النهاردة كانت مقابلة الاسكندرانيات
المقابلة كانت بكل الود والحب عرفنا بعض لوحدنا
وصلت انا وفوفو الساعة 5 ونصف تقريبا
وجدنا الحبوبة الجميلة حدوتة مصرية وفضلت تضحك وحيرتنا على ماقالت لنا هي مين في المنتدى وجلسنا ننفخ في البالونات اللي هي علامة التعارف وكل البالونات تفرقع بفعل الهواء والشمس اللي كانت لسة في كبد السماء وجلسنا وشوية وجاءت الحبوبة الاخرى عزة 55 انيقة وجميلة وهادئة عرفتنا برضه على طول كان معاها محمود ابنها الخجول الجميل ربنا يبارك لها في اولادها والباقي غاب جدا لدرجة اننا قلقنا كلمنا مرمريكا اخبرتنا انها في الطريق ومعاها المفجأة الجميلة لكن حدوتة مصرية قالت سأذهب لحضور تمرين السباحة وآجي تاني النادي اللي بتتمرن فيه قريب من مكان تجمعنا وفعلا غابت ساعة ورجعت لكن عزة لقت نفسها غابت فاستأذنت ومشيت وتركت السلام للجميع وشوية وحضرت الهادئة الوديعة اشرقت اسمها صفية ومعها ابنتها الصغنونة الجميلة سماء انسانة رقيقة جدا وملتزمة ومن الناس اللي تحبيها وتاخدي عليها من اول وهلة وبعدها بشوية حضر الوفد الشرفي للمقابلة مرمريكا ومعها القطة الجميلة صاحبة الدم الخفيف ونسرين الحبوبة الجميلة وكانت المقابلة كلها الحب والود ضحكنا كتير وزعلنا من اللي مجوش المقابلة وخصوصا انا وفوفو لأننا وقفنا طول النهار في المطبخ نجهز وعاملين حساب 17 نفر غير الضيوف وفي الاخر ترسي على 7 افراد وكمان جايين متغديين وشبعانين بالله عليكم مش دي حاجة تزعل
المهم كان على الجهة الاخرى من المقابلة وجود خالتي وبنات خالتي اللي اصلا من بحري وجاءوا لرؤيتنا والله كان اليوم جميل لا ينقصه سوى ان الكل يتجمع لان كان نفسنا نشوف ناس كتير كانت القعدة عايزاهم
لكن اهم ما في الموضوع ان الحمد لله الكل غاية في الاحترام وناس طيبين جدا سبحان الله فعلا لقينا بعض وكأننا نعرف بعض من قبل كدة هذا توفيق الله سبحانه وتعالي في تواصلنا
اذا اعجبك الموضوع و اردت نشره في المنتديات الاخرى فاستخدمي هذا الرابط:
الاسكندرانيات اتقااااابلللللوا
http://forums.fatakat.com/thread48006
لا اله الا انت سبحانك انى كنت من الظالمين
