[bosycat0200]

انا بقى متغاظه من بنتى بقى عندها سنتين ومش عارفه ادخلها الحمام تعمل وبعدين عاوزه تغير مش بتقول قبلها لا بعدها
اما بالنسبه للفطام انا كنت متضايقه انتى هتتعبى حبه بس بالكتير 4 ايام وحاولى تلهى ابنك واكليه ولو عندك اطفال قريبين منك خليه يلعب معاهم معظم الوقت
اما بالنسبه للحما فمش كل حما تقدرى عليها فعامليها كام وفى الاخر هتكسبى انتى ثواب فى حاله زعلتك او اتراضيتم
ويا منال زيها زى الحما عمليها بالحسنى يمكن تتكسف على دمها وتتعدل

[monee_2020]

السلام عليكم
يا ماجى ربنا يهدى الناس والله حق تصدقى السنه اللى فاتت اعرف ناس كتير ما كانوش بيصلوا ايجه فى رمضان والاقى الشوارع مليانه والناس خارجه عن بكرة ابيها والله لما كنت باروح بيت بابا ومثلا يصادف وقت صلاه فى الايام العاديه مش بلاقى حد داخل الجامع انما فى رمضان بالله كنت ماشيه ومكسوفه من كتر الناس اللى رايحين مع بعض كلهم يصلوا تصدقى بالله حتى الفجر انى كنت باسمع صوت الناس من كترهم واحس بيهم انما بعد رمضان ربنا يهدى مش بتلاقى حد بيروح ناحية المسجد

[monee_2020]

والله يا جماعه بالنسبه للحما ربنا يهدى ما انا حمايا اعوذ بالله والمشكله كمان مرلت ابو جوزى كانت ملعلطاها اوى وتختلق المشاكل لو مفيش مشاكل انا خدت بعضى وعيالى وعلى بيتنا وماليش دعوه بحد وكل لما تلاقينى لوحدى طبعا حاكون مبسوطه بعيد عنها تقوم تحاول تدحلبنى تانى وانزل تحت ليها علشان توقع تانى وهكذا دواليك وانا فهمتها بالله فى رمضان اللى فات حاولت معايا انى انزل افطر معاهم بالله هو يوم وبالله دوشتنى لكنى عارفاها هى بتخطط ليه لان جوزى كان مسافر وكانت حتختلق لى الاخطاء وماشاء الله ابو جوزى ماشى مع التيار انا اشتريت دماغى وبابا قالى اياكى تنزلى تعالى عندى انا انتى مش ناقصة وبكلمتين حلوين سانكس بابا عازمنى معلشى اعذرونى داماما لوحدها مش هاقدر مش حاقدر اسيبها لانها عايزانى اساعدها طبعا هما بيدحلبونى وانا عارفه هما عايزين ايه
وكمان بالنسبه للحما المختصر المفيد يعنى حتى لو كنتى بتنزلى حتى تشتغلوا سوا انتى اعملى اللى عليكى وبلاااااااااااااااااااااش التطويل ولا القعد والنزول يبقى على قد الطلب وتطلعى وبلاش التدخل فى خصوصياتهم حتى لو اتكلموا قدامك وحتى لو وجهه نظرك صحيحه دى فى حاله لو مش بيتقبلوا منك نصيحه
اما بالنسبه لاخت الزوج فيه ناس بتكون مريضه فعلا والناس اللى زى دول ما بيتعدلوش ابدا الا بمشيئة الله يعنى احسن حاجه تعرفيها انها ليها حدود فى المعامله معاكى وتخلى بالك وتقصرى عنا خالص لو اديتيها حتقول بدها تعرفنى انها احسن منى وان مش اديتيها حاتقول بتترفع عنى والحمد لله انهم شايفين انها مريضه

بالنسبه لك يابوسى خلىيها تقعد على البوتى كل شويه وربنا يهدى ولما تعملها خليكى مخبيه حاجه حلوه ليها وربنا يهدى عندى ابنى برضه مش عارفه اخلص منه ازاى وهو فى سن بنتك ربنا يخليهم لنا ويبارك لنا عليهم اللهم امين

[أم مهند الطيوبة]

ازيكوا وحشتونى اوى
ماشاء الله غبت يومين لقيتكوا واخدين بالكوا من مشاكل بعض
مرسى ليكى مونى وصابرين على النصيحة

[أم مهند الطيوبة]

انا اللى مشكلتى مش عرفه اعمل اه مع مرات اخو جوزى تعبانى جدا جدا بتكرهنى ومش عايزة تشفنى قدمها لاسباب اقسم باالله العظيم مالى ذنب فيها الاسباب ده هى اولا انا ولدى وولدتى متوفين وانا احصل على ميراثى على شكل راتب شهرى ثابت ثانيا خريجه ازهر شعبه شريعه ثالثا حبانى الله قدر من الجمال ومن اجل ذلك وارضاء لله ارتديت النقاب رابعا رزقنى الله بعد عناء مع الاطباءبولدين تؤم والحمد لله وزوجا بارك الله فيه ام هى من بيت فقيرجدا لم تلتحق باالمدرسه اصلا لظروف اهلها الماديه وهذه اكبر نقطه تصادم بيننا لاننا نسكن في طابقين متتلين وهى متوسطه الجمال ولقد رزقها الله ببنتين وهى تريدالولد لهذه الاسباب تحقد على قربت كتير منها لتفادىالمشاكل ووقفت معاها فى كل اذمتها اغمرتها باالهدايا لها ولابنتيها لاكسب رضاها ولاجدوا ابعد واقلل الاحتكاك بها تفتعل المشا كل معى وتتصيد الاخطاء جميع ما فى البيت يعترفون انها معقد ومريضه نفسينا بالله عليكم دلونى ماذا افعل معها ارجو من ذوات الخبره الافادة جزاكى الله كل خير ياصاحبت الفكره

بصى ياحبيبتى احسن حاجة تعمليها معاملة قليلة حسب الظروف واهم حاجة جوزك مايتأثرش بالموضوع دة هو واخوة وخلى حد من البيت يصحصحها ويفهمها ان دة غلط وربنا يهديها ويكفيكى شرها

[أم مهند الطيوبة]

انا بقى متغاظه من بنتى بقى عندها سنتين ومش عارفه ادخلها الحمام تعمل وبعدين عاوزه تغير مش بتقول قبلها لا بعدها
اما بالنسبه للفطام انا كنت متضايقه انتى هتتعبى حبه بس بالكتير 4 ايام وحاولى تلهى ابنك واكليه ولو عندك اطفال قريبين منك خليه يلعب معاهم معظم الوقت
اما بالنسبه للحما فمش كل حما تقدرى عليها فعامليها كام وفى الاخر هتكسبى انتى ثواب فى حاله زعلتك او اتراضيتم
ويا منال زيها زى الحما عمليها بالحسنى يمكن تتكسف على دمها وتتعدل

بصى يابوسى حاولى تجيبلها قاعة التواليت انا ابنى مش بيرضى يقعد على البوتى لما جبتلة القاعدة اعد عليها علشان يقلدنا وواحدة واحدة ان شاء اللة ترتاحى
انا ابنى بيقعد بس مش بيرضى يعمل فى التواليت اول ماينزل يعمل وبرضة مش بيقول حاجة خالص

[أم مهند الطيوبة]

شكرا يا مونى على النصيحة والتفاعل

[أم مهند الطيوبة]

انا مشكلتى زيك بالظبط يا ام مهند

ربنا يهديلك الحال ياام لوجى وملك ميسعناش غير الدعاء والاحتساب عند الله

[أم مهند الطيوبة]

مرسى توتو وام ايفان على الكلام الحلو دة وشكرا لتفاعلك منال

[نور التقى]

شوفي يا مصراويةأنا لية الرأي في الموضوع ده مش عارفة يناسبك ولا لأ
في الحقيقة كل الناس صفاتهم واحدة فنحن نعلم أن المرغوب ممنوع اشعريه بطريقة أو بأخرى أنه مش لازم يذاكر وان الموضوع ده مش مسببلك أي مشكلة واه لما يذاكر مش حينفعك بحاجة وحاولي تتجاهليه من فترة لأخرى يعني حفزيه مرة بس مش بطريقة مباشرة ومرة تانية عاقيه وكل اما تشوفيه قايم من ع المذاكرة شغليه في حاجة هو مش بيحبها ولما تشوفيه بيذاكر اعمليله المشروبات اللي هو بيحبها
وربنا يقويكي ياجميل

[اخت فى الله_LM]

بالنسبه للمزكره ياجماعه
المفروض كل ام تخلى يوم ترفيه مكافاه للمزكره طول الاسبوع والى مش هيزاكر مش هيتفسح
يعنى مبداالثواب والعقاب
تحاولوا تستعملوه معاهم والله انا اخويا مطلع عيني
لانى انا اتبر مامته مش اخته عشان فرق السن كبيييير
بس بحاول استخدم الاسلوب ده معاه
بجرب فيه
ههههههههههههه
بس بيجيب نتيجه والله
الحمدلله
وبالنسبه لموضوع الحما
ياجماعه ......
ليه منكسبش رضاها ونخليها تدعى لنا كده شويه
يعنى مثلا هى زعلانه منك ومش عجبها فيكى حاجه
قوسليلها ماشى
واكسفيها بهديه
وبوسيها على طول واقعدى جمبها
كده يعنى
اضحكوا عليها ياجماعه
هههههههههههه
ماهو احنا لما بنعوز حاجه من ماما ولا من بابا بنعمل كده
نبوسهم ونكلمهم حلو
كده يعنى
هههههههههههههههه
يعنى سايسيها ومتنسيش انها برده كبيره سنا
يعنى اكيد تعبانه صحيا وكده
معلش استحمليها وتعالى ع نفسك عشان جوزك
والله هيطيربيكى ف السما
وياستى لو بتقولك ع حاجه غلط وتقول لبنتها عليها صح
معلش اعتبريها مبقلش حاجه
تعرفوا والله انتم بس اصبروا وادعوا لهم وحاولو تعاملوهم زى الاطفال
يعنى لو عندك طفل يبقوا 3
حماتك وابنك وجوزك
عادى يعنى
وربنا المستعان
وميرسى ع الموضوع الجميل ده
انا بقى مشكلتى ان بابا رااااااااااااااااافض انى اتجوز خالص
لانه بيعشقنى
ومش عرفه اعمل فيه ايه
مش ماجل الفكره لا
راافض
وسيره الجواز عنده دى اكنى قلتله فى حدهيخطفنى مش هيجوزنى
هههههههههههههههه
يلا الى يشوف مشاكل غيره تهون عليه مشكلته
وميرسى ياجماعه ليكم
اختكم/لميس

[fairy princess]

انتى لسه طيبة يا لميس...وعلى نياتك
انا ياما بوست وجبت هدايا ...وياما اتمحكت وياما وياما
لكن بتلاقى تانى يوم قلبو عليكى وعلى اتفه الاسباب
فاحسن حاجة فعلا ...ومريحانى ..التقليل من الاختلاط
وماحدش يتحشر فى حياتى ولا انا اتحشر فى حد
وفى المجاملات بعمل اللى عليا والمهم الولاد يسالو عليهم ودايما يشوفوهم بخير
لكن تقولى بقى اقعد جمبها ....و ابوسها....على مين يا ماما
بكرة تشوفى

وفكرتك حلوة يا ام مهند....كالعادة

[fairy princess]

وبيتهيالى كده ان مشكلتك فى الجواز هاتتحل لما يجيلك
عريس مايبعدكيش عن اهلك...ويبقى عارف انهم معتمدين عليكى
وياريت لو كان عنده شقه قريبة من بيتكم
علشان باباكى مايحسش انك بعدتى
ان شاء الله نفرح بيكى قريب

[دينا الحصري]

شكرا يا قمر على موضوعك
وفكرتة حلوة جدا
انا بقى مشاكلي كلها مع خطيبي
انا تقريبا متعوسة يا بنات
حصل موضوع كدة في اول يوم رمضان انا مش هعرف احكيه
تخيلوا يا بنات
ولا سؤال ولا اتصال ولا اي حاجة من اول يوم رمضان
وكمان و تعبت وجالي هبوط حاد في الدورة الدموية وكنت بموت والله العظيم
وهو لاااااا يعرف اي حاجة ولا سأل عني
وهو والله ما كان يتحمل زعلي يوم واحد
مش عارفة اية اللي غيرة
مش عارفة هو بيعمل كدة لية
والله ما كان كدة
بس هو نوعة من الولاد اللي هما لو سمعوا كلمة او نصيحة ينفذوها
يعني(ودني) ممكن يكون سمع من حد انة يعمل كدة
بس بقول ازاي بيعمل كدة وازاي بيحبني...اللي بيحب بجد عمره مايهون علية ما يسأل في حبيبتة كدة!!!
انا ترددت كتير اوي اني اتكلم واقولكم على الموضوع دة يا بنات
وكنت هاعملة موضوع فعلا
ارجوكم ادعولي
وافيدوني
توقعاتكم كدة هو بيعمل كدة لية
ولا يمكن يكون في بنت تانية في حياتة
والله اعلم بقى
ساعدوني يا بنات ارجوكم

[yostina]

دينا .. انا عندى راى فى مشكلتك
احسن حاجه هى المواجهه لازم تساليه هو شخصيا وتعرفى السبب وبعدها تحددى موقفك معاه
احب اقولك على معلومه مهمه وعن خبره اللى يحب حد مش ممكن يقدر على بعده مهما كانت الاسباب وانت بتقولى انه لم يسال من اول رمضان ..ده وقت طويل جدا على واحد بيحب
ارجوانك تواجهيه وتطلبى منه الاجابه بوضوح وصراحه وتكونى حازمه فى قرارك معاه..حتى لو كان حد مسك ودانه لدرجه انه لا يسال عنك ..ده فى حد ذاته عيب كبييييرلا يمكن معالجته
اعتذر ان كان ردى قاسى بعض الشىء ولكن فى هذه المواضيع لا يمكن التهاون اوالتنازل
ارجو انك تطمنينى عنك ولو على الخاص لانى حاسه انك تعبانه ومدمره جدا

[ام سراج]

ازيك يا دينا
بصراحه كان الله في عونك..ايام خطوبتي لما كان يغيب يوم ..كان مخي يبقى ح يتفرتك من التفكير...لكن نتفق على كام نقطه..
- لو انت اللي غلطانه في الموضوع ده..ماتستنيش انه هو اللي ييجي يصالحك..ولازم تبدأي انت بالصلح
-موضوع انه بيعرف بنت تانيه...مش بالبساطه دي..يعني ده دخل بيتكم واتفق مع اهلك وخطبك..لو نفسه يعرف واحده تانيه ولا تالته..ربط نفسه معاكي ليه بالخطوبه؟
من النقطه دي ماتخافيش..المواضيع دي مش بتخلص بالساهل وخصوصاً لو كان فيه حب بين الطرفين..مش خطوبه تقليديه
-لو هو ودني..يبقى لازم انتي تحاصري ودانه..وتسيطري عليه بحيث يثق فيكي ثقه مطلقه..ويعرف ان محدش يعرفك ويعرف اللي بينكم احسن منه..وبالتالي..بلاش يسمع لحد..ويعتمد على معرفته هو بيكي في قرار ياخذه
-حتى لو مكنتيش انت الغلطانه..لكن فاتت كل المده دي..ماتسكتيش اكتر من كده..وكلميه انتي..بحجه انك بتسألي عليه رغم انك واخده على خاطرك منه..وانك حبيتي تطمني وماتقدريش تبقي طول الفتره دي مش عارفه عنه حاجه..لأنه حبيبك وغالي عليكي..وكان المفروض هو يعمل كده..حتى لو زعلان يتصل يطمن بس..يمكن تكوني عيانه..وقولي له انك كنت عيانه وكنت محتاجاه جمبك..يعني شويه كلام بناتي من اياهم...على فكره فيه رجاله لما تسيبيها..وتعملي زعلانه..تسيبك تتفلقي..انا جوزي من النوعيه دي..لدرجه مره قعدنا اسبوع..وكان لينا شهرين بس متجوزين..ماكنش بيكلمني نهائي إلا قدام الناس..غير كده ماينطقش كلمه...وماخلصش الموقف الا لما رميت عليه مخده من كتر غيظي..وقلت له انا زهقت من الزعل..صالحني بأه...قعد يضحك والحمدلله خلص الموضوع..
من يومها اتعودت ..اني ما اعملش زعلانه وابعد..لأنه بيسيبني اتفلق
ربنا يصلح حالك..يارب اكون افدتك

[دينا الحصري]

ربنا يكرمك يا يوستينا
كلامك مظبوط يا حبيبتي
بس عارفة
انا لو غلطانة كان زماني اتصلت بيه وقولتلة ليه الغيبة الطويلة دي
انما اقسم بالله العظيم دة هو اللي غلطان والغلط راكبة من ساسة لراسه زي ما بيقولوا
عشان كدة ماقدرش اتصل بيه
كرامتي وكبريائي مانعني جدا بصراحة
ورأي ماما واخواتي كدة
مش عارفة اعمل اية

[دينا الحصري]

حبيبتي ام سراج
ربنا يكرمك ويجازيكي كل خير يا رب
بس انا قولت ليوستينا
انا والله ما غلط في حاجة دة انتو لو عرفتوا موضوعي ها تتجننوا

[yostina]

اوكى دينا ..اناكده فهمت انك مش غلطانه ..وانه كرامتك تمنعك تتصلى بيه..لكن المده طولت واصبح لازم حل جذرى لا يقبل النقاش ..يعنى لازم تعرفى راسك من رجليك ..وانا مع ام سراج ان الراجل ممكن يسوق فيها وبعض الرجال لا يقوى على المواحهه رغم قوة شخصيته .. واذا كان الموقف اللى بنكم انت اكيد مش غلطانه فيه ..يبقى لازم تقفى مع نفسك وتحددى موقفك منه مع نفسك بوضوح .. اظن عدم غلطك فى الموضوع ادعى انك تعيدى التفكير فى الامر كله
اعتذر مره اخرى .. ولكن انا حاسه بيك قوى وعايزه انك ترتاحى