[don vito coreleone]

ال اخواتي الفتوكات؟
السلام عليكم
عندي سوال ارجو منكم الاجابة علية
ما الذي يفضح الرجال عند الوقوع في الحب (بمعني انة يريد الزواج)؟
مع العلم انة رجل متدين و ذو حياء( بالمناسبة هو مهندس يعمل بنفس الشركة التي اعمل بها و انا حاسسة انة يحبني ولكن هناك --- انا محتارة
ارجو الرد بسرعة

اذا اعجبك الموضوع و اردت نشره في المنتديات الاخرى فاستخدمي هذا الرابط:
ما الدي يفضح الحب عند الرجال ؟
http://forums.fatakat.com/thread51228

[don vito coreleone]

51 مشاهدة و مف يش رد واحد الحقيني يا فتكات

[yara79]

وضحى اكتر يا قمر وانا مريت تقريبا بتجربة زيها

[ريهام محمد]

طول ما انتي مدالة اي اهتمام ولو حتي بتقوليلو صباح الخير عمرة ماحيبان شيلية من دماغك وهو حيجيلك في ثانية اسمي كلامي اهميلي تماما وتجهلي وجودة التجاهل بيجانينهم اتقيلي يعني

[ام سراج]

اللي يفضح الحب عند الراجل؟
ولا اي شئ مؤكد...لأن الرجاله دول استاذه في التردد والتلكيك
انا ما اعرفش يعني ايه واحد بيحبني وخلاص...
اللي بيحبني...ييجي بيت بابا...هو ده الحاجه اللي ممكن تخليني اصدق انه بيحبني
by the way your name is lovely.....God father
i love that movie

[الوحيدة]

مش شرط على فكرة انه يبين فى ناس بتبقى تقيله اتقلى انتى كمان ومتساليش عنه وهو هيتكلم اكيد لو جاد فعلا هيتكلم بس لما يجى يكلمك انشاء الله اوعى تطنشيه لحسن يطير منك خالص وبعدين ههههههههههه واعرفى ان ربنا اى حاجة بيعملها بتبقى خير وانشاء الله ربنا يعملك كل حاجة خير باذن الله

[don vito coreleone]

شكرا لمروركم يارا -ريهام- وام سراج و الوحيدة وعلي فكرة هو اساسا من عندكم يا وحيدة من المحلة

[toto s]

والله مش عارفه شو ممكن تساوي
بس يمكن قصة التجاهل ممكن تخلي يتراجع خطوه لورا يعني لو كان متشجع انو ييجي ويقلك على اللي في قلبه ممكن يتراجع وميقلش اشي

[ماجي2008]

صورتك دية يا don vito coreleoneعشان هو لو طائر هيجيب لك غيره
هو اللى بيفضح الرجال نظراتهم اهتمامك بحد غيره او لو ابتسامتى فى وش حد تلاقى اتغير واقلب يعنى اشياء كده فعلا انا مع ام سراج البيت ثم البيت على الاقل هيعرفك حسن نيته

[الايمان777]

مش عارفه والله
الرجاله دول مختلفين عن بعض خالص

[semsem056]

انا راي انك متبينيش اي اهتمام بيه
وهو لو بيحبك هيجيلك لحد عندك واتقلي

[don vito coreleone]

انا شاكرة لمروركم الكريم ماجي و ايمان و سمسم وام سراج و الجميع ------
من خلال ردودكم اني المفروض اطنشة و اتقل شوية - اوك
بس انا بحس ساعات كدة من نظراته انة خلاص هينطق و يتكلم و بعدين يتراجع وميقلش حاجة . ساعات بحس انه خايف ياخد خطوة و ميطلعش ادها
انا اقصد اني اقول من النواحي المادية ........
ممكن يكون خايف انه ييجي البيت و يتفاجئ برفض من اهلي او من متطلبات الجواز في اليومين الهباب الي احنا عايشينهم دول.......طيب لو كانت
هي دي الاسباب اللي مخلياة عامل زي ابو الهول و ما بينطقش ..... اعمل اية
مش عارفة.... قطع الحب و سنينة

[دودش طة]

كلمى حد من صحابك الهما عارفين انك مش بتبصى لنواحى المادية اهم حاجة انة يكون انسان كويس ويخاف ربنا وانك عندك كذا وكذا وممكن تساعدى افتحى الباب فتحتين بس مش لية لحد يكون قريب منة ويوصلة الكلام بس يكون الحد دة من صاحبك البنات ثم يوصلوة لزملائة وبردة اقول ليك طنشية قوى قوى وبعد كدة اضحكى شد ورخى

[don vito coreleone]

شكرا يا دودوشطة علي مرورك و نصيحتك الغالية

[riheb00]

عمرك ماراح تكمشيه رغم انك متاكدة لانالرجال كلهم نفاق و كذب.

[ام اوس]

اليحب لازم يكون عنده قليل من الجراه حتى لو متدين الدين لا يمنع الحب او يحرمه البيت له باب والحليم بالاشاره يفهم

[don vito coreleone]

متشكرة جدا علي ردودكم و مساعدتكم انا بجد مش عارفة اشكركم ازاي
باركولي حبيبي خلاص اعترفلي بحبة و جه البيت و كلم بابا و ان شاء الله الخطوبة ها تكون رابع يوم العيد باركولي يا فتوكات