[أم أدهم ولولوو وسيف]

لو سمحتوا يا فتكوات انا عايزة اعرف طريقة عمل عصير الخروب ممكن حد يقولي عليها ضروري انا اشتريت خروب مطحون

وكل سنة وانتم طيبين

اذا اعجبك الموضوع و اردت نشره في المنتديات الاخرى فاستخدمي هذا الرابط:
عايزة اطلب منكم طلب ممكن؟؟؟؟؟؟؟؟؟؟؟
http://forums.fatakat.com/thread52152

[ام عمر المصرية]

كل سنة وانتى طيبة يا ام ادهم ولولو وسيف وولادك طيبين وبخير

بصى يا قمر عصير الخروب بعمله بطريقة حلوة زى الجاهز اللى
بيتباع فى محلات العصير

تجيبى حوالى نصف كيلو سكر وتحطيه على النار فى الحلة لوحدة على نار
هادية حتى يسيح ويصير كراميل فاتح مع التقليب والحذر حتى لا يغمق ويمرر
وبعد كده اضيفى الخروب المطحون حوالى نصف كيلوعليه وقلبيهم مع بعض 10 دقائق
ثم اضيفى حوالى لترين ماء واتركيه يغلى ربع ساعة او حسب ما تحبيه
خفيف او مركز واتركيه ليبرد وصفيه تماما ثم ضعيه فى اكياس او زجاجات
بلاستيك فى الفريزر ولازم يصل للتجمد وعند الحاجة اخرجيه من الفريزر
واتركيه يفك تماما فى الثلاجة وبالهنا والشفا ولو لقتيه محتاج سكر حطيه وقلبى عادى

دى طريقتى ويارب تعجبك
وابقى قوليلى على النتيجة

[dall3 ya dall3]

بصى ياعسل هى زى ما ام عمر قالت بس انا بحط السكر مع الخروب واسيب السكر يسيح مع الخروب عشان الخروب يشرب منه اكتر وبعد كدة تحطى ميه عليه وتسبيه يبرد ولو محتاج تحليه اكتر حليه وبالهنا والشفا

[أم أدهم ولولوو وسيف]

ميرسي لردودكم وعلى فكرة انا جربت الخروب عملته امبارح وطلع حلو جدا بنفس الطريقة اللي قولتولي عليها

[مصرية ميه بالميه]

انا اصلا ما اعرفش ايه الخروب بس حبيت ارد