[هبه مجدى]

السلام عليكم ورحمة الله وبركاته
ازيكم يا اخواتى انا فكرت ليه ما نتكلمش على امنياتنا واحلامنا اللى نفسنا نحققها او حتى اللى كان نفسنا نحققها يمكن تصحى جوانا الامل ونرجع نحس بيه تانى ونقدر نعمل حاجه لنفسنا وللناس اللى بنحبهم وحوالينا اتمنى ان الموضوع يعجبكم والاقى منكم استجابه وقبول ان شاء الله

اذا اعجبك الموضوع و اردت نشره في المنتديات الاخرى فاستخدمي هذا الرابط:
شاااااات امانينا واحلامنا لكل عضوه في فتكات
http://forums.fatakat.com/thread51500

[هبه مجدى]

انا مستنياكم فى الشات ما تتاخروش

[موحده بالله]

و انا اول واحده تيجى يا هبه
يعنى معقوله يبقى فى شات على اسمى و ما افتتحهوش؟؟؟؟؟؟؟؟؟؟؟؟؟؟

دى حتى عيبه

[هبه مجدى]

شكرا يا امانى ربنا يكرمك

[هبه مجدى]

نورتينى يا امانى وانتى عامله ايه

[هبه مجدى]

واخبار السويس ايه اكيد مش حر زى القاهره

[هبه مجدى]

انتى روحتى فين يا امانى

[موحده بالله]

الحمد لله يا بيبو
السويس مولعههههههههههه نار الله الموقده
انا ياختى هطلع من هدومى انا و العيال

[هبه مجدى]

اين انتى يا امانى

[موحده بالله]

انا عاجبنى موضوع الشات فعلا
يا ريت نتكلم عن امنياتنا و احلامنا
و اللى تقدر فينا تعمل حاجه لاى واحده تعملها او تنصحها بكلام ياثر و يفرق
مش رغى بس و خلاص.

[هبه مجدى]

معلش كلنا لها وربنا يرحمنا فى رمضان ويهون علينا الصيام

[موحده بالله]

ايه يا بيبو
ليه مش بشوفك كتير فى فتكات

[هبه مجدى]

ياللا نبتدى مين فينا حتتكلم عن احلامها وامانيها الاول

[موحده بالله]

انا ببقى هناك
ابقى تعالى
هتلاقينى فى المنتدى الادبى

[موحده بالله]

لا عيب
انتى الاول يا جميل

[موحده بالله]

ايه اللى تتمنيه
و اقدر اساعدك فيه
قولى يا بيبو

[هبه مجدى]

انا مستنياكى وان شاء الله اتواجد معاكوا فيه بس ياللا قولى ياامانى الامانى

[موحده بالله]

و الله يا بيبو انا عندى نوعين من الامانى
نوع سايبه على الله سبحانه و تعالى و بدعى و بترجى ربنا انه يحققه ليه
و نوع تانى انا بسعى فيه و برضه سايبه الباقى على الله

[هبه مجدى]

اللى بتمناه انى اكون حاجه كبيره ليها قيمه ادام نفسى وقبل نفسى ادام ربنا

[موحده بالله]

نفسى ربنا يكرمنى انا و جوزى و اولادى بالصحه و الستر
و يخلينى لاولادى و يخلى باباهم ليهم لغاية ما نطمن عليهم فى الدنيا دى
و يبارك لى فيهم كلهم. و يبعد عننا كل شر