[دلوعة زوجها]

يا فتكاوات .. أنا والحمدلله أطبخ بشكل احترافي وطبخي لذيذ بشهادة كل من أكل منه و على قولة جوزي (اللي بعدك ما طبخت يا ميّوشة يا أم المايات "اسمي مايا")
لكن عندي مشكلة ..
لم أتمكن من اكتشاف سر الكيكة
حاولت يجي مليون مرة أعمل كيك "كيك البرتقال وكيك الأناناس وكيك الشوكولا وكيك الفواكه وكيك الكراميل وغيره وفي كل مرة يصير معي شي ما إفهم شو هو بالضبط بس ما تظبط
مرة تحترق من الأعلى .. ومرة تحترق من الأسفل أو تلصق
ومرة تحترق ومن الداخل طرية
لأ .. وأحلى شي لما بتطلع منفوشة من مكان ومن مكان تاني خافسة و أضطر أزينها بالورد و الساتان أو أتحايل على شكلها بالشمسيات الصغيرة و الألعاب

وصرت اراها في منامي و أهلوس فيها كيك كيك كيك
حتى ايقظني زوجي مرة وقالي لي: "هل عمتتدربي تصيري دجاجة؟؟
اشربي شوية مي وأجلي البروفا للنهار بليز"

يا جماااااااااااااااااااعة حدا يفهمني شو سر الكيكة

اذا اعجبك الموضوع و اردت نشره في المنتديات الاخرى فاستخدمي هذا الرابط:
يا فتكاوات ساعدوني ..أكتشف سر الكيكة
http://forums.fatakat.com/thread5199

[ام بسنت]

ممكن من الفرن اعملى الفرن هادى وسيبها تستوى نصف ساعه ومتفتحيش عليها اهم حاجه الفرن متوسط ومتولعيش الشوايه من فوق ولعيه من تحت يمكن ده السبب وممكن باقى الاخوات يفيدوكى

[amira elkiki]

لو فرنك بيحرق الحاجة من اسفل
ضعى صينية بها ماء داخل الفرن وبعدين ضعى الكيكة فى الدور الاعلى ده يضمن ان الكيكة سطحها السفلى لن يحترق باذن اللع بس ابقى دوقينى

[دلوعة زوجها]

الكيكة بتلصق و احيانا بتحترق وبتبقى من الداخل طريّة.. مش مستوية يعني

و أحيانا بنفخ من مكان واحد او بتبقى خافسة من جهة

[ام مهند]

بصي يادلوعه
اولا لازم تتاكدي من تاريخ صلاحيه البيكنج بودر
ان لايكون الدقيق مرطب يعني فيه رطوبه بتحفظي الدقيق كيف
اضربي البيض جيدا بالمضرب الكهربائي مش بالمضرب اليدوي
واذاتاكدتي من كل ده اقول ليكي
قبل عمايل المخبوزات لازم الفرن قبلها بنصف ساعه والع
بتعملي الكيك اللي نفسك فيه ولو الفرن بتاعك عالي او انت بتحسي انه بيلسع الحاجه حطي تحت الصينيه بتاعت الكيك صنيه اخري فيها ماء واتركيها انا بقولك استحاله انه يطلع الكيك مش مستوي ابدا وماراح يتلسع او يتحرق
ولا تفتحي عليها قبل مرور تلت ساعه
جربي وان شاء الله تطلع حلوه ولك تحياتي

[دلوعة زوجها]

يا جماعة .. بصير أني حط صينية مي تحت صينية الكيكة ((صينية الكيكة زجاج حراري (بايركس) .. ما بتتأثر اذا حطيت تحتها صينية فرن عادية فيها مي ؟؟))
مع العلم انه فرني بالطبخ تمام .. ولا أحلى بعمل الطواجن وصينية البطاطا و....

[أم الطيب]

بصي يا قمر بالنسبة لكونها بتلصق ادهني القالب بزبدة دهن خفيف من كل الجهات بحيث يكون بطانة كاملة للقالب وبعدين رشي شوية من الدقيق وخبطي على القالب من الخارج مع تلفيفه علشان الدقيق يلف فيه كله وبعدين فضي الزيادات من الدقيق ودي اول طريقة علشان الكيكة ما تلصق في القالب.
وبالنسبة للفرن يسخن قبل ما تحطي الكيكة بربع ساعة بس علشان ما يسخنش اكتر من اللزوم ولما تحطي الكيكة اضبطي درجة الحرارة على 200 درجة ودي درجة متوسطة وسيبيها خالص لمدة 40 دقيقة من غير ما تفتحي عليها (دي لو كيكة عادية وسميكة مش رفيعة) وانت تابعيها من خلال نور الفرن كل شوية نوري النور وبصي عليها من زجاج الفرن هتلاقيها الاول نفشت وارتفعت لفوق وبعدين تبتدي تحمر من الجوانب ومن فوق.
بعد 40 دقيقة افتحي الفرن وانزلي بسكينة حامية مدببة في منتصف الكيكة بالضبط وطلعيها تاني لو لقيتي السكينة نظيفة تبقى استوت ولو طلعت بعجين سيبيها شوية كمان وكرري العملية دي بعد شوية.
وطبعا ده كله بعد ما تتاكدي من البيكنج بودر والدقيق زي ما ام مهند قالت لك.
امشي على الخطوات دي وان شاء الله تطلع مضبوطة وابقي خبريني

[سندريلا79]

بصى يا دلوعه يا قمر بعد ما تتاكدى من صلاحيه الدقيق والبيكنج بودر تمام
بصى بقى يا جميل انا هاقولك على طريقه للكيكه هتطلع معاكى خطيره ان شاءلله
مقاديرها مضبوطه جدا وعلى ضمانتى

3 بيضات
نص كوباية سمنه
4/3 كوب لبن او عصير برتقال بس مايكونش بارد يكون دافى
3 ملاعق صغيره بيكنج بودر
1 ملقعه فانيليا
4/3 كوب سكر
2 كوب دقيق

الطريقه

تحطى السمن على السكر وتضربيهم مع بعض بسيط
تفصلى البياض عن الصفار وتضربى البياض بالمضرب الكهربائى لغاية ما يكون كله عباره عن رغوه ومش سائل
تضيفيه على السمن والسكر وتضربيهم كتير جدا ممكن 10 دقائق
وبعدين تضربى الصفار مع اللبن وتحطيه عليهم وتضربيهم تانى لغاية ما يتجانسوا كلهم
تضيفى الدقيق وطبعا يكون منخول مع البيكنج بودر
تضيفيه شويه شويه وتقلبى لغاية ما تخلصى كمية الدقيق كلها
تصبيه فى قالب التوست لو عندك او صينية صغيره وتكونى دهناها بالسمنه ورشه عليها دقيق
تدخليها الفرن على درجة 180 وتسيبيه لغاية ما يوصل 200 بس وتوطى الفرن
تحسبى لها حوالى من 35 الى 40 دقيقه وتفتحى عليها

ملحوظه صغيره يا جميل وانتى بتدخليها الفرن تفتحيه بالراحه علشان مش تدخلى هواء فيه وتحطيها فى النص وتقفلى تانى بالراحه

والاهم من ده كله اوعى تنسى تدينى قطعه
وانا بعملها كده علطول وبتكون هايله والله

[المشتاقه الى الجنه]

شكرا يا دلوعه على سؤالك عن الكيك اصلى بيحصلى نفس الى بيحصل معاكم ويجزاكم الله خيرا

[coca]

انا مع ام الطيب ادهنيها بالسمن و بعد كدة بالدقيق بس بردو شوفى الفرن علشان اكيد فى حاجة فى التسوية

[rehab]

info@adpower21.com <info@adpower21.com>

[rehab]

بصي يا دلوعة حطيها علي الرف السلك مش الصاج لأن الصاج بيحرق قعرها

[سوكة الددة البيضة]

خليكى مع ام الطيب وام مهند وانت تكسبى يالغالية لأنهم قالولك على الخطوط العريضة والمهمة.
كل الى اقدر اقوله ليكى هو ان سر نجاح الكيكة هو شدة وسرعة خفقان المضرب الكهربائى والى انا اعرفه ان الكيك والآيس كريم هما الأتنين مينفعش معاهم المضرب اليدوى ابدا مهما كانت سرعة الضارب.

[سلوى احمد]

ممكن اعرف لو انا البوتجاز بتاعى من غير تيمر للحراره اعمل ايه!!!!!!!!!!!

[rehab]

أنا عن نفسي بوتاجازى من غير تايمر وبتطلع الكيكة مظبوطة

[سندريلا79]

بصى يا سلوى شغلى البوتاجاز قبل ماتحطى الكيكه فيه بحوالى 10 دقائق وبعدين بعد ما تحطيها سيبها 5 دقائق وهدى البوتاجاز عليها وان شاء تلاقيها كويسه جدا