[heba & hema]

للعلم اولا انا في انتظار الولادة
وصحيت من النوم من نص ساعة علي تدفق مية دافيه بس مش كتير زي ماكنت اسمع ان اللي بتولد بينزل عليها مية كتير
المهم جريت عالحمام والميه بتنزل ومش عارفة احبسها
وهي عباره عن ميه وافرازات لونهاابيض فاتح ومش مخاطية اوي
وقلت يمكن ده بول ونا مش عرفت احبسه لكن ريحته مش بول
ولغاية دلوقت النقط شغاله بتنزل لوحدها وفعلا مش طلعت بول
هل ممكن تكون دي علامة الولادة؟؟
امال لو كانت علامة ولادة ليه مش نزلت خيوط دم والغشاء المخاطي بتاع عنق الرحم؟
واعمل ايييييييييييييه ؟عرفوني الله يخليكو دي اول مرة ولادة ونا مستنية شوية عشان اكلم دكتورتي عشان مش ازعجها دلوقت

اذا اعجبك الموضوع و اردت نشره في المنتديات الاخرى فاستخدمي هذا الرابط:
ممكن حد يرد عليا حالا الله يخليكو
http://forums.fatakat.com/thread50838

[ام سيف الدين]

لا يا حبيبتى انتى على وش ولادة مش ولادة كامله
يعنى انتى انتظرى الولادة يومين تلاتة بس ريحى على السرير وحافظى على نفسك
و انشاء الله تفرحى قريب بسلمى و متنسناش فى السبوع

[heba & hema]

طيب ربنا يخليك ياام سيف الدين علي ردك
وانا بجد قلقانة وهروح اكلم الدكتورة اقولها
جزاك الله خيرا

[amira82]

ولاده ان شاء الله يا حبيبتى وربنا يقومك بالسلامه

[amira82]

طمنينى عليكى

[مصراويه]

دى ولاده ياعسل --- ربنا يسهلك يارب ويطمنا عليكى
يارب تقومى بالسلامه يا هبه وتفرحى بمولودك ويكون فى أتم صحه وعافيه.

[القطه]

يا هبه ربنا يفرح قلبك
وتقومى بالسلامه
انا والله اعتقد ان علامات الولاده الاولى بالاضافه للماء
بتكون طلق يعنى ضرب وتخبيط فى الظهر والله اعلم
انما الميه بس ده معناه ان دى الميه اللى حول البيبى
انا شخصيا عارفه الحاجات دى من اخت جوزى
لانى انا مش بولد طبيعى
اخت جوزى لانها مرت بحاله مشابهه
المهم يا سكره تكلمى الدكتوره انشالله الفجر يا قمر
عشان ده البيبى بتاعك مش هتتصلى تحكى وترغى معاها
يعنى موضوع مهم وهى متبعاكى يعنى انتى تهميها
والدكاتره متعودين على كده
يلا يا هبه بلاش دلع اتصلى بيها فورا
وان كنتى كلمتيها فعلا طمنينا

[mon]

ربنا يقومك بسلامه وتكونى فى اتم صحه وعافيه

[مدام نورا]

بالله عليكم ساعدوني في حل لمشكلتي انا زوجي توفي منذ سبع سنين وعندى 3 اولااد كبار ابني الكبير مخلص كلية من حوالي سنتين وخاطب وهايتجوز قريب وبينتي كمان مخطوبة وهاتتجوز اما الولد الثالث في اعدادى لكن رغم وجود اولاادى واني موظفة حاسة اني وحيدة نقصني الحب مع العلم ان والدى متوفي ووالدتي وماليش غير اخت واحدة والباقي صبيان وكل واحد ملهي بحياتة الخاصة هاتقوليلي فين اولاادك لقية مع اولاادك اولاادى حبهم شيء والي انا اقصدة شيء تاني انا نقصني حب تاني حب من نوع تاني حب الراجل للست نفسي القي راجل يحبني لنفسي ويخاف علية يشاركني افراحي واحزاني بعد وفاة زوجي عم اولاادى قالي اتجوزك ولقيت معاة الي نقصني ولقيتة نسخة من زوجي الا في حاجة واحدة في اخلاقة وبعد كدا تخلا عني بسبب زوجتة ونساني هوة بقية عائلة زوجي وتخلوا حتي عن اولااد اخيهم اولاادى هايتجوزا ويسبوني لوحدى وهايبقي ليهم حياتهم الخاصة ومن دلوقتي باليهم حياتهم الخاصة مابالك لما يتجوزوا بالله عليكم حد يقولي اعمل اية

[ريتا ميشيل]

دى ولاده ياعسل

انا لمدام نورا انا مش عارفه اقولك ايه

[ام ايفان]

دي ولادة اكيد..ومش شرط ينزل دم
انصحك انك تروحي للدكتورة باسرع وقت..ربنا يسهلك
اقراءي سورة مريم لتسهيل الولادة
يارب تقومي بالسلامة

[Marwa Esmael]

الولاده بيكون معاها طلق انقباضات في الرحم يعتي وجع في اسفل البطن مع تسميع في الظهر وبيزيد بالتدريج ونزول الميه اول علامه وطالما الميه بتنزل كتير لازم تستلقي علي ظهرك علشان ماتنزلش كلها لانها مهمه ساعة الولاده بتسهل خروج البيبي وبتطهر المهبل استلقي علي ظهرك لحد ما حد يوديكي المستشفي وربنا يقومك بالسلامه وابقي طمنينا عليكي

[نور ام بسملة]

هبهوب دة ولادة ياحبيبتى حصلى كدة مع بسملة وولدتها بعد اربع ا وخمس ساعات ربنا معاكى هندعيلك وافتكرينا بالدعاء اما بخصوص مدام نور استعينى بالله وعندك ابنك الصغير فهو محتاجك جدا فى هذا السن الخطر فضى دماغك لية والله هو المستعان

[fishs]

ربنا يقومك بالسلامة ياهبة وتطمنينا عليكي اعتقد لو كنت في حالة ولادة يبق البيبي زمانه شرف ونور الدنيا ربنا يسهللك وطمنينا بسرعة

[onenoga]

متهيأ لى ياهبة طالما مارديتيش يبقى أكيد البيبى شرف حمد الله على السلامة ربنا يخليه لك ويبارك لك فيه ويجعله لك ذرية صالحة يارب
طمنيييييييييييييييييييييييييييييينى

[أم مهند الطيوبة]

مبروك ياهبة ربنا يجيب البيبى بالسلامة

[مصراويه]

طمنينا عليكى يا هبه وعلى النونو
يارب قومها بالسلامه هى والمولود.

[شرين عمر]

طالما مارديتيش يبقى أكيد البيبى وصل بسلامة ان شاء اللة

[القطه]

يا رب يا هبه تكونى قمتى بالسلامه
وتعالى قوليلنا نعملك السبوع الفتوكاتى يا قمر
ربنا يطمنا عليكى يا حبيبتى

[أم مريم]

ربنا يقومك بالسلامه

وبالنسبه لمدام نورا متدوريش على الحب مش هتلاقيه سيبيه لما ييجى لوحده و اهتمى انتى بس بجواز ابنك و بنتك و ربى ابنك الصغير و لو ليكى نصيب فى اى حاجة ربنا هيبعتهالك لحد عندك

و ربنا يصبرك و يعينك