[سيماء]

اولا كل سنه وانتم طيبين
انا حبيت اكتب الموضوع ده مخصوص عشان فيه
حاجه غريبه بتحصل اليومين دول النهارده فيه كذا فتوكه زعلانه وعايزه تمشى وكلهم بيقولوا ان مفيش حد بيرد عليهم منهم جداد ومنهم قدام اة مفيش حد بيحبهم او مش مرغوب فيهم وحصل قبل كده فتوكات كتير بيزعلوا مالكم ليه بتزعلوا؟
ده شىء عادى مش مجرد ان مفيش حد رد
على موضوع او موضوعين انكم مش مرغوب فيكم
بالعكس انا مش قديمه قوى لكن من ساعه ما انضميت لاسره فتكات لاحظت الاختلاف الكبير مقارنه بالمنتديات التانيه والله مش مجامله بس انا حسيت اننا اسره واحده حتى لو فيه اتنين شدوا مع بعض شويه عااااااادى ده بيحصل فى اى مكان
وفكره ان محدش بيرد على الموضيع دى لان المواضيع كتيير وانتوا عارفين كده يعنى مش شرط ان كل ماواضيعنا يترد عليها وانا شخصيا عندى مواضيع مفيش ردود عليها مش زعلانه وبكتب تانى وتالت ورابع وعدد المشاهدات الكتير دى من الزوار معظمها وانا متاكده من كده وربنا يزيد ويبارك فيهم
لانهم بيعجبهم المنتدى وبيسجلوا فيه بعد كده
على فكره الظاهر كده انكم عايزين تعرفوا غلاوتكم عندنا وده الواضح 00ماتقلقوش كلكم غاليين
وبنحبكم وانتوا اخواتنا
قصدى كلنا اخوات ويا ريت بقا محدش يزعل تانى
خلى روحكم رياضيه وما تزعلوش كمان منى عشان كتبت الموضوع ده ولو مش عايزين تردوا على كيفكم انا مش حزعل يكفينى بس بس انكم تقروا راييى وانا لاحظت انه راى كتير من الاخوات عشان كده حبيت اخليه موضوع منفصل مش مجرد رد
فى انتظار النقد من الجميع على موضوعى
بمنتهى القبووووول
تقبلوا تحياتى

[مرويت]

شكرا ليكى
موضوعك بجد جمييييييييييييل
والمنتدى اجمل واكيد محدش هيزعل تانى علشان خطرك ياقمر

[shitos_lovely]

بصي يا سيماء
اه
فعلا فتكات مختلف
بس ممكن يكون الناس مش زعلانه لمجرد المواضيع
لا زعلانه عشان هي حاسه انها الناس مش بتحبها
ومش حاسيين بوجودها
وعمتا
موضوعك لا يحتاج النقد
موضوعك اكتر من رائع
ويا ريت
لو تناقشيني في وجهة نظري

[سيماء]

اشكرك اختى مرويت على ردك عليا
وانا نفسى محدش يزعل خالص والله
والله يا اختى شيتوس مجرد الرد على الموضوع يفرح
وبالعكس عدم الرد بيزعل لكن انا كلاللى اقصده
انهم مايفهموش غلط ان عدم الرد عليهم عشان هما مش محبوبين
لا عشان كتره المواضيع بس يا رب اكون وفقت فى اللى اقصده
00اشكرك على مرورك

[الزهره الحزينه]

جزاكي الله خيرا اختي
بلعكس موضوعك ضروري
هيك بترفعي من معنوياتنا
ومنحس بلفعل انا اسره وحده
بارك الله فيكي
وانا بحبكم كلكم في الله

[سيماء]

اشكرك على مرورك اختى زهره
احبك الله الذى احببتينا فيه

[EMO]

يا سيماء هنزعل منك ليه وانتى بتقولى الحقيقه وشكرا ليكى على موضوعك
وياريت كل البنات الموجودين معانا يتاكدوا ان احنا عيله واحده وكلنا اخوات
وارجوكم مش عايزين ندخل الزعل ده بينا خالص ولا عايزين نعرفه ماشى ؟
وكل سنه وانتم جميعا بخير

[دلع الحنان]

لالالا زعل مش عوزين احنا كللنا اسرة وحدة وعمرة الاخوات ميزعلوش من بعض

[تريمان]

فعلا كلامك صح يا سيماء ومنتدى فتكات ده بجد لذيذ ومميز وترتاحيله من اول نظره وخاصه انه منتدى نسائى تتكلمى براحتك وخاصه لما يكون عندك مشكله وتلاقى الكل حواليكى وبيدعولك ديه بجد بالدنيا وطبعا يا سيماء يا اختى كلامك صح مش اختى ههههههههه

[Somanto]

كلامك مظبوط يا سيماء و اعتقد إن فتوكات كتير هنا لهم نفس الرأى
و انا كمان مع شيتوس إن ناس كتير ممكن تاخد الموضوع بحساسيه زيادة بس مش معنى إن محدش رد على موضوع يبقى ده تقليل من شأن اللى كتبته بأى شكل من الأشكال...
يعنى انا شايفة حاجة و ممكن ناس تختلف معايا فالرأى ده بس أنا شايفة إن مش كمية الردود هى المقياس لمدى حب الناس لصاحبة الموضوع أو مدى شعبيتها فالمنتدى بدليل إن فى ناس بتدخل جديد على المنتدى و بتلاقى ردود كتيرة جدا على مواضيعهم برغم إنهم لسه جداد فالمنتدى و تقريبا محدش لسه يعرفهم خالص
و بعدين بقى إحنا دلوقتى داخلين على شهر فضيل و عايزين كده نتجمع كلنا على الخير و طاعة ربنا بعون الله مش نسيب المنتدى وللا إيه؟؟
ربنا يجمعنا على الخير بإذن الله و رمضان كريم علينا جميعا

[موءمنه]

دائما مجتمعين يا فتوكات الحب والخير على كل حب وعطاء وكلمه حلوه يارب
مشكورين جميعــــــــــــــــــا

[مدام سمر]

والهى كلامك مظبوط مية مية وانا فعلا حبيت كل الفتكات الى هنا جدا ناس محترمة بجد

[amira82]

الحمد لله أنا معنديش حساسيه
ههههههههه
ربنا يديم علينا فتكات

[مصراويه]

يا بنتى دى عالم بتتدلع وعايزه تشوف غلاوتها عندنا
وهما ما يقدروش يبعدوا عن فتكات ولايوم دى بقت إدمان خلاص
وحكاية الردود دى المفروض نكبر دماغنا فيها شويه بقى
-----
موضوعك ممتاز ويستاهل المدح مش النقد.

[nefertety]

جزاك الله كل خير
وفعلا ساعات الواحد بيزعل بس لازم ما نياسش ودا المهم
وفي الاخر باذن الله كلنا هنوصل
شكرا لموضوعك 000

[nefertety]

بس معني اسمك ايه ؟000

[ام ايفان]

يارب مفيش زعل ولا حاجة..
بس الفتكوات عايزين يفضفضوا لما يتضايقون..
واكيد لو مفيش معزة كان سابو المنتدى ومشيو لكن دة دليل على الحب
وانهم يشاركون بعض في كل حاجة..
شكرا على موضوعك واهتمامك ..
تحياتي

[سيماء]

جزاكى الله خيرا على مرورك اختى ايمو
وربنا ما يجيب زعل ان شاء الله
وكل سنه وانتى طيبه

[سيماء]

طبعا كلنا اخوات
جزاكى الله خيرا اختى دلع الحنان على مرورك
وكل سنه وانتى طيبه

[soura]

كلامك جا في وقتو
تسلم ايديكي