[ضى القناديل]

انا عاوزة ااقلوكوا على حاجة محيرانى جدا
اولاً : لية كل واحدة تتخطب غالباً طبعا تخبى خبر خطوبتها على كل اصدقائها
واغلب اصحابى اتصلوا بيا وقالولى نفس الجملة احنا اتخطبنا الاسبوع اللى فات
هل دة مطلوب ؟
ولة هى مثلا مش عارفة اد اية الضررالنفسى اللى هى بتسببة لكل واحدة لمجرد انها تعرفها وانهما المفروض اصدقاء واداية الضرر نفسى جدا على اى بنت لسة النصيب مجالهاش
يعنى هى لما تخبى الخبر خلاص كدة ضمنته

اذا اعجبك الموضوع و اردت نشره في المنتديات الاخرى فاستخدمي هذا الرابط:
حاجة محيرانى
http://forums.fatakat.com/thread50997

[toto s]

انا مش فاهمه عليكي يا ضي القناديل
انت قصدك انو الصاحبه تخبي على صاحبتها انها تخطبت عشان تخاف منها تا خده منها او خايفه من عينيها انها تحسدها عليه

[ضى القناديل]

انا ااقصد انى اغلب البنات بقوا يخبوا الخطوبة
طبعا من العين
وكمان انا اللى كنت بسأل
كدة يصح؟
وشكرا ليكى ياجميل

[toto s]

طبعا لا يا ضي القناديل
انا بعتبر اللي بتعمل هيك شي بتكون جاهله وسطحيه وما بتقدر الصداقه

وعلى فكره في عندنا مثل بس ناسيه كيف حرفيا بس بمعنى انو اللي فيو شي عاطل بفكرو موجود بكل الناس
وهي اكيد حسوده وبتحب كل شي الها عشان هيك خبت هيك شغله عنك
مع انو من الطبيعي انك تفرحيلها عشان تخطبت صح؟؟

[pinky]

حبيبتي هي مش بتبقا كده هي بس ممكن الخطوبه تكون جت فجأه

او بتكون عائليه فا بتتحرج تقول لاصحابها لانه هتتكسف تقولهم دي عائليه ومينفعش تيجو
بس ده ميمنعش ان في بنات بتخاف لاصحابها يحسدوها

وان شاء الله ربنا ييسر الحال لبنات اللي لسه نصيبها مجاش ويزقهم بالزوج الصالح

[ضى القناديل]

اوعى تكونى عملتى كدة
على فكرة مفيش اى مانع انها تقول انى الخطوبة عائلية عشان انا بتكلم لما تبقى الصديقة قريبة يعنى مش هاتزعل هاتفهم انى فعلا الخطوبة ع الضيق وبعدين هاتبركلها بعدين الاهم انا تكون بطريقة ظريفة
انتى عارفة يعنى انا اعز اصحابى عملت كدة معايا
وواحدة تانية حكتلى انها عملت مع اعز اصحابها موقف وحش جدا وهو انها استلفت منها فستان سوارية وقالتلها انها رايحة فرح وهو كان فرحها هى
وبعدين قالتلهم الحقيقة
مش عارفة لو كان حصل معايا كنت عملت اية
كفاية الضرر النفسى اللى هى سببتة بغباء شديد
وعايزة ااقول لتوتو الامورة من فلسطين لغتك جميلة جدا

[toto s]

شكرااااااا يا ضي القناديل

[ام سراج]

الرسول قال..عليه افضل الصلاه والسلام
(إستعينوا على قضاء حوائجكم بالكتمان)
يعني الواحده ماينفعش تقول..انا ح اتخطب..لأن ده بيبقى في علم الغيب..وممكن مايحصلش نصيب
وغالباً اهلها بيقولوا لها ماتقولش حاجه إلا لما الموضوع يتم..
وبرضه ماينفعش تعمل إعلان..
ومفيش مانع برضه ان العين علينا حق
يوم خطوبتي اول مره..كل الناس كانت عارفه وقرايبنا من البلد فيه ناس منهم جت وبعدين الحكايه باظت وهما بيقروا الفاتحه..وكان الموضوع ح يبوظ..طبعاً في تاني مره..ماكنش فيه حد يعرف الا بيتنا وبيت العريس..ومن اصحابي..مفيش حد كان يعرف إلا صاحبتي الانتيم..
باقي الناس عرفت مع الوقت...وبس

[mashmosha]

انا متفقة جدا مع ام سراج فى الكلام ده وكمان عايزة اضيف ساعات الواحدة بتبقى محرجة من اصحابها لان مش هيبقى فيه ليهم مكان يتعزموا فيه او لو الخطوبة هتبقى على الضيق وتسلمى يا قمر على طرح الموضوع

[ضى القناديل]

اللى بيعمل كدة فعلا بيقول الحديث ولكن لية لا يذكر الحديث الاخر لو اجتمعت الانس والجن
لانى كل شىء مكتوب فعلا
كمان انا صحبتى المفروض انها الانتيم خبت عليا وبردة الموضوع محصلش نصيب فية وكانت مخبية على باقى البنات كلهم
ومقلتيش رايك يام سراج فى البنت اللى ذكرتها مش دة تسبب اذى نفسى كتير لصحبتها اللى استلفت منها الفستان
وشكرا ليكى جدا

[pinky]

لا طبعا يا ضي القناديل انا معملتش كده بس انا هتكسف اقول لصحبتي متجيش عشان انا عملاها علي الضيق غير صحبتي الانتيم

وبعدين يعني اي بنت بيبقا ليها صحبها الانتيم مش بيزيدو عن اتنين ومفيش مانع انهم ييجو لكن مروحش اعزم صحابي كلهم وانا عملاها عائليه صعب

[mashmosha]

لا ياضى القناديل ده لو صحبتك الانتيم يبقى فيه كلام تانى
طيب انتوا كان فيه خلافات بينكوا او شد انا شايفاها حاجة غريبة فعلا لان مثلا انا وصاحبتى الانتيم كنا متابعين بعض فى كل حاجة من قبل مايشوفها جوزها لحد ما خلفت لازم فعلا تبحثى عن سبب ده لو هى فعلا انتمتك ومبتنفصلوش

[ضى القناديل]

هى فعلا انتمتى ولحد دلوقتى مش قادرة انسى الموقف دة
لانى كنت بتخطب وكنت بقلها على كل حاجة تتصورى
اما التانية فهى مش انتمتى
والحمدلله

[راهيف]

ضى القناديل متزعليش من صحبتك وحاولى تلتمسيلها عذر وعاتبيها وجايز تجدى عندها مبرر وأنا عارفه إن الموضوع صعب وخاصه لما تكون أصحاب أنتيم

[ام سراج]

مفيش مانع يا ضي اننا ناخد بالاسباب..يعني نسيبها على الله..وبرده نعمل اللي علينا
واتفق مع mashmosha وpinky الكلام ده على كل الناس..لكن صاحبتي الانتيم لأ..هي كانت بتبقى عارفه كل حاجه بالمواعيد..اي نعم ماكانش ينفع تحضر..لكن هي كانت فاهمه ده..
لكن إزاي صاحبتي الانتيم ومااقولهاش على خطوبتي؟ يبقى احنا مش انتيم..يبقى احنا حاجه تاني زمايل..معارف..لكن انتيم لأ..
وكله كوم واللي استلفت فستان سواريه علشان الفرح وطلع فرحها..سؤال معلش..هي ازاي كانت لابسه فستان سواريه عادي يوم فرحها؟ النقطه دي محيراني ومش فاهماها

[mrs_lolo]

ضي القناديل

اولا انتي عندك حق بس في نفس الوقت لاتهتمي

اني الي يعمل معي نفس الشي انا ايضا اعامله بنفس المعامله

انتي ايضا لاتقولي لها اسرارك بعد اليوم او قللي من ذلك

لان هذه الدنيا تجارب اكو مثل بالعراق انقوله هو عيش وشوف

تقبلي تحياتي