[coca]

كل وحدة تفتكر اية اول هدية جتلها و اية مدى ساعدتها بيها اتفقنا يلة نبدأ ،،،،،

[coca]

انا اول وحدة طبعا أول هدية جتلى كانت عجلة و كانت من ماما مش قدرة اقولكم مدة فرحتى بيها على فكرة كنت فى ابتدائى يعنى صغيرة ،،،،،،،،هههههههههههههه

[دلوعة زوجها]

أول هدية إجتني كانت ساعة من خالتي كان لونها زهري عليها تلات وردات طفولية ملونة لأن كانو بحاولو يعلموني عالوقت وما كنت عمبتعلم
كان عمري 6 سنوات .. و لما تزوجت .. إجت ماما لعندي هيي و خالتي يباركولي و كانت معهن الساعة .. و فعلا دمعت عيوني من الفرحة لما شفتها
و ضحكت من قلبي .. و خجلت من زوجي وأنا عمخبره شو قصة الساعة
...... مو تاري ماما مخبيتها ن هداك الوقت للذكرى
وعلى فكرة أخدتها معها ولسا عندها

[coca]

ياة كل دة علشان يعلموكى الساعة كان عندك6 سنين يعنى كونتى صغيورة المهم انك بقيتى تعرفى فى الساعة ،،،،،،،،،،شكرا على ردك

[اشرقت]

انا الهدية كانت خاتم دهب من مامتى لما نجحت فى خامسة ابتدائى
حسيت ساعتها انى كبرت لانهم كانوا خافيين البسه قبل كده يضيع منى

[coca]

طيب والهى كويس دى هدية اكيد مش قدرة تنسيها ،،،،،،،،،،،،

[ام مهند]

بصي ياستي انا كانت هدايا من بابا كتيره مووت
لاسباب كتير المهم افتكر انه مره حصل سوء تفاهم اودي الي علقه سخنه من ايديه وكان صعب وبل نادر جدا عدد مرات ضربه لي وافتكر اني خاصمته بسبب العلقه السخنه ده وحاول يصالحي كتير الي ان فوجئت بيه بينادي عليا وقد اشتري لي ثلاث تايورات من ارقي محل في شارع الستين وقتها كنا في مكه وصالحني بيهم ومن يومهابطل يضربني خااااااااااااااااااااااااااااالص

مكلفه انا

[سندريلا79]

انا بصراحه مش فاكره بالظبط بس ماما مره جابتلى عروسه فى عيد ميلادى وانا كنت فى تانيه ابتدائى وكانت العروسه اكبر منى مكنتش بعرف اشيلها وكنت بنيمها جنبى فى السرير واقعد طول النهار اسرح شعرها لما خليتها قرعه
هههههههههههههههههههههههههههههههههه

[ام ايفان]

كتير هدايا استلمتها بس الهدية اللي فرحت بيها اوي كانت من بابا (راديو)لاني بحب كتير الاغاني

[coca]

بجد كلوكم مواقفكم جميلة اوى اوى بجد انتوا تجننوا بحبكم اوى ،،،،،،،،،،،

[هبة فؤاد محمد]

انا اكيد طبعا جالى هدايا كتير بس مش فاكرها عير اول هدية من زوجى واحنا مخطوبين كانت خاتم ذهب لابساة من وقتها و مش بخلعة

[coca]

ربنا يخلهولك و يجبلك اكتر و اكتر ،،،،،،،،،

[أم لوجى و ملك]

اول هديه بحسبها كانت من زوجى ايام الخطوبه
وكان اول عيد ميلاد يجى عليا بعد الخطوبه
جابلى سلسله دهب بدلايه مكتوب عليها سبحان الله
فعلا بحبها اوى

[مونى88]

انا جالى هدايا كتير بس اجمل هديه بالنسبة لى هدية زوجى واحنا فى الخطوبة
كانت حرف M وهو مشترك مابينا ودبدوب وقلب وفعلا بحبها جدا جدا

[رضوى30_70]

يااااااه انا اول هدية جاءت لي كانت عروسة هههههههههه كنت صغيرة بقى

احم احم(نفيش حد يتريأ)

[اسكندرانى]

اللى فاكراه دلؤتى ماما وخالتو اشتركو وجابولى خاتم دهب لما نجحت فى خامسه ابتدائى

وفى تانيه كليه جالى أجمل بوكيه ورد

[حنين الروح]

انا لما كنت صغيره يعنى كان عمرى 5 سنين كنت اعد على حجر بابا الله يرحمه واقوله انا عاوزه فستان ابيض وشنطه بيضه وجزمه بيضه وربطه لشعرى بيضه
وجراب ابيض وبابا حقق لى حلمى واشتراهم لى