[شكران]

بس بيتهيألي يا دمعه لازم تفضل بالفستان علشان تدخل شقتها بيه بعد الفرح ما يخلص بإذن الله ........لو لسه مكتبتيش الكتاب إكتبيه ف نفس المكان ف الهواء وكوني لابسه فستان سواريه ملون وبعد كتب الكتاب , الكوافيره بتاعتك تكون في الاوتيل وتظهري بعد كدا عروسه بالفستان الابيض

[semsem056]

الف مبروك يا قمر وعقبالي هههههههههههه
وانا عندي فكرة ممكن تاخدوا مركب علي النيل انتوا واصحابكوا ودي فكرة حلوة يارب تعجبك
وخلي بالك من الميك اب يكون مقارب لطبيعتك ويكون مش اوفر البساطة اجمل ما الشئ وحاولي تكوني simple في كل شئ حتي حركاتك وربنا يتمم بخير
وادعيلي ولا اقولك ابقي تعالي بيقولوا مش عارفه ايه كده في ركبيتها تحصليها في جمعتها هههههههههههههههههههههههههههه
مبروك يا قمر

[ريشه حبيبه رورو]

ربنا يتمملك على خير ياقمررررررررررررر
انا كمان نفسى اعمل حاجه حلوه ومميزه فى فرحى بس للاسف انا خيبه ههههههههه مش عندى اى افكار
مبرووووووووووووووووووووك والف مليون مبروووووك وربنا يتمملك على خير يارب

[bosycat0200]

انامعنديش افكار جديده بس انا معجبه بفكره الفرح الصباحى او على المغربيه وكمان بفكره البوستر
المهم ربنا يتمملك على خير
والف الف مبروك

[نفيرتيتي]

والله انا مكسوفة من ردودكم الحلوة دي وتعباكو معايا اوي بس اعمل اية مليش غيركو ولازم نقف جمب بعض وعقبال اللي لسى متجوش يارب

[mayooy]

اولا الف الف مبرووووووك وربنا يتمملك بخير يا رب
ثانيا فكره الاوت دور دى وبالنهار بتبقى تحفه والبوستر كمان وان انتى تيجى من باب والعريس من باب دى بقى احلى انا انشاء الله ناويه ابقى اعملها فى فرحى فكره لذيذه اوى وانا اعرف ناس اقربى كانوا عاملين فرحهم بالنهار وكانوا بيسافروا بليل بعد الفرح علشان يقضوا الهانى مون بس خلى بالك علشان الجو حر جدا علشان الميك اب مايبوظش منك

[مرموووره]

الف مبروك يا نفريتيتي
بصراحه افكار البنات عجبتني جدااااااااااااااااااااا

عندي فكره حلوه موت هيا مش فكرتي بصراحه هيا منظر شفته في مسلسل اجنبي
بصي يا ستي
طبعا الفرح كان العصر
جابوا كميه بالونات على شكل قلوب حمرا وبالونات بيضا كتيييييييييييييير اوي واول ما العروسه دخلت كانوا محاوطينها بالبالونات البيضا وفي كل بالونه ورده حمرا وكارت واول ما دخلت المكان كل البالونات اللي حواليها طارت كان منظرها تحفه ونفس الحكايه مع العريس كل البالونات الحمرا طارت وفي كل بالونه ورده بيضا وكارت والمعازيم بقى اخدوا البالونات دي وفي كل بالونه ورده وكارت فيه صوره العريس والعروسه
المنظر ده عجبني جدااااااااااااااااااااا مش قادره اوصفه بس كان تحفه مووووووت

وربنا يتمملك على خير يا قمر
ملحوظه: علشان الفرح العصر افتكري ان الافراح وقت العصر متحطيش تاج حطي ورد بسيط وتسريحه سمبل او اكسسوار خفيف جدااااا

[نفيرتيتي]

ميرسي جدا جدا يا جماعة والله العظيم وحياة ربنا افكاركو تجنن وقومتوها في دماغي اكتر ان اعملة في وقت العصر دة هيبقى شيك اوي بافكاركو ومييرسي يا ميوي على تعليقك والله شجعني وميرسي جدا يا مرمورة على فكرة الباليين دي حلوة اوي ان شاء الله اعملها وحلوة الملحوظة بتاعتك مكنتش واخدة بالي منها كمان بفكر اصلا ابقى اققلع الطرحة في نص الفرح

[emooo]

الف مليون مبروك حبيبت قلبى ع فكره الفرح العصر دى فكره حلوه جدااااااااا وجديده فى مصر وعاوزه اقولك مش تنسى الصلاه ولما ترجعى بالسلامه ان شاء الله بيتك مش تنسى برده تصلى ركعتين شكر وتشربى كوب لبن انتى والعريس دى سنه عن الرسول عليه افضل الصلاه والسلام وخلى بالك ان الفستان يكون بسيط والميك اب كمان زى ما الفتوكات قالوا وربنا يتمم ليكى بخير يارب

[bes_bes]

هقولك فكره حلوه قوي
اعزميني علي الفرح اظن فكره جديد طبعا ولازم تعمليها

[نفيرتيتي]

والله يا بسبس انا موت على نفسي من الضحك لما قريت فكرتك التحفة دي وطبعا لازم اعملها هقولكو حاجة انا لما احدد معاد الفرح اقسم بالله العظيم هكتبهولكو وتجولي الفرح انا اصلا معنديش اصحاب ومفيهاش حاجة لما تيجو وتبقة بداية تعارف حلوة ودي في حد زاتها فكرة جديدة وكلمة السر فتكات علشان اعرفكو

[نفيرتيتي]

ميرسي يا ايمو على اهتمامك يا قمر انا عارفة موضوع ان لازم اصلي اول ما ادخل البيت دة علشان ابقى ابتديت حياتي بالصلاة وابعد الشياطين بس حكاية اللبن دي انا اول مرة اسمع عنها بصراحة شكرا للمعلومة الحلوة دي ولازم اعملها ان شاء الله بس فضول مش اكتر عاوزة اعرف اية السبب في شرب اللبن وميرسي ليكي ياقمر

[LARA_2008]

الف مليون مبروك يا قمر

[fona]

الف الف مبروك ياقمر وربنا يتمملك بخير
بصي بقى الفكرة دي انا نفسي اعملها موووووووووووووووت
ان اعمل فرحي الصبح وفي جنينة ومليانة خضرة وجو جميل
شوفي لو هتقدري تعمليها
وردي عليا
باااااااااااااااااااااي

[نفيرتيتي]

ايوة يا فونا يا عسل مهو انا هعمل كدة انتي اظاهر مقرتيش بقيت التعليقات بس والله بجد متشكرة جدا وعقبالك قريب جدا جدا يارب

[رانيا 555]

http://forums.fatakat.com/image.php?...ine=1218766736
الف مبروك يا قمر وربنا يسعدك بصراحة ماعنديش افكار بس حبيت اقوللك مبروك

[نفيرتيتي]

الله يبارك فيكي يارنيا ميرسي جدا على الوردة الجميلة اللي زيك دي انا حاسة انك بتديهالي بجد ربنا يخليكي

[هنودة2010]

مبررررروك كماااااااان مرة بس عايزة اجى الفرح ياقمر لما تعرفى ميعاااد الفرح قولى عشان هتلاقى كل المنتدى عندك مش هتلاقى مكان ليكى عشان تقعدى ما احنا كتيييييير بقى ههههههههههه ربنا يسعدك يارب انا كمان فرحى قريب بس مش قريب اوى سنة كدة ادعيلى يانفيرتيتى دعوة حلوة عشان موضوعى يكمل على خير .......

[نفيرتيتي]

يارب يارب يارب ياهنودة موضوعك يتم بخير وبدون اي مشاكل ولا عقبات يارب ويسعدك في حياتك وتتجوزي بسرعة وانتي فعلا معزومة على الفرح والله بجد