|
رد: متى تسمح الزوجة لزوجها بالزواج
على فكرة الموضع كبير قوى وله أكتر من جانب
الجانب الأول ممكن يكون فى مشكلة فى الإنجاب عند الزوجة وفى الحالة دى لو فكر يتزوج من أخرى يبقى ماتنفعش تستنى معاه لأنه طبيعى عقله وفكره حيكونوا مع الزوجة التانية وأولادها إذا تواجدوا وحتبقى دايما هى الجانب اللى مطلوب منه يدى ويضحى دايما وده شىء لايطاق مهما كانت قادرة على العطاء
الجانب التانى إذا كان الزوج صاحب نزوات والزوجة ارتضت به من البداية يبقى مايصحش تسيبه وخصوصا إذا كان فى أطفال لازم تضحى عشان بيتها وأولادها
الجانب التالت إذا كانت رامية طوبته أو توبته بحقيقى يبقى أحسن إنه يتجوز عشان يبعد عنها وبرضه ماتسيبهوش عشان فى الحالة دى اللى ييجى منه أحسن منه أهه على الأقل حيبقى ملتزم بالإنفاق على الأولاد فى حين لو سابته مش حتطول منه لا أبيض ولا أسود
فى جانب تانى لو كان على علاقة من وراها يفضل إنها ماتواجههوش وتصلح من نفسها عشان تجذبه لها تانى وربنا المعين
طولت عليكم معلش لكن الموضوع حقيقى جميل جدا
|
