[simooooo]

انا مش هطول عليكم وياريت تفيدونى

انا عندى 22سنه ومخطوبه وكانت قصه حب من الدراسه 3سنوات

وكنت عارفه كل مزايا وعيوبه بس فى الحقيقه انا بحبه جدا

ولا افكر فىيوم ابعد عنه خالص

بس

نفسى بعض الاشياء تتغير فيه وهى اشياء كويسه وطبيعيه بس دماغه صعبه وغيور جدا

ممكن تساعدونى

وتشوفو انا صح ولا غلط وانا بثق فيكم جدا


*ممنوع منعا باتا السلام على الرجال
وحتى الكلام ممنوع
وده بيسببلى احراج جامد جدا مع اهلى وكتير مش بيكلمونى
وتغاضيت عشان قلت هو اللى بايقلى

*ممنوع الخروج لاى مكان لوحدى
*ممنوع الخروج مع ماما وبابا فى اماكن ما (الملاهى _الفسح_.............الخ
*بس مسموح بالخروج مع ماما للسوبر ماركت والاماكن القريبه لشراء الاشياء

**وجهه نظره

ان الشواع سفله وبيحصل اشياء وحشه مثل الاغتصاب والتحرش والاشياء القذره دى

وانا بخاف عليكى ومابحبش يحصلك شىء وحش

وهو كلامه صح وعلى قد مابقدر بحاول مازعلوش
بس مش مقتنع ان بعمل اللى عاوزه

بس مشكلتى انى لسه فى بيت بابا وهو اللى ليه كلمه عليا

وماقدرش اقول لبابا لا

وفى نفس الوقت بحب خطيبى جدا

ومش برضا ازعله

بس خناقنا كتير بسبب الموضوع ده

****وياريت لو بتحبونى ترودو عليا لانى مخنوقه جدا

منتظره الرد والمساعده

وللاهميه انا مقدرش استغنى عن خطيبى

اذا اعجبك الموضوع و اردت نشره في المنتديات الاخرى فاستخدمي هذا الرابط:
حكايتى ونفسى فى مساعدتكم ممكن
http://forums.fatakat.com/thread4744

[annos]

حبيبتى متعة الست فى غيرة جوزها عليها
انت مخنوقة من كتر الحب
الحاجات دى ممكن تفاهموا اكتر فيها بعد الجواز لانها بتقل
الغيرة الزايدة سببها عدم وجودكم فى بيت واحد لكن بعد الجواز الوضع بيهدى شوية بس احسن من انة ينساكى ومتفرقيش وياة
لو سالتى نفسك بصراحة هتلاقى سبب تعلقك بة هو غيرتة عليكى ودى شعور طبيعى جوة الانثى دايما تميل للراجل اللى دايما مشغول بيها
وفقك اللة وعجل زواجكما

[ام الاء]

انا شايفه انه مزوده شويه ازاى بيتحكم فيها بطريقه مخنوقه وهم لسه مخطوبين انا مش بقومك عليه بس انا شايفه ده مش غيره ده تحكم ولازم تقعدى معه وتتكلمى معه وتفهميه ان واسرتك بيخافوا عليكى وافهمى انت دلوقتى مبسوطه بهذا التحكم وانت مخطوبه بس اعرف بعد الزوج هختلف الامر وبعدين انت عيشه فين عشان يخاف ويضيق عليكى العيشه
انا اسفه اذا كلامى لم يعجبك بس انا بتكلم عن خبره اختك فى لله

[simooooo]

انا استحاله ازعل من حد

بس هو كلامه صح لان الايام دى ملايانه جرائم بشعه للبنات صح ولا لآ

ورأى انوس زى بس نفسى ربنا مايخيبش ظنى

وانتى رأيك جميل برضه بسسب خوفك عليا ودى حرتى بالظبط

[annos]

بصى يا جميل انا وام الاء اديناكى راين مختلفين شوفى اية يناسب شخصيتك لان مش كل ست بطبيعتها متمردة فى ست عاشقة لشخصية سى السيد
سيبى نفسك على راحتك ميهمكيش كلام الناس انة بيعزلك عن اهلك
المهم انك تكونى سعيدة

[سندريلا79]

السلام عليكم يا سيمو يا جميل
الموضوع ده يا سيمو يرجعلك انتى فى الاول وفى الاخر لإن طباع الانسان مش بتتغير بعد الزواج بالزات الموضوع اللى بتتكلمى عنه ده لإنى عشت المشكله دى مع احد قريباتى وكانت نفس مشكلتك بالظبط حتى بعد الزواج ظلت طباع زوجها كما هى
وده كان بيسببلها احراج جامد مع اهلها
فيا حبيبتى كل اللى قولته ده حصل بالفعل قدامى
والطبع مش هيتغير بعد الزواج فعليكى انتى تقررى هاتقدرى تستمرى معاه على كده ولا لأ

[preatywoman]

بصي يا حبيبتي انتي بتشتكي منه بس ملتمسه له العذر وصدقيني الراجل الغيور افضل بكثير بس انتي بقه اللي عليكي تقرري دي غيره ولا تحكم لانك انتي اللي بتعشريه
وربنا يدلك على الصواب ويسعدك

[التلميذة]

أكثرى من صلاة الاستخارة لأن مراية الحب عامية نظرة البنت لخطيبها تختلف عن نظرة الزوجة لزوجها فى حاجات انتى مستحملاها لانك لسة فبيت أهلك وبتقدرى تفكى عن نفسك أحيانا لما تروحى بيتك حيختلف وانا من الرأى ان اللى عندو طبع ما بيغيروش إستخيرى إستخيرى إستخيرى كتيييييييييير ولو بقراءة الدعاءلاحظى ان طول المدة اللى بينكم من ضمن اسباب تعلقك بيه موش عشان غيرته احنا من طبيعتنا أما بنتعود على حاجة ما بنقدرش على فراقها إستخيرى

[دلوعة زوجها]

حبيبتي.. الرجال كيف ما بتعوديه بيتعود .. عوديه من هلء(من دي الوقت بالمصري يعني) إنه للغيرة حدود.. بس أبدا لا تكوني متل ضابط الشرطة بطريقة كلامك
و إذا هو بيغار معناها بحبك .. وحاولي فهميه انك انتي انسان وبحاجة لإنك تطلعي وتفوتي وتتفسحي مع اهلك و حتى صديقاتك .. و قوليله لخطيبك .. ماعد في شي اسمه الاغتصاب .. هلء البنات بالشوارع بس تعالولي .. والعياذ بالله
والرجال المحروم ماعد بحاجة يغتصب بنت مادام في عشرة راضيين ويقدموله اللي بده ياه بالمجان
سدقيني البنات دي مالية الشوارع (هي بالمصري)
وقوليله .. طيب خدني انت للمشاوير و المحلات و الملاهي و.... مو انت خطيبي ومالي غيرك

حبيبتي الرجال متل الطفل بكلمتين حلوين بيعمل شو ما بدك .. سدقيني

[ام مهند]

بصي ياسيمو
طبعا الغيره شئ جميل وكونه بيخاف عليكي ده شئ اروع
وهو عنده حق في جميع اللسته بتاعت الممنوعات
بس بالنسبه للخروج مع الوالدين معلش ده لأ
لان الاهل حريصين علي اولادهم من اكتر حد في الدنياممكن بكلمه حلوه منك وفهميه ان الموقف ده هيزعلهم
وهو عنده حق مفيش امان في الشارع الان الشباب مش لاقي شغل ولا لاقي جواز والشوارع مليانه بضعاف النفوس
وربنا يهديه ويهدي شباب المسلمين
ويوفقك ويسعدك ويكتب ليك الخير كله

[أم لوجى و ملك]

بصى يا سيمو انتى فكرتينى بالذى مضى
زوجى ايام زمان ايام الخطوبه كان نفس اللى بتحكى عنه ده غيره مش عاديه مفيش سلام ولا كلام مفيش خروج ولو خرجت حتى مع اهلى بتكون خناقه باظبط زى ما بتحكى والله العظيم كتيييييييييييييييير من حاجات الجهاز ماما اشتريتها من غيرى عشان ما يزعلش بس ده دليل الحب اوعى تزعلى انا اتحملت زوجى ايام الخطوبه وادينا دلوقتى متزوجين من 5 سنوات وهو رائع وبدأ يهدى شويه عن الاول بالحب والتفاهم واوعى تزعلى

[al3eeon]

حبيبتي قالوا أخوتي الفاضلات كلام كويس
جزاهم الله خير كفوا ووفو
بس حبيبتي زي ماقالت وحده من الأخوات
إبنك على ماتربيه وزوجك على ما تعوديه
ولو عودتيه من الأن إن كلامه يمشي في كل شي صح أو خطاء
بجد وأنا أقلك عن تجربه الله يكون في عونك بعد كده
وبصراحه حكايت ماتطلعي مع أهلك هذه أحسها قويه
أظن لو لفيتي الدنيا كلها محد حيخاف ويتعب علشانك قد أمك وأبوكي
وأنا أقلك لو موضوع إنتي شايفه إنوا عادي وهو أصلا عادي إنك تسويه
أعمليه ومشي كلامك والحين إنت في حمى أبوكي وصدقيني حتشتاقي لهذا الشي
لو مشيتي كلامه الذي ماله داعي
أنا أكتبلك عن تجربه خاصه وإنتي في الأول والأخير هذه حياتك شوفي الذي تقدري تعمليه إنتي أدرى بطباعه حسناتها وسيئاتها
وأعذريني على الإطاله
وربنا يوفقك للخير الكثير في الدنيا والأخره

[هميس]

بصي يا حبيبتي طبعا شفتي اراء اخواتك الي يهمهم امرك وهم والحمد الله كفو ووفو في مشكلتك بس الامر بايدك انتي انتي الي تعرفيه وتعرفي ان كان كلامه ده غيرة عليكي ولا تحكم فيكي بس في موضوع عدم خروجك مع بابا وماما ملهوش حق فيها لانه حقهم انهم يخدوكي معاهم في اي مشوار وطبعا مش هيخاف عليكي اكتر منهم وصدقيني اليوم الي بتقضيه مع بابا وماما استحاله تقدري تعوضيه وربنا يوفقك

[simooooo]

مرسى ليكو كلكم وربنا يخليكو ليه ومتحرمش منكم
ومرسى لام لوجى وملك بالخصوص لانها طمنتنى شويه لانها نفس تجربتها وانا كان نفسى اسأل مجرب زى مابيقولو
ومرسى لكل شاركنى واهتم بى

[هيا]

لدي تجربه حصلت لاحدى قريباتي تشبه قصتك بعد ما اتزوجته ظهرت فيه اشياء كتيره منها لما كانت باليل تقوم على المطبخ وتشعل الضو وتاخد الي هي بدها ياه وتطلع وتفتكر شي تاني ترجع بتفوت وبتشعل الضو مره تانيه وهادا الوضع الطبيعي لاي حد انه لما نقوم باليل بنشعل الضو بس هو بقولها انه هي عم تعطي اشاره لحد بشعل الضو وطفيه وما خفي اعظم بس هي هلا انفصلت عنه لانه ما عادت تتحمل بعد ما صار عندهم اولاد .وانا مع الاخت التلميذه انو ارجعي واستخيري 7 مرات عليه وربنا حينورك يمكن يتغير ويناسبك ويمكن ربنا يبعده عنك ولو لاتفه الاسباب الي في خير الك ربنا حينولك ياه والله يكون بعونك

[زينات]

اختى العزيزة سيمو
اردت ان احكى لكى قصتى ربما استفدتى منها اختى العزيزة
مررت بنفس تجربتك ايام الخطبة مع فارق ان زوجى كان معرفة عائلية و لم تربطنى به قصة حب كحالتك
و للاسف لم انتبه لغيرته الزائدة و خوفه المبالغ فيه على
صدقينى اختى لا احد يتغير بعد الزواج بل يزداد الامر سوء بعد ان تكونى فى عصمته
زوجى يزداد غيرة على من كل الناس و خاصة اهلى و يحاول ان يحد علاقتى بهم قدر المستطاع و يحدد من خروجى بشكل مبالغ فيه و خلافتنا كثيرة جدا على ملابسى بالرغم من اننى محجبة و محتشمة جدا
اختى فى الله .. الامر فى يدك اذا كنتى تتحملين هذه الامور و تتغاضين عنها ام اذا كنتى لا تستطعين الاستمرار هكذا .
ارجو الا تنزعجى من كلامى
زينات

[coca]

السلام عليكم و رحمة الله ،،
بصى يا حبيبتى انا مع زينات فى الموضوع دة انا كنت مخطوبة لواحد زي خطيبك بالضبط و كنت بتكسف ان حد يمد ايدة و مسلمش و كانت المشاكل كتيرة اوى و كان يقولى انى منزلش مع اهلى الا لو هو وافق و انا كنت عاملة زيك بس عارفة فوقت امتى لما لقيت ان الناس كلها بتبعد عنى و ولقيتة هو عايش حياتة عادى وبيكلم الى هو عايزة و انا ممنوع عنى كل حاجة بصى لازم تحسمى الموقف قبل الجواز انتى مش عارفة اية الى حيحصل بعد كدة فكرى كويس و القرار ليكى لوحدك بس فكرى بعقلك اكتر شوية علشان متزعليش اهلك منك ،،،، و بالتوفيق

[monee_2020]

حبسبتى الغيره من الراجل مش وحشه لكن انا كنت كده بالزبط بس الفارق انى كنت منقبه يعنى مش حاخرج واسلم و صدقينى فيه حديث للنبى صلى الله عليه وسلم معناه (لان يطعن احدكم بمخيط من حديد فى راسه خير له من ان يمس يد امرأه لا تحل له)فالسلام على الرجال الغيرمحارم حرام حبيبتى ثانيا لو خطيبك متدين وبيعمل كده علشان هو خايف عليكى فإيه المانع وبكره يا ستى ان شاء الله هو اللى ياخدك يفسحك عن تجربه انه بعد فتره يبدا يهدى شويه لان الرجاله اليومين دول من كتر اللى بيشوفوه من البنات مش عادوا واثقين بحد وانتى شوفتى دلوعة زوجها قالت ايه ربنا يعافينا

[roro soso]

بصي ياحبيبتي، طلبت حل واحد، وجاءتك حلول كثيرة ومختلفة حسب التجارب ومهما كتبنا وقلنا لك فالأمر الأول والأخير يرجع لك وصدقيني أنا رأيت وعايشت حالات مثل حالتكم، وللأسف الشديد يتم الانفصال في بداية المشوار أو آخره.. ستقولين لي أنك تحبينه...لكن الحب مع الخناق والشك وتعملي هذا بدل هذا وانت صابرة لا ليوم ولكن لبقية عمرك وخصوص عندما يمنعك عن باباك وماماك يبقى عليك اعادة النظر في حياتك ....واعذريني عن هذا الكلام وانما لمصلحتك
أختك رورو سوسو