[dnsh]

بسم الله الرحمن الرحيم

اليوم قمت بكتابه هذا الموضوع بعد اشتراك لم يدوم سوي اقل من الشهر في هذا المنتدي فقد احسست بشعور غريب تجاه كل من في المنتدي صحيح انا سني صغير بس اتمنيت اني الاقي مكاني بنكم ولاكن للئسف المنتدي دا كان اول منتدي ادخل واتصفحه عن قرب ودا برضوا كان اول منتدي اشترك فيه مش هقدر انكر اني كنت معجبا ب المنتدي دا اوي قبل ما اسجل به ولاااااااااااااااااااكن بعد ان قمت بالتسجيل لم اجد منكم صدر رحب ابدا حتي الناس الي اتعرفت عليهم من الرسايل الخاصه ذي ام رحاب وسوسسسسسسسسسسو وناس تنيا كلمتهم مره واحدة فقط وبعدها انقطعوا عني بلا رجعا وبل الصدفا لقيت احد العضوات كتبا موضوع عن الولاد الي انتوا حسين انهم في المنتدي واكلمت علي الرسايل الخاصه ومن هنا عرفت ان الناس الي عرفتهم ممكن يكونوا فكروني ولد ولا حاجا بس مش مشكلا خالص انا النهردا بقدم ليهم اسفي علي اني ضيعت وقتهم معايا




ثا نيا انا بجد مش دخلا المنتدي تاني ابدا ال بعد مشوف الردود بتعتكم اذا رديتوا عليا وبعد كدا مش دخلا تاني وهرسل رسالة للئدارة اني عيزا الغي اشتراكي

ان اول مواضيع كتبتها هنا كتبتها في الاقسام العديا والله يعلم اني كنت بنسق موضيعي علي قد مقدر ولاكن في النهايا الاقي 3 , 4 ردوا عليا مع اني مبدخلش علي اي موضوع الا لما برد فيه وكمان بلاقي ناس كتبا عن مواضيع ومتكنش فيها حجات كتير يعني وبلاقي الناس كلهم ردين عليها وكمان انا عملت اختبار صغير قبل مكتب الكلام دا هو اني اشتركت في منتدي تاني للبنات وكتب موضوع (شخصيتك من رقمك المفضل ) وكان عدد الردود هنا في المنتدي تقريبا 9 اما في المنتدي التاني الي لسا مشتركا فيه كان 3 صفحات


في نها يه اخر لقاء بنا اني بعتذر عن مواضيعي التفها الي مكنتش تقريبا بتعجب غير 2% من الي في المنتدي وكمان بشكر كل الي رد عليا في اي موضوع من مواضيعي


انا عرفا اني طولت ان انتوا ممكن متكنوش قرئتوا الموضوع كله عادي يعني ذي مقال سقراط(ان للكلام غايا ونشاط السامعين نهايا وما ذاد عن الاحتمال ودعا الي الملال كان هذا هو الهذر)

والسلام عليكم ورحمه الله وبركاتوا

[nona79]

انا حاقول حاجة من غير ما تزعلي موضوع الردود المفروض ننتهي منه

عشان هو الشكوي الدايمة من الكل معني كده انها مش بتحصلك لوحدك

شكرا ليكي وربنا يوفقك

[yoyo]

انا معاكي يا نونا

[ياسمين الحبوبة]

كلام نونا صح يعني عايزه تخرجي من المنتدي علشان الردود

[ام احمد123]

ده صحيح الردود مش علامه المهم الفائده اللى بتعود علينا جميعا من كل موضوع بينزل و ده هدف اللى بتكتب منا موضوع انها تفيد كل من يقراه و عدين انا عاوزة اتعرف عليك اكثر عمرك كام سنة و بتدرسي ايه

[الزهره الحزينه]

حبيبتي احنا كلنا منحبك
وبخصوص الردود مش بس
انتي بتعاني من المشكله
اغلبية العضوات عندهم نفس المشكله
وهدا ما بدل انو ما منحبك او مش مرحبين فيكي
او مواضيعك ما بتعجبنا بس انتي عارفه المنتدى كبير
وفي عضوات كتير وبنزلو كلهم مواضيع من كترة المواضيع
بس بتكون الردود قليله بعدين انتي بتعملي الي عليكي
واجرك عند رب العالمين وهدا بكفيكي وممنوع الزعل
لاننا بجد احنا هون اسره وحده وبتمنى اشوفك معنى
وراح احاول ارد على مواضيعك
واخيرا انا احبك في الله

[LARA_2008]

متكونيش زعلانه لانهم بيعرفوا محتوى الموضوع وده اللى بيهمهم والله انا مش بدخل اى موضوع الا ما برد علي الموضوع انما بعد معملت اول موضوع لقيت مشاهداته كتير قوى ومفيش الا ردين بس وعلشان كده انا زهقت بس والله اما بدخل موضوع بحس بمجهود صاحب الموضوع وان الرد ده تشجيع ليه

[ام جنة]

والله موضوع الردود ده بيضايق لكنك بتكونى مستنياها خصوصا لو مشكله ومحتاجه فعلا رد عليا لكن الواحد لازم يقدر ان فيه مشاهدات من غير الاعضاء كما ان عدد الاعضاء ما شاء الله كبير جدا وكل واحد بيكب موضوع ويستنى الردود والاغلبيه العظمى متزوجات ومسئولين عن بيت واولاد ومشغولين معظم الوقت وده مش يعنى انهم تجاهلوكى

[ملكة الجمال]

أنا كنت زى كده فى الاول بس بعدكدة عرفت انى لازم ما زعلش كفاية حتى لو عضوة واحدة
ردت او اثنين المهم الموضوع قرأ وكمان الاسكندرنين مش بيزعلوا لدرجة دى

[موكيكا]

انا مع ملكة الجمال فى رائيها وفكرى قبل ما تخرجى واهلا بيكى يا قمر

[ام رحاب]

وانا مع نونا فى الرد بتاعها

[fairy princess]

يا جماعة الموضوع ده بقى خلاص مفروض نكون فهمنا ابعاده خلاص

واللى بيحب يقدم مواضيع مفيدة مش لازم يقيس فايدتها بالردود

فكرى يا جميل تانى وخليكى معانا منورانا

[ام ايفان]

ياحبيبتي مش مهم الردود صدقيني...
لاتتاخذي قرار يمكن تندمي عليه..اذا كان المنتدى عاجبك ارجعي

[noooody]

بقى ده كلام برضه يا dnsh
الكلام ده بيحصل معانا كلنا مش انتى بس
وكمان المواضيع ما شاء الله كتير ففى ناس كتير مش بتشوف كل المواضيع
ولو كل واحده زعلت وعملت زيك يبقى مش هنلاقى حد فى المنتدى خالص
وفى الاخر برضه فكرى كويس ... فكرى فى ان احنا هنا كلنا اخوات واصحاب

[ورده الحب الصافى]

لا حول ولا قوة إلا بالله
يابنتى والله أنا ليا مواضيع بتخض لما أشوف نسبة الردود اللى فيها مقارنه
بنسبة المشاهدات
عادى والله
دى بتحصل لنا كلنا
لأن المنتدى مش مغلق على العضوات
فى زوار
وبصى فى الصفحه الرئيسيه وأنتى تعرفى
بتلاقى المتواجدات الأن
1454 مثلا
العضوات حوالى
100
والباقين زوار
بيبصوا على المواضيع وبيمشوا
وممكن بعد كده يبقوا عضوات معانا
أمال أنتى أشتركتى إزاى
وبالنسبه للمنتدى التانى اللى انتى اشتركتى فيه
الحمد لله انك لاقيتى هناك ناس تحبك برضه
زى ما أحنا بنحبك
والمهم عندنا ان تبقى مستريحه
وخلاص
يلا بقى أرجعى تانى
كل سنه وانتى طيبه

[fishs]

حبيبة قلبي يادنش والله انا شفت موضوعك ده بالصدفة انا بادخل اصلا فترة قصيرة على المنتدى زي كتير من العضوات لان ورانا حاجات كتير في البيت ومش بلحق اشوف كل المواضيع مع اني اتمنى لو اتابع كل موضوع ينزل لكن ده صعب جدا على الكل اوعي تزعلي ابدا وتاكدي ان اي واحدة قرات موضوع لك استفادت منه سواء ردت اولا وطبعا جزائك عند ربنا كبير واوعي تمشي ولاتزعلي ابدا وحقك على راسنا كلنا

[جين صبرى]

dnsh
يا أختى السلام عليكم
ياريت ماتكونيش زعلانه وحابه ألفت نظرك لحاجه لفتت نظرى
وهى أن مواضيعك 25 وردودك للآن 115 وهى قليله جدا مقارنة بالمواضيع
كمان شيلى منها مشاركاتك فمواضيعك نفسها حتلاقى أنك شاركت بعدد قليل جدا
يعنى ياحبوبه ياصغنونه لازم أنتى كمان تشاركى معانا بردودك
يعنى مش مهم تكتبى مواضيع كتير بقدر ما مهم أن تجاملى أخواتك بالمنتدى
ياحبوبه ياصغيرة السن أغلبية المشتركات متزوجات يعنى وقت الفراغ محدود جدا
أكيد حيكون يادوب قد مشاهدة مواضيعهم ومتابعة الردود عليها ومجاملة اللى ساهموا
بالردود ... المجامله يا حبوبه
هى اللى من خلالها تكونى صداقات وتشاركى ويشاركوكى
فهمانى ... يعنى زى مابتحبى يكون فيه مشاركات على مواضيعك لازم أنتى كمان
تشاركى وتجاملى
خلاص أتفقنا ... وسعدت بمعرفتك

[مصراويه]

ماعنديش كلام زياده عن كلام الفتوكات العسل دول
وإدخلى كده على مواضيع كل إللى رد عليكى هنا
وإنتى تشوفى إن فى مواضيع مافيهاش ولا رد واحد يخزى عين الشيطان
بس مش معنى كده إننا نسيب منتدانا إللى إحنا أرتحناله --- دا مش كلام ياعسل