[Misses FaTi]

بنات انا عارفة ان اول مرة اكتب موضوع بس يارب ماتردونى خايبة

بجد اتدبست فى الكائن الصغير الى اسمة استاكوزا دة

ومش عارفة اعملة ازاى

يارب يارب يارب الى تدخل وتقولى طريقة حلوة لعملة ربى يحقق لها كل مناها وتكون الجنة من نصيبها

هيا الصغيوورة السمرة شوي دة مش الكبيرة لان كل الطرق فى النت بتوصف الكبيرة

انا عايزة طريقة التانية الى شبة الجمبرى دى

ولو فى طريقة حلوة للاخطبوط

ويارب تفيدونى

[دندونه العسوله]

هيا الصغيوورة السمرة شوي دة مش الكبيرة لان كل الطرق فى النت بتوصف الكبيرة

انا عايزة طريقة التانية الى شبة الجمبرى دى

انا مش فاهمه حاجه من الجزء ده بس عاما هقولك الاستاكوزا

تجيبى ثوم ولمون وبصله صغيره وكسبره خضراو فلفل اسود وكمون وزنجبيل وملح قليل اوى او بلاش احسن
نفتحى الصدفه الناشفه بتاعتها وتحشيها بالخلطه دى وتسيبيها ساعه
بعد كدا تحطيها ىعلى الشوايه 3 دقايق على كل جنب او فى الفرن من 8 الى10 دقايق بالكتير اوى
وبعد كدا تدوقيها وتتدعيلى

وخلى بالك متزوديش التوابل علشان متضيعش طعم الاستاكوزه

[روبي صلاح الدين]

الاستاكوزا :
تنضف جيدا من الرمال بالماء
الجزء المستخدم هو الذيل ((هو الذي يحتوي على اللحم ))
اما الرأس فهي للنكهه والمرقه
ممكن تفصليها وتستخدمي الذيل فقط ((يدق الذيل دقه خفيفه بالهون ليسهل فتحه بعد ذلك ))
و اذا كنت تحبي المصمصه فخلي الراس

بنفس طريقه الجمبري المشوي
تترص في حله كبيره ومعاها شرايح من الطماطم والبصل والفلفل والثوم
وملح وفلفل وكسبره وكمون وليمون
وتقلب جيدا وتغلى على النار ثم توطي النار وتغطى لمده من ثلث ساعه لنص ساعه حسب حجمها
وتترك حتى تحمر

او :
نفس الطريقه السابقه ولكن تزيدي نص كوب ماء وتدخل الفرن حتى تحمر

او :
تاخدي لحم الاستاكوزه فقط((تكسري الذيل وتطلعي اللحم)) ويسلق في ماء بملح وليمون 5 دقايق
ثم في طاسه نشوح ثوم مفروم وعليهم طماطم مكعبات وملح وفلفل وريحان او اوريجانوا ثم نضع الاستاكوزا بعد تقطيعها قطع متوسطه الحجم

[جرير]

[دولة الاحساس]

انا لسة جيباها انهاردة بس سلقتها بشوية مية وفيها كم فص توم وفلفل اسمر وكمون وملح بسيط وورقتين لورى بقت زى الجمبرى المسلوق وقعدت امصمص فيها اصلى غاوية جمبرى وبما انه غالى قلت اجربها لقيتها فيها لحم كتير وطعمها حلو اوى وانا اول مرة اجيبها اصلا بس قلت اجرب واعرف مش هخسر حاجة خصوصا انى لقيتها رخيصة اوى