[Vanillia]

المقادير : 1/2 كيلو لحم مفروم (او حسب الرغبة )
2 بصلة متوسطة - بيضة - ملح - فلفل - بهار- حبهان (بودر) - ورق لوري - زنجبيل (بودر) - بردقوش - بقسماط .
للتغطية: بيضة مخفوقة عليها رشة ملح ورشة فلفل - بقسماط .

الطريقة : نفرم البصل ناعم جدا بالمبشرة أو الكبة ونحط البيضة والملح والفلفل والتوابل كلها والبقسماط ( البقسماط علشان اللحمة المفرومة تتماسك ومتكونش طرية لان البيضة بتخليها طرية ) ونقلبهم كويس جدا لحد اللحمة ما تبقي قوامها مناسب ، بعد كده نقسم اللحمة قطع متساوية وندورها ونبططها زي شكل الطعمية ( علي فكرة ممكن تتشكل حسب الرغبة بس الشكل ده بيخلي الكفتة احلي ) ، بعد كده نحط الكفتة في البيض وبعدين البقسماط وبعدين نقليها في الزيت لحد ما لونها يبقي جميل .
والهنا والشفا .
ملحوظة : ممكن بنفس تتبيلة الكفتة السابقة تتصبع وتتحط في صينية مدهونة سمن وتدخل الفرن ويتقطع عليها ترنشات بصل وتغطي بالفويل وتدخل الفرن بتبقي خطيرة .

اذا اعجبك الموضوع و اردت نشره في المنتديات الاخرى فاستخدمي هذا الرابط:
طريقة عمل كفتة بانيه حلوة جداااا .
http://forums.fatakat.com/thread50757

[مرمريكا]

تسلم ايدييييييييييكى ياجميلة
انا بضيف بقدونس

[نانو باشا]

[مشتاقة لجنه ربى]

[mashmosha]

حلوه اوى وصفاتك يا فانيليا بس يا ريت تردى عليه فى سؤالى بتاع الخضار باللحمة وتسلمى يا جميل

[only u]

تسلم ايدك

[Vanillia]

شكرا يا قمرات علي تشجيعكم ليا . ربنا يخليكم ليا .

[إحســ جديد ــاس]

[ام بسنت]

تسلم ايديكى

[Om Hassan]

تسلمى يا قمر

[ام سراج]

يسلموا ايديكي عسل

[بنت النوبه]

تسلم ايدك

[ميسو ميسو]

تسلم إيدك إن شاء الله هجربها

[باربى girl]

مممممم شكلها جميل انا هاعملها النهارده واقولك

[ميرو 1]

اية الجمال دة
شكلها هتبقى جنان هجربها ان شاء الله
بس احب اضيف حاجة صغيرة
ممكن نضيف شعرة قرفة بتدى ريحة جنان-
بس تسلم ايدك يا فانليا على الوصفة الهايلة
وعايزة اسالك فى وصفة مجربة للشيش طاوق بس تكون طعمها حلو ذى اللى فى المحلات
لوعندك طريقة بس تكونى ى مجرباها ما تبخليش على بيها وياريت كمان الفتوكات الطبخات الماهرات اللى هنا
اللى عنده وصفة مجربها يقولى
وتحياتى لكم

[أم لوجى و ملك]

حلوه اوى يا فانيليا تسلمى

[Vanillia]

ربنا يخليكم يا قمرات وبالف هنا وشفا .
شكرا علي تشجيعكم الغالي .

[Vanillia]

اية الجمال دة

شكلها هتبقى جنان هجربها ان شاء الله
بس احب اضيف حاجة صغيرة
ممكن نضيف شعرة قرفة بتدى ريحة جنان-
بس تسلم ايدك يا فانليا على الوصفة الهايلة
وعايزة اسالك فى وصفة مجربة للشيش طاوق بس تكون طعمها حلو ذى اللى فى المحلات
لوعندك طريقة بس تكونى ى مجرباها ما تبخليش على بيها وياريت كمان الفتوكات الطبخات الماهرات اللى هنا
اللى عنده وصفة مجربها يقولى

وتحياتى لكم

حبيبتي الغالية ميرو كل سنة وانتي طيبة ورمضان كريم ، بصي يا قمر بالنسبة للشيش طاووك انا بتبله بالمقادير التالية ( 1\2 ك شيش طاووك _ بصلة مبشورة ناعم جدا - عصير ليمونة - 1\2 كوب زبادي - ملح -فلفل-ومجموعة التوابل اللي انا بستعملها تقريبا في كل الاكل ( حبهان بودر - لوري بودر- زنجبيل بودر - بهار-بردقوش مطحون - زعتر بودر) تقريبا 1\4 ملعقة صغيرة وبضيف عليهم بهارات للفراخ المشوية ( دي ببتباع جاهزة ) وبعدين بتبلها كويس جدا وتسبيها منقوعة من ساعة الي ثلاث ساعات حسب وقتك وبعد كده برصها في الاسياخ مع قطع الفلفل الملون والطماطم واخيرا بشويها في الشواية بتطلع تجنن ولو ما عندكيش شواية يبقي بعد ما ترصيها في الاسياخ تحطيها في صينية وبعدين في الفرن برضه بتطلع جميلة جدا بس طبعا ما تنسيش تدهني الشواية او الصينية بقليل من الزيت وبالف هنا وشفا .

[Vanillia]

شكرا ليكم جميعا علي ردودكم الجميلة ربنا ما يحرمنيش منكم .

[ام عمر المصرية]

تسلم ايديك على وصفاتك الحلوة