[coca]

انا عندى مشكلة مش عارفة اعمل فيها اية بس تعبانى اوى هى انى متجوزة بقالى 7 شهور دلوقتى وحامل و الحمدلله بس المشكلة انى لحد دلوقتى بتكسف اوى من جوزى ومش بعرف اعمل زى العرايس يعنى بتكسف البس قميص قدامة وساعات كتير هو بيطلب منى البس و ببقى مطرة بس مش عارفة ببقى مكسوفة اوى ومش عارفة اعمل اية فى الموضوع دة حتى ساعة الجماع لما احس انة عايز حاجة ممكن اعمل اى حاجة علشان اهرب من الموضوع دة مش عارفة اعمل اية انا خايفة يزهق منى و يفكر يتجوز علية انا بحبة والهى يا جماعة بس مش عارفة لية بتكسف منة ،،،،،، ساعدونى وقولولى ردود اقدر احل مشكلتى ،،،،،

[annos]

هو اية الحكاية كل الستات بتبعت مشاكل انها بتتكسف معقول دى حتى البنات دلوقتى بقوا متفتحين اكتر وساعات بحس ان مفيش حد لسة بيكسف
بس ياجميل انتى بقاللك كتير متجوزة لية شايفة ان الموضوع واجب تؤدية
انسى الافكار اللى اتربينا عليها انك ممكن تنزلى فى نظرة او يحس انك قليلة الادب كل دة مش صحيح بالعكس الزوج يحب الزوجة المتفاعلة معاة باحساس حقيقى
وانت لسة فى مرحلة الكسوف دى بدل ما تفكرى ازاى انت تثيرية وتخلقى جو من التجدد بنكم فى العلاقة الحميمة زى اوضاع جديدة او كلام او عبارات بنكم
واوعى تقولى مكسوفة لان مش انت بس اللى بتعملى كدة دى كل الستات بيعملوا كدة وانت اللى غيرهم يعنى غير الوضع الطبيعى
كمان انت لسة مش عندك اولاد لازم تكونى لابسة قمصان نوم دايما فى بيتك مادام مفيش اللى يمنعك مش تلبسى بالطلب دى كلام
اتعلمى ازاى تكونى انثى وكونى معة عشيقة وليست زوجة وام العيال بدل مايروح يشوف حبيبة بارة

[دلوعة زوجها]

انتي لازمك تتعودي عليه أكتر و تقعدي معه وقت أكبر تتحدثي انتي وهو وتتناقشو بمواضيعكن المشكلة
وهادا الحياء مطلوب للزوجة وهو نوع من الجمال كمان
خليكي جريئة وخلي زوجك أقرب إلك من أي شخص تاني .. وقوليله إله عن مشكلتك هي معه .. واتركي الباقي عليه

[أم لوجى و ملك]

لا يا حبيبتى طبعا انت غلطانه جدا
اوعى تتكسفى من زوجك لانه هيكره ده حاولى تتعودى عليه ومادام انتى بتحبيه يبقى اكيد لازم تحاولى ترضيه عشان بالشكل ده هيزهق منك
وبالنسبه لموضوع الجماع ممكن يكون النور مطفى او يكون ضوء خفيف ده بيسهل الخجل صدقينى عن تجربه
وربنا يوفقك ويسعدك

[ام الاء]

والله انا نفسى اشوف واحده تكسف من جوزها بذات الزمن ده الوحشى

[coca]

انا ححاول بس انتوا ادعولى انا خيفة افشل و يفكر فى غيرى بس انا مش بشوفة كتير هو الجمعة الى بشوفة فية كتير لكن باقى الايام بيرجع متأخر من الشغل

[اسيره الحزن]

معقول يا اختي في حد بيخجل ما اعتقد ابدا حتي البنات الا في الكافوله مش ممكن يخجلو بس ممكن زوجك مش مشمشجعك لانه هو الاساس المهم انتي ابدي ولاتحطي الكسوف في بالك وحس انه في حاجه بدك تعمليه عا لطول اعمليه بدون تفكير ومره عن مره هتتعودي والله يهنيك ويرزقك بالذريه الصالحه

[coca]

انا بجد ححاول و حقولكم اية الى حصل بس انتوا ادعولى علشان انا خايفة افشل انا بشكركم على مساعدتكم ،،،،

[دلوعة زوجها]

أحلى شي..
يعني أنا ما بفهم كيف وحدة بتقول (أنا بتكسف من جوزي)
حبيبتي المفروض إنه زوجك هو أقرب شخص إلك وهو الوحيد اللي ما بتتكسفي منه
بتتكسفي من شو بالضبط ..من شكلك ..
ولا عندك عاهة ما (لا سمح الله) بجسمك بتتكسفي يشوفها
ولا كيف بالضبط .. ولا يبدو بتتكسفي من تقصيره تجاهه
لا تزعلي من قسوة كلامي .. عمبحكيه لصالحك ومنشانك

أنا ما بيدخل براسي موضوع "بتكسف من جوزي"

بعد 7 شهور زواج لازم تكوني تعودتي عليه وأحلى شي (ما بشوفه كتير لأن بيجي متأخر عالبيت)
سألتي حالك ليش بيجي متأخر عالبيت و بقلك كان عندي شغل؟؟ الله يستر ما يكون في امرأة تانية بحياته
لازم تخليه يتشوق يجي عالبيت و ما يسدّق إيمتى يخلص شغل ليجي عالبيت

راجعي موضوع وصفات الدلع في مفضلة دلوعة زوجها بقسم معاملة الأزواج
حتى لو ما شاركتي أو ما أبديتي رأي حاولي تطبقي .. وشوفي النتيجة

بس ياريت تخبريني شو صار

مع كل الحب

[جيهان السيد]

اختى الحبيبه اتا كان عندى نفس المشكله من قبل ولكن مع الوقت والعشره انتهى كل شىء مع الاحتفاظ ببعض الحياء فانه زينه للمراه

[amira elkiki]

يا حبيبتى الغالية ضعى فى نيتك ان كل متفعليه لارضاء زوجك هو لوجه الله تعالى فقط واستعينى بالله بصدق واخلاص ستجدى نفسك وقد تغير حالك على ان تستعينى بالله بصدق

[coca]

شكرا لكل الى رد علية بس بجد الناس الى مش مصدقة موضوع انى بتكسف دة والهى بجد انى بتكسف اوى على فكرة جوزى كمان ملاحظ موضوع الكسوف دة بس انا والهى بحاول بس عرفين انا ساعات بقول دة من سبب التربية انى كمان محدش قالى اى حاجة قبل الجواز انا معرفتش اى حاجة الا من جوزى هو الى فهمنى و انا حطة فى دماغى ان الموضيع دى عيب و حرام يمكن دة السبب ،،،،،،،،،

[ام مهند]

حبيبتي كوكا
انا مش هضيف اكتر من اللي قالوه الاخوات
فقط استعيني بالله وجددي نيتك واعلمي ان ده كله طاعه لله
ده في حديث عن الرسول وان كنت مش فاكره نصه ولكن فيما معناه
ان وقوفك امام المرأه تتزيينين لزوجك عباده وطاعه تأخذي عليها الاجر
وربنا يساعدك وبعدين لما يرجع متأخر تقربي منه مش تسبيه ينام كده بحجه انه تعبان
الله يسعد قلبكما يارب

[coca]

هو لما بيتأخر بيبقى فى الشغل بس انا بكون تعبت طول اليوم هو بيجى على الغدا بس الصراحة عمرة ما جية و لقانى حطة حاجة فى وجهى ولا لبسة قميص ولا الكلام دة ساعات بحس انة بيزعل من دة مش عارفة ،،،،،،،،

[ام مهند]

طب وده يرضي مين
ده انتي لسه في بدايه حياتك ولسه وقت البهدله لم يحن بعد
غيري من نفسك ياحبيبتي واقرئي موضوع انزعي ملابسك في معامله الازواج ويارب تستفيدي منه ويغير من خجلك

ربنا يهديك ياقمر
ا

[roro soso]

لا لا ياحبيبتي أنت لازلت في بداية المشوار فلا أحمد ولا محمد
فلسة كما قالت أم مهند على البهدلة فبالعكس الزوج يحب أن يرى زوجته كما يحب هو .....تحركي وتزيني واعملي كل ما في جهدك ....وصدقين سيحبك أكثر فأكثر وحاولي التقرب منه والتحدث اليه ...............فالمرأة لما تريد شيئا تصل اليه مهما كان الثمن.

[coca]

انا بشكركم كلكم على انكم بتحولو تساعدونى مش عارفة اقولكم اية بس والهى انا حبدأ فى التغير ولو حسيت بالكسوف حضغط على نفسى ،،،،،،،،،،

[annos]

بصى حبيبتى كل شى باولة صعب بعد كدة يبدا التعود علية
اعتبريها شكة دبوس

[coca]

شكرا يا انوس على المساعدة انا حبدأ من اليوم ،،،،،،،،،

[monee_2020]

شوفى يا جميل لو كان الموجوع ده عيب ولا حرام مكنتيش جيتى انتى ولا فعله الانبياء ولا ذكره الله فى القرآن ده شيطان بيضحك عليكى عايز يضيع فرحتك انتى مش بتشوفى البنات فى الشارع ماشيه ازى يعنى لما يكون مهدود حيله طول النهار ويشوف المناظر دى فى الشارع وبعد كده يرجع البيت عايز حد يمسح عنه اللى شافه طول النهار يرجع يلاقيكى مش مستعده له امال هو راجع ليكى ليه البسى يا حبيبتى وااتزينى وكونى زى الملكه لما يدخل عليكى ما تتكسفيش منه اذا كانت البنات بتطلع الشوارع بالمناظر اللى انتى شايفاها ومش مخجولين من الرجال الغير محارم وكل واحده نفسها تخطف لها واحد ولما يدخل ترحبى بيه او لما يدخل بطريقتك لان دى بتعمل عند الراجل انطباع حلو اوى وتكونى اخر شياكه ده حبيبك اللى ربنا محلله ليكى هو بس اسعديه ربنا يهدينا وادعيلى ربنا يجمعنى بزوجى على خير ان شاء الله ممكن 10 ايام او15 يوم بالكتير واكون ماشيه ادعى لى بالله عليكى ربنا يوفقنا واياكو بس بجد حتوحشونى كلكم ان شاء الله ندخل نت لما نسافر اكون معاكو