[حزينه الى اخر عمرى]

جيبالكوا موضوع انهارده لازم كل واحده مننا يهمها دينها كويس تشارك فيه وتقول رايها بصراحه؟

ايه وجه الاستفادة من الملابس الضيقة والمحزقه والعريانه ؟؟ ماذا تضيف هذه الملابس ؟؟؟؟ ما مبرررات استخدمها؟؟؟
واصبحت الاجابة واحدة ::: دى حرية شخصية
فهل معنى الحرية الشخصية هى الانحلال عن القيم والمبادءى والتعاليم الدينية والالتزمات الدينية

بالتأكيد لا الحرية الشخصية هى الحرية التى لا تتعارض من المجتمع ولا تتعارض مع الدين وهى التى لا تقوم بأيذاء الاخر
وكمان فى حاجه
لما انتى البنت بتقولى ان لبسك حريتك الشخصيه طب ما انا من راى ان الولد برضه ممكن يرد عليكى ويقولك انا كمان لما بتحرش بيكى وبعاكسك دى حريه شخصيه؟
؟
؟
؟
صح والله ممكن يرد كده
وبعدين يا بنات احنا رسولنا الكريم نهى عن ده وقال

قال رسول الله صلى الله عليه وسلم ( من رأى منكم منكرا فليغيره بيده .. فإن لم يستطع فبلسانه .. فإن لم يستطع فبقلبه .. وذلك أضعف الإيمان ) صدق رسول الله صلى الله عليه وسلم
يعنى بجد لازم نعمل حاجه منسبش مجتمعنا كده يضيع من بين ايدينا واحنا واقفين نتفرج؟؟؟؟؟
وكمان فى مثل شعبى بيقول

( كل اللى يعجبك والبس اللى يعجب الناس ) واعتقد ان اللى يعجب الناس اننا نمشى محترمين ومؤدبين

وكمان عاوزه اقولكم تشبيهى للبنت اللى بتبين حالها وهى ماشيه وللولد اللى بيعاكسها
لو فى مصاصة عريانه ومش متغلفة ايه اللى هيحصل طبعا الدبان هيتلم ولو المصاصة متغلفة ومحبوكه كويس عمر ما فى دبانه هتقرب

بجد يا جماعه لازم نعمل حاجه حتى لو نشارك براينا ممكن تكون فى واحده محتاجه تعرف ده وتسمع كلام دينها كويس وناخد كلنا اجرها
لازم نشارك كلنا فالموضوع ده بجديه
بجد انا فعلا حزينه على حاجات كتير شخصيه بتحصلى
بس حزينه اكتر على حال بناتنا المسلمات
مبقيناش بنعرفهم بجد
هستنى تفاعلكم معايا فالموضوع

اذا اعجبك الموضوع و اردت نشره في المنتديات الاخرى فاستخدمي هذا الرابط:
ليه منحترمش نفسنا واحنا بنشترى ه
http://forums.fatakat.com/thread51458

[موءمنه]

معكى كل الحق ياصديقتى....بس تقولى لمين !!!!ده انتى لو كلمتى اى بنت واردتى
ان تنصحيها على اعتبارانك اكبر منها وتحبى لها الخير.....تبص لك وتحسى انها
هاتاكلك واسهل كلمه عندهم...وانتى مالك !!!
وطبعا كلنا شايفين فيه كتير بنات يطلق عليهن محجبات....ولكن ياللعجب على طريقتهم ومفهومهم للحجاب ..كل اللى يعرفوه انهم يغطوا شعرهم وخلاص.......
وممكن كمان يكونوا اتحجبوا علشان شعرهم وحش !!!!!ده فعلا بيحصل........
فكرتينى بفيلم لعادل امام...لما قابل واحده من دول....فعلق وقال انها من فوق....
مع الله.....ومن تحت....مع عمرو دياب ..هههههههههههههه .
وانا معك رغم طريقه هؤلاء البنات انه...الدين النصيحه . فلا يجب ان نيأس
من ان ننصحهم ونوجههم للطريق السليم والقويم بأذن الله .........................
اللهم اصلح فساد قلوبنا ...اللهم اجعلنا صالحين مصلحين .

[الزهره الحزينه]

موضوعك مهم كتير وحساس
وبلفعل عندك حق احنا الي منعطي المجال للشباب
انهم يتحرشو بطريقة اللبس وما في بعد الاحتشام
حتى سبحان الله بتحسي شعور جميل وانتي محتشمه
وبتمشي وانتي معتزه بنفسك بلبسك الشرعي

[انتكة]

انا بشكرك على موضوعك ده وربنا يهدينا ويهدى الجميع وهقولك على حاجه فى بنات بتلبس على الموضه بس مش شفاف ولا محزق ولا بيبين يعنى محترو وشيك وانا عن نفسى كده

[شيبست]

شكرا ليكى جزاكى الله كل خير

[بسنــت]

ربنا يهدي الجميع
تسلمي..
جزاكي الله خيرا

[راهيف]

موضوع رائع
وفعلا فيه بنات تلبس ملابس مش عارفه لبستها إزاى و والديها سمحوا لها تخرج كده إزاى
ربنا يهدينا ويهديهم جميعا

[mashmosha]

عندك حق والله ويارب يهديهم اجمعين

[حزينه الى اخر عمرى]

مشكورين كل من مروا عالموضوع
تسلموا جميعا
بس فعلا هوا موضوع مهم وكان لازم نعرضه
وبعدين يا انتكه انا مش ضد الموضه للدرجه دى كلنا بنلبس لبس شيك بس فنفس الوقت محترم وشديد الاحترام لان ده الشرع اللى المفروزض نمششى عليه
مشكورين جميعا

[gannat mam]

الموضه شىء جميل,بس لازم تكون بتناسب الدين والاعراف وما تكونش تشبه بالفاسقين

مشكوره وجزيتى خيرا

[أم أسيل ليلو]

[Moni]

الله يباركلك على هذا الموضوع
ضيفى كمان ان الأن أصبحت الملابس المنتشرة للمحجبات لا تصلح للبس
أنا بتعذب علشان أجيب لبس يرضى ربنا و يكون شكله شيك و طبعا معظم المحلات بتعرض اللبس الضيق و ما يسمونه البدى ربنا يكفينا شره

[rerequeen]

بجد حاجه تحزن لبس البنتات اليومين دول بقى حاجه فظيعه عندى فى الجامعه

بنات بتلبس لبس مشييييييين لابعد الحدود

وتزعل اوى لما ولد يتحرش بيها او يعاكسها

بجد بجد انا زعلانه جدا من المناظر دى وصعبان عليا شباب المسلمين

عارفه لو عينونى وزيره اول قرار هخدوه

جميع نساء مصر ترتدى الحجاب الاسلامى بجد هتبقى حاجه حلوه اوى

ومش هيبقى فى فرصه لاى واحد انو يتحرش او يغتصب فتاه
انتى عارفه انما بكتب دلوقتى وانا متغاظه جدا من الى بشوفه فى الشارع؟؟؟؟؟؟؟

تحياتى لكى تقبلى مرورى