تنبيهات هامة:
اولا) اذا وصلتك اي رسالة خاصة من عضوة تعرض عليك الانضمام لمنتدى اخر فارسلي رسالة خاصة فيها اسم العضوة الى احدى المشرفات لايقاف سرقة العضوات، ايضا اذا وصلتك اي رسالة خاصة من عضوة تعرض عليك بضائع للبيع فارسليها الى احدى المشرفات.
ثانيا) تجاهلي اي موضوع يتكلم عن شحن الجوال ببلاش او وجود ثغرة في موبينيل او فودافون او اتصالات حيث انها تسرق رصيدك!
ثالثا) الرجاء عدم اضافة مواضيع عن الجرائم او الصور المفزعة او صور فيها نساء متبرجات او اغاني او انتقاص من قدر اي شخص.
انا عايزاها عنوان لموضوع عايزين نتفق علية واحنا داخلين على الشهر الكريم كل واحد مننا فى حاجة عارف انها هتغيظة قربت وطبعا مش عايزين نفتح الباب للشيطان والحاجات دى كتير عايزين الى عارف انة هيتخانق بسسبب الحاجة دية يكتب لنا وكلنا هنقف جنبة وهنصبرة بالكلام الحسن ومن الحاجات دى مثلا مشكلة صلاة التراويح الى كتير مننا نفسها تنزل تصليها بس العيال وهو مش موافق واول يوم رمضان هيكون فين والى متخانق مع اهلة واصحابة وعايز زقة تشجعة وغيرةوكل الحاجات دى الى لها ميعاد بس الى عندة المشكلة يكتبها باللون اللحمر والنصيحة تبقى بالاسود علشان يسهل علينا معرفة الى عندة مشكلة ولو الموضوع معاجبكوش قولولى ومش هزعل
انا هبدأ انا مشكلتى انى على طول فى مشاكل مع حماتى وكل ماتغاز منها والله مابرد عليها بس لازم احكى لحد احسان اطرشأ وانا بصراحة مستحرمة الغيبة دية ومش عارفة ابطله
لا والله حلو موضوع بالالوان ربنا يهدى لك حماتك شوفى عامليها باللين وبراحه اعتبريها زى والدتك
انا بقى اللى غايظنى انى بافطم ابنى وتاعبنى وان تعبانه اوى
عندك حل ولا مش حتصبرينى كتبت لكى بالخضر اه لا بالاحمر
موضوع فكرته حلوه اوي
احييكي عليها
انا رأيي ان لو كل زوجه عاملت حماتها علي انها امها يعني مهما اتعصبت عليها او حتي غلطت فيها لازم تستحملها و تصبر عليها علشان ماتكونش ابنه عاقه..
بيتهيألي ان مش هيكون في مشاكل اوعلي الاقل المشاكل هتقل كتيييييييير
ومش بس كده لأ احاول احسن علاقتي واتقرب منها يعني بهديه ولو بسيطه..
ودايما ادعي ربنا واقول يا رب انت عالم اني بعمل كده عشان ارضي جوزي وبالتالي عشان ارضيك ف يا رب يسر لي امري وألف ما بين قلبي انا و حماتي..
وان شالله نكون معاكي في رمضان و تحاولي تقللي الغيبه
والله انا لسة مافطمتش ابنى بس معلش انا الى اعرفة اعملى كمادات مايا وربنا يصبرك
والله انا بعاملها ذى ماما بس هى الى معرفش مش بتحطنى مكان بنتها كل الى تنقضة فيا بتشجع بنتها علية
أصبرى يا أم مهند وأديكى تكسبى ثواب على حسابها .
معلش يا قمر هى فترة الفطام متعبه -- حاولى تلهيه بأى حاجه وكمان ما تقطعيش
مره واحده لازم يكون متعود على الأكل وشرب اللبن قبل ماينام --- وربنا يصبرك عليه.
بصى يامصراوية انا طبعا معنديش خبرة بالاولاد بس الى بسمعة ان لازم يكون فى حافز لهم يعنى يبقى علرف انة لو ذاكر انتى هتعمليلوا حاجة حلوة هتجبيلوا حاجة بيحبها مش شرط حاجات غالية دة ممكن يكون شيكولاتة
وشوفى الى بيجيب معاة نتيجة اية الخصام ولا التهزيأولا الضرب وبصراحة الله يكون فى عونك بس معلش
ربنا يجزيكم خير يا حبايبى هو خلاص عنده سنتين الا شهر وانا مليت منه من زمان بس قلت الدلوعه عندى اتنين قبل ولانى كنت جبت اخواته ورا بعض حطيت جهاز وقلت خليه ياخد راحته مش زى اخواته بس المشكله انا كنت تعبانه اوى اوى وبعدين باه احسن حاجه قصدى المصيبه انى كنت مكتره او من السوايل بس الحمد لله احسن من امابرح كنت خلاص
ربنا يجزيكم كل خير
فعلا يا مصراويه يا حبيبتى لازم انتى تشجعيه مثلا يوم فى الاسبوع فى النادى او حاجه حلوه بيحبها ولازم يعرف انه له حقوق وعليه واجبات يعنى لو مش ادى واجباته فهميه مالوش حقوق
عسلامة ام مهند موضوع ممتاز و عجبني برشا برشا و يعطيك الف صحة
بالنسبة لي انا ليس لديا حماة اصلي لس ما اتزوجت و بالفعل في كثير من الاخوات بشكون من مشاكلهم مع الحماة بس انا اشوف انه الحل الوحيد لمعاملة الحماة هو السكوت و عدم الدخول في نقاش او اي كلام لانه سوف يرجع بالمشاكل و بتنغيص الحياة هذه الطريقة تطبقها اختي مع حماتها منذ ان تزوجت لان في بداية الزواج عاشت الكثير من المشاكل معها و اصبحت هذه المشاكل تنغص عليها حياتها استعملت الكثير من الطرق لكن الطريقة الناجحة هي السكوت و عدم الخوض في النقاش الكلام معها في الحدود الحدود و هيك ربحت صحتها و هربت من التنرفيز و في نفس الوقت تعيش متهنية مع زوجها
بالنسبة لحكاية الفطام انا لا افيدكم فيها ههههههههههه
و كل عام و انت بخير و تصيموا و تصحوا بالهناء
انا موقفين بيغظينو
الموقف الاولاني
المسجد اللى متعودة اصلى فيه مسجد كبير واخد ناصيتن المهم بيبقى فى اول يوم او اول يومين بيبقى مليان على اخره حتى الحديقة بتاعة المسجد والرصيف مفروش عليه سجاد والمصلين بيصلوا وتمام التمام وبعدين بيبتدوا يقلوا المصلين حبه حبه يجو يوم ليلة 26 رمضان يملوا المسجد سبحان الله
الموقف التانى
فى المسجد قبل اقامة الصلاة كل واحدة تيجي وتحجز لوحدة تقعد جانبها بتبقى حاجة تعصب وتجيب الضغط حتى فى اية فى القران بما معناه اذا قيل لكم افسحوا فى المجالس سبحان الله هقول اية بس
الحل من وجهة نظري
عبادة ربنا من المفروض طول السنة مش فى رمضان بس وكمان كلنا عارفين انه شهر القرآن والعبادة فى من المفروض تبقى طول الشهر مش بنختار ايام وايام
الحل لتانى موقف الناس توسع لبعضها فى المسجد وبعدين الوسع فى القلوب وكل سنة وانتو طيبين
انا هبدأ انا مشكلتى انى على طول فى مشاكل مع حماتى وكل ماتغاز منها والله مابرد عليها بس لازم احكى لحد احسان اطرشأ وانا بصراحة مستحرمة الغيبة دية ومش عارفة ابطله
انا اللى مشكلتى مش عرفه اعمل اه مع مرات اخو جوزى تعبانى جدا جدا بتكرهنى ومش عايزة تشفنى قدمها لاسباب اقسم باالله العظيم مالى ذنب فيها الاسباب ده هى اولا انا ولدى وولدتى متوفين وانا احصل على ميراثى على شكل راتب شهرى ثابت ثانيا خريجه ازهر شعبه شريعه ثالثا حبانى الله قدر من الجمال ومن اجل ذلك وارضاء لله ارتديت النقاب رابعا رزقنى الله بعد عناء مع الاطباءبولدين تؤم والحمد لله وزوجا بارك الله فيه ام هى من بيت فقيرجدا لم تلتحق باالمدرسه اصلا لظروف اهلها الماديه وهذه اكبر نقطه تصادم بيننا لاننا نسكن في طابقين متتلين وهى متوسطه الجمال ولقد رزقها الله ببنتين وهى تريدالولد لهذه الاسباب تحقد على قربت كتير منها لتفادىالمشاكل ووقفت معاها فى كل اذمتها اغمرتها باالهدايا لها ولابنتيها لاكسب رضاها ولاجدوا ابعد واقلل الاحتكاك بها تفتعل المشا كل معى وتتصيد الاخطاء جميع ما فى البيت يعترفون انها معقد ومريضه نفسينا بالله عليكم دلونى ماذا افعل معها ارجو من ذوات الخبره الافادة جزاكى الله كل خير ياصاحبت الفكره
اولا شكرا ياام مهند على الموضوع الحلو ولو اننا اتعودنا على مواضيعك الحلوة...
بالنسبة لك يا منال مشكلتك سهلة مادام ماتعيش معاك حاولي الابتعاد عنها قدر الامكان وخلي علاقتكم تكون رسمية يعني جامليها في الافراح والاتراح وبس وقفلي بابك وحتى لو اي حد جاب سيرتهة قدامك ماتسمعين صمي اذانك واتحاشيها وزي مابيقول المثل(الباب اللي تجيك منه الريح سدة واستريح)وانتي اشتري راحة بالك ..
اولا شكرا ياام مهند على الموضوع الحلو ولو اننا اتعودنا على مواضيعك الحلوة...
بالنسبة لك يا منال مشكلتك سهلة مادام ماتعيش معاك حاولي الابتعاد عنها قدر الامكان وخلي علاقتكم تكون رسمية يعني جامليها في الافراح والاتراح وبس وقفلي بابك وحتى لو اي حد جاب سيرتهة قدامك ماتسمعين صمي اذانك واتحاشيها وزي مابيقول المثل(الباب اللي تجيك منه الريح سدة واستريح)وانتي اشتري راحة بالك ..
شكراليكى ياام ايفانالجميله على المشاركه وابداء الرئى
