[الوحيدة]

بصى ياستى انتى تحضرى كاس بس يستحسن يكون من الكاسات الجديدة اللى هو بيبقى طويل ورفيع علشان يدى مظر حلو ماشى بس لو مش عندك عادى اى كاس يغنى وبعدين تجيبى بواقى كيكة موجودة عندك وتقطعيها مكعبات صغيرة وتجيبى لونين جيلى على حسب انتى بتحبى ايه بس ياريت يكون واحد احمر وواحد اصفر يعنى لونين مختلفين وتعمليه وتحطيه ف التلاجة يمسك وتعملى كريم شانتيه وبردو تحطيه فى الفريزر يمسك واى فاكهة موجودة عندك بتحبيها

هتجيبى الكاس وترصى بقى كدة بالترتيب الكيكة فى القاع وبعدين تحطى الجيلى الاحمر بس يكون من على جدار الكاس من جوه علشان يدى منظر جميل لكاس وبعدين الجيلى الاصفر وبعدين الكريم شانتيه وبردو من على جدار الكاس وبعدين تكررى تانى لحد ماالكاس يتملى وبعدين فى الاخر وبعدين حطى الفاكهة وممكن تدخليه التلاجة يسقع مرة تانية وعلى فكرةدا بيبقى حلو قوى فى الصيف وبالهنا والشفا

جربو وادعولى بعريس عسول
هههههههههههههههههههههههههه

اذا اعجبك الموضوع و اردت نشره في المنتديات الاخرى فاستخدمي هذا الرابط:
طريقة عمل كاس حلويات(انجلش كيك)
http://forums.fatakat.com/thread51305

[cattycatty]

[نانو باشا]

انا هجربها ان شاء الله وربنا يرزقك بالزوج الصالح ومينفعش يبقي عسول لانك انتي عسوله والمخده متشيلش اتنين عساسيل

[الوحيدة]

ميرسى ياقمرات ع الردود الجميله دى