[دلع البنات84]

السلام عليكم يا اخواتي

بجد اتفضحت



متستغربوش




انا نفسي مكنتش مصدقه




بس اعمل ايه


؟

؟

؟

؟

؟


نصيبي



ومحدش هيقف جمبي غير حبايبي الفتوكات



بس بالله عليكم ,
بالله عليكم ,
متمشوش من غير متساعدوني

انا فضوليه ومتطفله جدااااااااااااااااااااااااااااااا
ودي اكبر مشكله في حياتي وبتوقعني في مشاكل لا حصر لها
هحكيلكم ااخر موقف حصلي

كنت مسافره رايحه كليتي وانا في السوبر جت
لقيت شاب بيراجع في ورق امتحانات زينا كلنا كنا بنراجع في الطريق لد ما نوصل
بس هو كان لابس كلاسيك " بدله يعني "
وماسك شنطه سامسونيت
فضلت دماغي توجعني وافكر ياترى ده طالب رايح يمتحن ولا ايه
وياترى في ايه في الشنطه ؟؟؟؟؟؟؟؟؟؟
وفعلا رحت سالته لو سمحت انت طالب مش كده ؟
قالي : اه ليه في حاجه ؟؟؟؟؟؟؟؟؟؟
قلتله طيب ممكن تفتح الشنطه او تقولي فيها ايه ؟؟؟؟؟؟؟؟؟
هو اصلا مردش اتذهل بجد

ودي مش اول مره ليا وهو لو كان قليل الادب كان شتمني
ولما كنت مخطوبه دي كانت اكبر مشكله ليا مع خطيبي
وقيسوا على كده كل مواقف حياتي

اعمل ايه دلوني بجد بقيت اخاف من نفسي واخاف على مظهري قووووي ادام الناس لان فعلا تصرفاتي بتفضحني وتكسفني لما اروح واعد مع نفسي افكر انا عملت ايه

انا بقيت بنت كبيره خلاص تصرفاتي محسوبه عليا
وتصوروا اني لما مبكملش حاجه للاخر بتفضل دماغي توجعني ويجيلي صداع لحد ماعرف

اعمل ايه بالله عليكم
هتسعدوني ولا هتقروا وتمشوا ؟؟؟؟؟؟؟؟

اذا اعجبك الموضوع و اردت نشره في المنتديات الاخرى فاستخدمي هذا الرابط:
اتفضحت ادام كل الناس
http://forums.fatakat.com/thread51865

[مها5215]

لا بجد مينفعش الى انت فيه ده
كل متبقى عايزه تعرفى حاجه
قولى وانا اعرفها ليه واستغفرى الله
وفكرى فى حاجه تانيه وخاصه الله
وهتلاقى الموضوع سهل ان شاء الله
استعينوا بالصبر والصلاه

[moon_light_803]

يانهار ابيض..لا دى بجد فعلا مشكله جدت
بصى هاقولك فكره
ايه رايك لما تلاقى نفسك ف موقف كده تغمضى عينك وتاخدى نفس عميق وتقعدى تتستغفرى او تسبحى وانتى بتطلعى النفس ده بالراحه....وتفضلى شويه كده مركزة اوى ف التسبيح والاستغفار علشان تشيلى الحاجه اللى انتى عاوزة تعرفيها دى من دماغك
او ممكن حاجه تانيه
قبل ما تفكى تعملى كده افتكرى المواقف السابقه وافتكرى عواقبها كانت ايه وانه مش كل مرة تسلم الجره
ربنا معاكى يا حبيبتى

[7abibet gozha]

لازم تحاولى تسيطرى على نفسك شوية عشان كدة مينفعش خالصص يا دلع

[الايمان777]

لالالالالالالالالالا
لازم تحاولى لحسن محدش هيستحملك بعد كده والله
وبعدين ممكن تقعى فى موقف مع شخص لسانه طويل ويهزاك على الاخر
كل لما تلاقى نفسك كده اشغلى تفكيرك بحاجه تانيه
فكرى فى مشكله عندك
او موقف احرجتى فيه قبل كده
واهم حاجه ادعى ربنا

[rodi4882]

بصراحة
انا اسفة بس انا ضحكت جامد جدا وانا بقرا

الحل الوحيد ليكي كده انك تهدي وتركزي
ولما يحصلك الهسهس ده عدي من واحد لعشرة وبعدين اذكري الله واستعيذي بالله من الشيطان

[ميرفت ام احمد]

هقوللك حاجةومتزعليش منى
لازم تروحى لدكتور نفسى لان حالتك لو فضلت كدة هتسببى لنفسك فى متاعب كتيرة ده غير انك هتبقى لواحدك والناس كلها هتتجنبك وحطى نفسك مكان اللى بتتطفلى عليهم هتلاقى ان عندهم حق يتضايقو
وانتى فعلا معترفه بنقطة ضعفك ودى اول خطوة فى العلاج
حبيبتى اوعى تزعللى منى بالله عليكى انا مكنتش عاوزة ارد بس انت صعبانة علية

[نانو باشا]

ههههههههههههههههههه
هو انتي مش هتوبي غير لما تاخدي علقه سخنه
وتيجي تحكيلنا واحنا نقولك احسن علشان من تدخل فيما لا يعنيه سمع ما لا يرضيه

[ام جيهان]

ان شاء الله خير يا دلع
حل اى مشكله من دى انك تشغلى نفسك يعنى من جواكى مش تكونى فاضيه ومش تزعلى منى
استغفرى الله كتير ولما تكونى فى موقف زى كدا فكرى فى حاجه تخصك انتى
مش تروحى لولد تقولى له افتح الشنطه هههههههههههههه
ومش محتاجه دكتور ولا حاجه بس اشغلى نفسك وسيطرى عليها شويه وادعى ربك سبحانه وتعالا وهتبقى كويسه ان شاء الله

[ريتاج الخير]

طبعآ هى مشكله يارب يساعدك كل الآراء اللى انكتبت اليكى افضل من بعض بس رايى اذا كنت قد حاولتى كل تلك المحاولات ولم تفلح ففعلآ كما قالت لكىالفاضله مفت ام احمد لابد من الذهاب الى دكتور نفسى حتى لاتجدى نفسك فى موقف لا تحسدى عليه .
شافكى الله وعفاكى

[parby]

بصراحه انا مش هاعرف اقول حاجه احسن من اللى قالوها كل الاخوات بس انا عايزاكى تحطى نفسك مكان اللى انتى بتسأليه وبتتطفلى عليه لو انتى مكانه وحد بيتطفل عليكى كده هتعملى ايه؟؟؟ اكيد ممكن تحرجيه سواء بكلمه او بنظره انتى بقى ليه تعرضى نفسك للاحراج وانتى فى غنى عنه ودلوقتى انتى عليكى انك تدعى ربنا كتييييييييييير انك تقلعى عن العاده دى واستغفرى ربك ربنا مجيب الدعاء وابقى تطمنينا عليكى

[Noorseed2006]

الحق يعنى .. فضلت ادور فى عقلى على حل اقولهولك بس والله ما لقيت .. جاهدى نفسك وحاولى وربنا معاكى

[نوشا]

بجد انا مش عارفة اقولك ايه
والفتكاوات صراحة قالوا كل حاجة
ادعى ربنا انه يهديكى
وحاولى تعملى اللى الفتكاوات قالوه
وطمنينا عليكى

[دلع البنات84]

شكرا يا حبايب قلبي وهو ده بجد اللي كنت مستنياه منكم ان محدش هيبخل عليا بالنصيحه جزاكم الله كل خير وطبعا انا هحاول اعمل كوووووول اللي انتوا قلتوه الا حاجه واحده
اني لو رحت لدكتور نفسي
يبقى اتفضحت مليون في الميه انا هدعي ربنا وانتوا ادعولي

وجزاكم الله كل خير
وربنا يخليكوا ليا

[أم مهند الطيوبة]

هههههههههههه دة انت مشكلة مش هقولك اكتر من الى قالوة غير ربنا معاكى

[Om Hassan]

ان شاء الله تتخلصى من العادة دى
حاولى تشغلى نفسك باى حاجة تانى وربنا يعفى عنك

[نور التقى]

نهارك فل يا دلع ايه العسل ده انا عمري بصراحه ما شوفتش كدة لو عاوزة الحل ركزي في النصيح اللي فاتت وهي اكيد الحل فيها وربنا معاكي ويقويكي ده مشكله ماهي بهينة

[beta]

دى فعلا مشكله بس لازم لها حل كل متشوفى موقف مستفز يشدك لكدا لازم تبعدى عن المكان اللى انت فيه واقعدى اذكرى الله وانت ماشيه بالاستغفار هيشغل دماغك عن ايه حاجه تانيه .وحطى دايما فى دماغك ان دا ممكن يكون تجسس لمعرفه ايه اللى مع غيرك .وممكن فى مره تحطى نفسك فى مشكله كبيره نت فى غنى عنها
ابقى طمنينا عملتى ايه وايه اللى حصل

[monee_2020]

السلام عليكم يابنتى الله يهديكى انا استغربت لكى اوى
لو سمحت افتح الشنطه دى ايه من الامن انتى ولا يمكن يكون عاين فيها قنبله تنفجر فيكى ههههههههههه
شوفى ربنا عز وجل قال ايه ( يا ايها اللذين امنوا لا تسالوا عن اشياء ان تبد لكم تسؤكم)
وانتى بتجيبى لنفسك الاذى وكمان بتاذى غيرك وده تطفل على حاجه الغير مش بعيد لو حد اتقدم لك يتكلم على الفلوس تقولى له امال فى محفظتك كام ورينى كده
بس هوا حيوريكى قفاه
انتى مش لازم تعرفى حاجه عن الناس زى ما ترضيش حد يعرف عنك حاجه وكدهم مكن تخلى عندك تجسس وتقولى حيطق دماغى اسمعى كلام ربنا ( ولا تجسسوا )

[ميسو ميسو]

كأنك عرفتي
بصي يا حبيبتي، بالإضافة لكل اللي قالوه البنات
في موقف زي موقف الشنطة، والشاب اللي لابس بدلة:
لما يستبد بيكي الفضول تعرفي هوا طالب أو الشنطة فيها إيه ومش قادرة تقعدي من غير ما تعرفي، افترضي ان الشنطة فيها أي حاجة وانك عرفتي، يعني مثلا قولي الشنطة فيها أوراق خلاص أنا عرفت أو مثلا فيها ملابس أو أي حاجة
والشاب دا أكيد ما دام بيراجع هيا حاجة من اتنين يا إما طالب زيه زي باقي الطلبة كلهم، يا إما في وظيفة تعليمية وبيحضر المادة اللي هيشرحها للطلبة بتوعه
وبكده تريحي نفسك شوية، وفيه حل تاني سمعته عن أحد التابعين إنه لما كان يدور في باله مثلا حاجة زي "البيت دا بتاع مين؟" أو "صاحب البيت دا اشتراه بكام؟" كان يصوم عشان يعاقب نفسه وميسألش أسئلة من دي تاني

وادعي واحنا معاكي إن ربنا يصلح لك الحال ويحوش عنك كل اللي بيضايقك

أم محمد