[Vanillia]

المقادير: نصف كيلو صدور فراخ ( الكمية حسب الرغبة )
2 بصلة متوسطة - حوالي ربع كوب لبن _ حوالي 2 ملعقة كبيرة خل - ملح - فلفل - حبهان ( فصوص أو بودر ) - لوري ( ورق او بودر) - بهار - بردقوش - زنجبيل ( بودر ) - توابل الفراخ (بودر ) حسب الرغبة .
ملحوظة : ممكن اضافة ملعقة من الكاتشاب حسب الرغبة .
للتغطية : 2بيضة مخفوقة وعليها رشة ملح ورشة فلفل - بقسماط وممكن وضع كيس خلطة البانيه ( فاين فودز أو اي نوع اخر ) علي البقسماط .

الطريقة :
فرم البصل ناعم ممكن بالمبشرة او في الكبة ، بعد كده نحط علي البصل اللبن والخل وكل التوابل السابقة ونقلبهم كويس ونسيب فيهم الفراخ فترة معقولة علشان الفراخ تتشرب من التتبيلة (حوالي 3 ساعات ومن المفضل من الليلة السابقة مساء )
نسخن الزيت علشان يكون درجة حرارته مناسبة يعني يكون وسط ، بعد كده نحط الفراخ في البيض وبعدين البقسماط وبعد كده في الزيت طبعا لحد ما يبقي لونها جميل .
وبالهنا والشفا ويا رب تعجبكم ( علي فكرة اللبن والخل بيخلوا الفراخ طرية زي الزبدة ) .

اذا اعجبك الموضوع و اردت نشره في المنتديات الاخرى فاستخدمي هذا الرابط:
'طريقة عمل فراخ بانيه تجنن .....
http://forums.fatakat.com/thread50756

[مسرة]

الوصفة تجنن تسلم ايدك بس ايش ورق اللوري والبردقوش حبيبتي

[أم مانو]

تسلم ايدك طريقة سهلة اوى

[Vanillia]

بصي يا جميل ، ورق اللوري والبردقوش من انواع التوابل يعني ممكن تشتريهم من العطارة او من اي سوبر ماكت ( ورق اللوري زي ورقة شجر خضراء ومجففة توضع في الشوربة والتتبيلات المختلفة علشان تدب طعم جميل أما البردقوش زي النعناع ممكن يتغلي ويشرب او يوضع في الطعام بيدي طعم جميل ورائحة حلوة

[أميرة الرومانسيه]

تسلم ايدك ياقمر
انا فعلا بعملها وبتطلع تجنن
بس انا مجربتش فيها البردقوش هجربه واكيد هيطلع حلو
شكرا ياجميل على مجهودك الطيب
ربنا يباركلك يارب

[الوردة الجميلة]

[مرمريكا]

نوووووووور
اية الحلاووة دى
تتبيلة هايلة والله
يلا قومى اعمليلنا طبق
ههههههههههههههه

[مشتاقة لجنه ربى]

[salwasoula]

تسلمي.................................

[bebsa]

مسررررة اللورى هو معروف ف الخليج ب ورق الغار وموجود منه الاخضر الفريش ومنه المجفف اما البردقوش دة بقى وحياتك بسمع عنه بس بس بجد تسلم الايااادى يا فانيليا

[العبد لله]

انا بعمل كدة بس بضيف دقيق قبل البيضيعنى نطلع الفراخ من التتبيلة ثم نحطها فى الدقيق ثم البيض ثم البقسماط والف هنا وشفا

[Vanillia]

تسلموا يا حلوين ، بجد رفعتوا معنوياتي .
ربنا يخليكم وكل رمضان وانتم بالف صحة وخير .

[كخ يع]

انا بعملها كده وبتطلع جميله جدا جدا لكن ببقى طحنه مع البقسماط قليل من التوابل المذكورة ايضا وبتبقى حلوه اوى

[manolla]

طريقة تجنن هجربها في خطيبي وحماتي لما اعزمهم بس ربنا يستر ومتكسفنيش وتطلع حلوة ينفع اضيف عليها زعتر لو ملقتش بردقوش

[Vanillia]

طريقة تجنن هجربها في خطيبي وحماتي لما اعزمهم بس ربنا يستر ومتكسفنيش وتطلع حلوة ينفع اضيف عليها زعتر لو ملقتش بردقوش

شكرا يا قمر ماتخافيش انشاء الله مش هكسفك أبدا انا برضه كنت بعملها لخطيبي وكان بيموت فيها واطمني اتجوزنا وخلفنا كمان .
طبعا ممكن تحطي زعتر بس رشة صغيرة وعلي فكرة اي بهارات وتوايل بتتحط علي الفراخ البانيه بتطلع حلوة وابقي قوليلي النتيجة .

[mona mhmd]

تسلم ايديكى

[سحابة في الافق]

تسلم ايديكي

[إحســ جديد ــاس]

[Vanillia]

بألف هنا وشفا .

[shosho candy]

تسلم ايديكي يا عسل يا أم ملك:36_3_15[1]: