للاطمئنان تكشفى لضبط الهرمونات ومعرفة اذا كانت الوسيلة تركت أثر .

[دعاء A]

اختي روحي للدكتورة واكشفي احسن لان يكون فية التهاب مكان اللولب ربنا يعافيك وربنا يطمنا عليك ان شاء الله واعملي تحاليل دم وان شاء الله يكون خير وتقبلي تحياتي

[bebsa]

شكرا لكل اللى شاركت وفعلا روحت للدكتورة وعملت تحاليل وربنا يسهل

[Manal2006]

ان شاء الله ربنا يكرمك بتؤم ولدين وسميهم يوسف وذياد ذى انابس ياحبيبت قلبى لازم تيتبعى الموضع وما تكتفيش انك شلتى الوسيله وبس ممكن يبقى عندك سبب عبيط قوى ويعطل الدنيا

[كادبورى 81]

انا بضم صوتى لصوت الاخوات اللى نصحوكى بالفحص عند دكتوره ضرورى
وربنا يرزقك بالذريه الصالحه اللى تتمنيها

[mashmosha]

ماتقلقيش يا جميل المسالة مسالة وقت لان فعلا وسائل منع الحمل بتلخبط الهرمونات شوية واحسن حاجة عملتيها انك روحتى كشفتى وربنا يرزقك ان شاء الله قريب

[soufia12]

ربي يزقك الذرية الصالحة بس ماتخافيش يقال أنك لما تنزعي الوسيلة ستبقين بعدها بدون حمل مدة وضعك للوسيلة يعني لو وضعت الوسيلة شهرين مثلا ثم نزعتها ستبقين نفس المدة بدون حمل ثم يأتي الحمل بإذن الله


والله أعلم

[bebsa]

يا خبرررررر يا صوفيا دة لو على كلامك دة يبقى هستنى سنه ونص لان دى مدة استخدام الوسيله وع العموم شكرا على ردك

[amira82]

ربنا يرزقك الذريه الصالحه عن قريب