السلام عليكم ورحمه الله تعالى وبركاته
اخواتى وحبيباتى كل من شاركنى حزنى وكل من قرأ سطورى السابقه فى مشكلتى وكل من تفاعل معى ودعى لى ووقف بجانبى فى ازمتى بفضل الله ثم فضل دعائكم لى ولدت من جديد شاكره لله فضله
ثم اشكركم جميعا لانى اعتبر مشكلتى انتهت وقفلتها اليوم
فاكتب لكم ودموع الفرح فى عينى واحمد الله الف مره لاء احمد الله بكل نفس يخرج منى وبكل دقه قلب نابضه بفضل الله انى عرفت حكمه الله سبحانه وتعالى فيما حدث لى كنت فى اول المشكله تائهه تغلب عليا الدهشه والحزن
ليه كل ده حصل ليا وايه اللى غير الانسان اللى كان خاطبنى ؟ وليه بالتحديد قبل الفرح بايام كانت صدمه وكنت محتاره وكلكم احترتم ليه اتغير
؟ وكنت جايبه على نفسى اللوم وبقول اصلى عصبيه ونرفز وكنت لغايه امبارح بقول ربنا يهديه وممكن يرجع لعقله ونرجع لبعض وخاصه ان ظروفه الماديه صعبه وكنت مقرره انى حقف جنبه وحساعده وخاصه بعد تخلى اخواته عنه وقلت بفضل الله حكون معه بكل ما يقدرنى الله
بس اليوم حجاوبكم عن السر وايه اسباب مشكلتى اللى عرفتها من خلال راجل فاضل ربنا يجازيه الف خير من اسرتى
اكتشفلنا اللى مكنتش اعرفه انا شخصيا عن اللى كان خاطبنى مش حخوض فى كلام عنه عشان حرام اذم فيه بس الحمد لله
فعلا وعسى ان تحبوا شيئا وهو شرا لكم بجد كنت حتظلم اوى اوى
تخيلوا عرفت كمان انه اخته جبتله عروسه اوام كانها مصدقت ملحقناش لسه فرحنا كان من اسبوع ودول بيخططوا ازاى؟ بس اللى عرفته ان العروسه تكبره فى السن ومرتاحه ماديه شغاله فى بنك شوفتم الشباب بقت تفكر ازاى مش كلهم طبعا دول فئه معينه او بقى الاخوات بيفكروا لاخوهم بدل ما يساعدوا يتمم زواجه اختاروا له الزواج الساهل المريح وهو طبعا وافق بدل ما يخوض مشاكل معاهم لا يتزوج بمزاجهم ومن غير ما يكلفوا نفسهم باى مساعده
ازاى بجد حزينه على افكار بعض الناس فى الزواج واستغلال ازمه الزواج لصالحهم والزواج اصبح مادى والحب يداس عليه عشان الماديات نقصت او مفيش يبيع نفسه وخلاص بلا تعب بلا مسؤليه
بجد حصلى لله شكر دائما انه انقذنى وكتبلى الخير
ارجوكم طلبى ليكم الدعاء ليا لانى بجد والى الان فى ابتلاء شديد ومش زعلانه بالعكس راضيه ومرتاحه بس مستغربه لنفوس البشر ربنا يعوضنى خير عن اللى شوفته وافرحكم قريب ويا رب يفرح كل البنات ويسترنا ربنا جميعا ويفرج كرب كل المسلمين والمسلمات فى الايام الكريمه ديه
وكمان بقول حسبى الله ونعم الوكيل فى اللى ظلمنى
واسفه انى طولت عليكم بس كان لازم اقولكم اللى جوايا وارتاح
اختكم فى الله تريمان
