[lolo 2008]

ازيكوووووووووووووووووا
عاملين ايه
يارب تكونوا تماممممممممممم

لو جه ابنك وهو عندة 16 سنه كدة
وقالللك

" ماما انا بحب واحدة معايا فالمدرسه "


هتزعقيله وتقوليله عيب كدة بنات الناس مش لعبه

ولا هتقوليله ماشى يا حبيبى بس المهم تعرف انها زى اختك ومماتعملش حاجه تئزيها وماينفعش تكلمها كدة وانتوا لسه صغيرين

ولا هتقوليله عيش حياتك يا حبيبى

ولا هتجيبى الشبشب وتضربيه


ولا هتعملى ايه ؟؟؟؟؟؟؟

0
0
0

طيب سؤال تابع ليه

لو اللى قالتلك كدة بنتك مش ابنك .... انها بتحب ولد معاها فالمدرسه
هل الموقف هيتغيييييييييييير ؟؟؟؟؟؟؟؟؟؟؟؟

اذا اعجبك الموضوع و اردت نشره في المنتديات الاخرى فاستخدمي هذا الرابط:
هتتعاملى معاه او معاها ازااااااااااااااااى ؟؟؟!!!!!!!!!!
http://forums.fatakat.com/thread48853

[راهيف]

سؤالك مهم جدا والتعمل معاه مش سهل بس التفاهم هو الحل الوحيد والتنشئه الدينيه التى تجعلهم يدركون ان مثل هذه العلاقات مش مقبول وأنها مدخل للشيطان
فى المستقبل إن شاء الله لوحصل حاجه زى كده هتكلم معاه و هحاول أفهمه إنه ممكن يكون متعلق بيها لأنه بيشوفها باستمرار بس من غير مستخف بمشاعره ولو أصر هطلب منه ميصرحش بحبه لها وميكلمهاش فى كده لحد ميكمل تعليمه لأنه ميرضاش أنه يكون سبب إن الناس تكلم عليها زى ميرضاش إن حاجه زى كده تحصل لأخته

ولو بنت هيكون الوضع مش مختلف كتير هتكون تقريبا نفس النصائح بس فى ضوء إنها بنت ولازم تصون نفسها وان ذلك يزيدها حبا وإحتراما فى نظر من يرتبط بيها

[ام سراج]

الواحد مش عارف ح يعمل ايه؟
ضرب..طبعاً لا
ولا زعيق..لأنه كده مش ح يحكي لي حاجه تاني
واهم حاجه بين الواحد وولاده .هي الصراحه
الاغلب الاعم اني ح اقعد اتكلم معاه..وافهم الموضوع اصله وفصله ايه..ومش بعيد اني اخليه يعرفها علي..وح اقعد معاهم هما الاتنين..وافهمهم ان دي فتره مراهقه.. ممكن شعورهم يكون حقيقي..وممكن يكون مرحله وح تعدي..وح اوصي ابني انه مايكلمهاش..لو بيحبها صحيح..أو لو مش قادر..ح اصاحب عيلتها علشان لو الولاد اتعاملوا..يبقى قدامنا مش من ورانا..وح اكلمها هي..واقولها برده خبراتي كأنها بنتي وانصحها..وانصح اهلها من غير مااعمل لها مشكله
بس من الاول انا مش ح احط نار جمب البنزين..ح ادور على مدارس مش مشتركه

[ام دومى]

صح يا ام سراج انا معاكى ان بالتفاهم بينا و الصداقة بين الام و بنتها كل حاجه تتحل.. لكن بالنسبة للمراهقين الممنوع مرغوب