[بكره أحلى]

أنا لسه عضوه جديده لكن بجد محتاجه رأيكم فى موضوع مهم ولو محدش رد عليه هزعل وأمشى كل الحكايه وببساطه ان أنا فى عريس جاى يم الجمعه ومش عارفه أعمل ايه عشان أظهر فى أحسن صوره أنا أصلى خجوله وبتكسف موووووووووووووت واتعرضت للمواقف دى وكنت حاسه ان شكلى كان بيبقى وحش قولولى بقه أعمل ايه يعنى ايه القواعد اللى المفروض أنفذها من اتيكيت وخلافه؟؟؟؟؟؟؟؟؟؟؟ أرجو منكم الاهتمام وردوا حتى قولوا أى حاجه ان شالله تباركوا

اذا اعجبك الموضوع و اردت نشره في المنتديات الاخرى فاستخدمي هذا الرابط:
ياجماعه ساعدونى وقولولى أعمل ايه
http://forums.fatakat.com/thread48659

[monee_2020]

حاتزعل ليه يا جميل يارب ان كان فيه خير لك يتمم لك على خير
شوفى انتى احسن حاجه تكونى على طبيعتك خالص وبلاش الميكب والبهدله لان الراجل اول مره بيحب يشوف الواحد على طبيعتها
مثلا اعملى وشك بالفتله وتكونى عامله ماسك مثلا للوش لو كحل مثلا يبقى احلى والبسى حاجه مثلا تكون تبين جسمك وتكون حلوه عليكى يعنى مثلا لو انتى رفيعه مش تلبسيى له حاجه مترهله عليكى البسى اللى يبين جسمك ممكن جيبه وبلوزه او فستان
المهم حاجه تظهر جمال جسمك بس بلاش المبالغه فى الضيق اوى يعنى عادى
ومثلا لو انتى محجبه يبقى طرحه شيك على الهدوم اللى انتى لابساها

وعلى فكره خليكى على طبيعتك اوى ومش تفضلى منزله راسك يعنى بصى على الارض لو مكسوفه بس مش تخليه مش شايفك كويس قصى ضوافرك ايدك ورجلك والبسى شبشب يكون حلو ماشى مع الطقم
وبابا مثلا حايدخله الاول وانتى شويه وتخشى وتدخلى وتلقى السلام عادى وتقعدى على طبيعتك عادى خالص
وشويه وتمشى ولو سالك عن اى حاجه ردى بلباقه وجمل مختصره وربنا يتتمم بخير

[كتاكيتو بنى]

مش عارفة
بس خليكى على طبيعتك احسن
بس اوعى توقعى الشربات علية

[مرموووره]

يا قمرايه الف مبروك وربنا يتمملك على خير

بصي يا ستي
اول حاجه زي ما موني قالتلك
اعملي وشك فتله ومتحطيش اي ميك اب غير بسيط جداااااااااااا
يعني متعمليش زي البنات تعمل نفسها بلياتشو كده وتحسي انها مبالغ فيها
لا خليكي بسيطه وفي نفس الوقت شيك

وحلو انك تكوني على طبيعتك بسيطه وتلقائيه كده ومتتصنعيش اي حاجه
سيبي نفسك براحتك ولو حسيتي انك اتلبختي ومكسوفه ومتلخبطه ومش قادره تردي اعتبري اللي قدامك ده زميل عادي في الشغل وردي عليه بلباقه وشياكه

البسي طقم شيك وفي نفس الوقت بسيط وسمبل كده وافتكري دايما ان الانطباع الاول يدوم
يعني اول دقيقه هتدخلي فيها هي اهم دقيقه
ادخلي كده بثقه وبساطه ورقه في نفس الوقت
وخليكي واثقه من نفسك وافتكري دايما بلاااااااااش تبالغي خليكي بطبيعتك

يارب اكون افدتك
ولو عندك اي سؤال يا قمر كلنا هنا اخواتك ومستنيين نسمعك

ويارب لو فيه خير ربنا يجعله من نصيبك يارب

[واحدة من الناس]

ربنا معاك يا قمر
الفتكوات قالوا الكلام المفيد
ماتنسيش تصلى أستخارة

[toto s]

والله ما ظل في عندي كلام
البنات كفو ووفو
مفش عندي غير اني ادعيلك ربنا يوفقك

[سادات]

ربنا يوفقك وألف مبروك مقدما

[فدووو]

ربنا يوفقك ان شاء الله
واحسن حاجه خليكي علي طبيعتك

[pampenoo]

اهم حاجه انك تحسي انك شبه نفسك

[نانو الحبوبه]

مبروك ياقمر

[بكره أحلى]

متشكره ياحلوين ع النصايح الغاليه دى بس أنا الحمد لله ملييش ف الميكب والحاجات دى وكمان وشى مش مشعر لازم بقى أعمله برده أنا أصلى بشرتى دهنيه وخايفه تكون حساسه ويطلع لى حبوب أصلى بصراحه عمرى ماعملته غير مره واحده وكانت بالسويت

[monee_2020]

خلاص يا جميل لو وشك مش مشعر وحاسه انه مالوش لازمه بلاش انتى ادرى بنفسك
بس خليكى فى الكريمات والماسك قبل ما يجى
وصلى استخاره وربنا يتمم لك على خير