[maiouse]

أشهر جمل بيقولوها الأب و الأم في مصر



* ابوك دايما كان بيطلع الاول على الفصل .


* والله ما انت فالح .. وادي دقني أهه .


* هو طول النهار قدام الزفت الكمبيوتر مش ممكن كده .


* ما تلزقش في التلفزيون كده .. نظرك هيضيع .


* يا ابني محدش هينفعك .


* قصة الغريق الكاذب اللي كل مره يقول الحقوني ... لحد
ما غرق بجد .


* ربنا يرزقك بعيل يوريك اللي ورتهوني .


* امشى جاتك مشش فى ركبك.


* ما تطلعش على الملايه النظيفه و رجليك متوسخه كده .


*أوعا حد يضحك عليك ويقولك جرب السيجارة دي.

* ايه الا مبالاه و الاستهتار اللي انت عايش فيهم دول .


* قوم اقرا لك كلمتين ينفعوك .


* وطي المدعوق ده شويه .


* انت فاكرنا نايمين على ودانا ؟


* ما تلبسش القميص على اللحم زي العيال الصايعه .


* بلاش أكل بره .


*ياريتك تحفظ دروسك زى مانت حافظ الاغانى.


* عيـــب ... لازم تحترم اللي أكبر منك .


* لو شفت خناقه ما لكش دعوة بيها .


* لازم تأكل سلطه .


* اوعى تكدب عليا كده تاني مرره .


* اوعى حد غريب يديلك حاجه تاكلها و تشربها و تاخدها منه .


* يا ابني حرام عليك الى بتعمله فينا ده.


* بلاش لعب في الشارع .


* ما تعليش صوتك .


* وانت فاكر احنا مستنيين منك حاجه .


* المسلسل مش هينفعك ...قوم .


* ما تقعدش قدام المروحه وانت مستحمي .


* كفايه رغي في التليفونات .


* بلاش وقفة الشبابيك و البلكونات .


* كل على مهلك .. وامضغ كويس ... وما تكلش وانت واقف .. وكل من قدامك ما تحفش .


* اطفي التلفزيون وقوم ذاكر . أو اطفي التلفزيون و خش اوضتك .


* ربنا يهديك ربنا يهديك ... وأحيانا .. انك لا تهدي من أحببت .


* صليت العصر ؟!


* ما تمشيش حافي في السقعة دي


* ما فيش مذاكرة على المزيكا وازاى.. بتذاكر و البتاع ده شغال جنبك .


* افرد ظهرك .


* ماتكلش فى ضوفرك.


* كنت فين لحد دلوقتى يا صايع.


* انا مش عارف انته طالع لمين.


* ما تتأخرش بعد المدرسه و تقعد تصيع مع أصحابك .


* بص كويس و انت بتعدي الشارع .


* ومالها الكتب بتاعة الوزاره ؟!


* اللي بيشيل قربه مخرومة بتخر عليه لوحده ..


* لو مش فاهم حاجه ارفع ايدك و قول للأستاذ مش فاهم .. متتكسفش .


* يأبنى المذاكره مابتخلص .


* ما تردش عليا .

مش عايز اسمع صوت
.
.
شفتو الرخامه

اذا اعجبك الموضوع و اردت نشره في المنتديات الاخرى فاستخدمي هذا الرابط:
جمل شائعه بين الاب والام فى مصر
http://forums.fatakat.com/thread49025

[مرويت]

هههههههههههههههههههه
والله عندك حق دى اسطوانة بتشتغل فى كل بيت فى مصر
موضوعك جميييييييييل

[mayooy]

اه والله فعلا عندك حق
ههههههههههههه

[maiouse]

اتمنى يكون الموضوع عجبكو.. وفعلاا اظن احنا كلنا طهقنا من الجمل دى

[موءمنه]

ايه ده!!!!!انتى سمعتينى وانا باكلم العيال ولا اييييييييه؟؟؟؟؟
ماشى ..ماشى ياقمر ...بكره نشوف انتى هاتبقى تقولى ايه لولادك؟؟؟؟
وتسلمى عالمواضيع الظريفه

[دعاء A]

هههههههههههههههههههه صح عندك حق دة اغلب كلامنا و الله المستعان

[maiouse]

لا واللله يا مؤمنه.. انا بس بقول اللى بيتقال فكل البيوت... وصدقينى ان كان ليا عمر واتجوزت وجبت اطفال هقولك بقولهم ايه.هههههههه تسلمى يا قمر

[شرين عمر]

انا كنت فاهمة انى انا الوحيدة اللى بتقول كدة لكن لاقت ناس زى كتير هههههههههههه

[maiouse]

هههههههههههههههههههههههههههه..ياشيرين الكلام ده حاجه كده بتورث لينا يعنى زى ما كان بيتقالنا احنا كمان هتنقولو وزى ما هنقولو ولادنا هيقولوه.. مره بعيد عنك

[shosho5003]

ههههههههههههههههههههههههههههههههههههه
فعلا فعلا كل الجمل ديه بتتقال بالنص

[maiouse]

فكل بيت وحياتك

[مصراويه]

حقيقى بيحصل بس من غلبنا يعنى حنعمل إيه
ويعنى تفتكرى هم بيهمهم ولا حتى بيعبرونا
أبداً ولا هما هنا - إحنا بس إللى حسنا بيتنبح
عالفاضى -----
وبكره نشوف الجميل حيعمل إيه.

[maiouse]

هههههههههههههههههههههههههه.. يعنى المفروض لما انتو تقولو كده احنا هنعمل ايه... مره والتانيه والموضوع بقا عادى... مش هنوجع دماغنا بقا

[الزهره الحزينه]

ههههههههههههههههههههههه
واحنا كمان عنا بفلسطين بيحكو هيك
بس اللهجه والاسلوب بيختلفو
فكرتيني ببابا لما كان يقلي
قومي ذاكلاي كلمتين ينفعوكي
بدل الكمبيوتر ههههههههههههههههههههههه

[maiouse]

هههههههههههههههههههه.. خلصت خلاص ايام المزاكره بالنسبالك...والكلام ده بقولكو يا جماعه بقا حاجه كده زى الميه والهوا فالبيت