[هدى3000]

السلام عليكم ورحمة اللة وبركاتة
تجربتى طويلة جدا لا استطيع سردها فى بضع كلمات ولكنى باختصار انصح كل اخت منكم بان تحفظ بيتها وسر بيتها فلا داع ابدا ان اتحدث عن زوجى ومعاملتة الطيبة لى او حتى عن كرمة وحبة فذلك يفتح امامك ابواب من الجحيم فقد حدث لى ذلك كنت احكى عن حياتى مع زوجى بحب لاننى احبة واحب حياتى معة كنت اتمنى ان تكون كل واحدة مثلنا انا وهو حتى اتتنى الضربة من زوجة اخى والتى عاشت احلاما تتمنى ان يكون زوجى لها وحاولت ان تدمر ما راتة من سعادة بينى وبين زوجى هى محرومة منها وللاسف نجحت كيف لا ادرى ولكن وصل الفراق بينى وبين زوجى بعد عشق اربع سنوات قبل الزواج وسبع سنوات بعد الزواج
رايت من زوجى اشياء لا يمكن ان يتصورها احد بل رايت فى عينية الكرة وللاسف لم ابعد عن هذة الشيطانة وفى كل مرة تهدأ العاصفة لتعود تغير بيتى الذى كان يملئة الحب والسعادة واصبحت اشك فى كل تصرفات زوجى وتغيرت انا لم اعد الشابة التى ترى الضحكة على وجهها دائما لم تعد حياتى مثلما كانت وكل ذلك بسبى فقد احببت زوجى وحياتى وسعادتى واردت ان يعرف كل الناس ذلك ولكن لم اكن ادرى ان الحقد فى قلوب البعض قد يدمرنى نصيحتى لكم جميعا احفظى سر بيتك وحب زوجك وخبئى سعادتك حتى عن اقرب الناس لكى

اذا اعجبك الموضوع و اردت نشره في المنتديات الاخرى فاستخدمي هذا الرابط:
كلامى عن سعادتى مع زوجى وحبة لى دمرنى
http://forums.fatakat.com/thread52834

[IMAN SALAH]

ممكن يا اخت هدي لو مافيهاش رزالة تشرحيلنا اكتر انتي كنتي بتعملي ايه وهي كانت بتعمل علشان انا عايزه افهم الموضوه ده اكتر

[undonelife]

هيا حسدتك يعني ولا وقعت بينكم؟
ربنا يهديلك زوجك ويهديكم لبعض ويبعد عنكم الشر
آمين يارب العالمين

[الزهره الحزينه]

في ناس هيك
شغلتهم بس خراب البيوت
العمرانه حسبي الله ونعم الوكيل
فيها ومنها لربها

[هدى3000]

السلام عليكم لو هاحكى هاحتاج الف ورقة اكتب لكم عليها لكن هية باختصار كانت عايزة تخطف زوجى وما زالت ابسط الاشياء انها كانت تتصل علية وهو فى بلد اخر وظلت الاتصالات لاكثر من 7 شهور ولم تنتهى العلاقة عند معرفتى كانت تصرفاتة معى غير طبيعية حتى علمت بقصة التليفونات اشياء كثيرة ربما اخجل من سردها ولكنها فرقت بينى وبين زوجى

[ام سراج]

معاكي حق طبعاً اننا المفروض مانحكيش كل تفاصيل حياتنا
واللي حصلك ده ممكن يحصل لأي حد فينا ..لومش بدافع الحسد يبقى بدافع الحقد..او بهدف انه ياخد منك الحاجه الحلوه دي لنفسه
بس انت بتقولي انها مرات اخوكي..طيب ازاي عملت كده؟ وفين اخوكي من كل ده؟ وانت ليه ماقلتيلوش يلم مراته اللي مش محترمه دي..بدال ماعملتي انتي مشاكل مع جوزك..؟وماتقوليليش لأ ..ما اخربش بيت اخويا...ده انتي تبقي بتخربيه فعلاً لو سبتيه يعيش ويكمل مع ست خاينه وملهاش امان زي ده...ولا تأتمن على بيته او عرضه..معلش بأسأل كتير...لكن اصل الموضوع مش واضح..وياريت توضحيه..لنا علشان نستفيد من تجربتك..ونعرف نساعدك برأي

[ام جيهان]

معقول يا ناس ايه اللى بيحصل فى الدنيا بس
وانتى ازاى تسكتى ومش عرفتى اخوكى
حاولى تفهمى اخوكى براحه وتخليه يسيب الست دى لأنها ملهاش أمان اللى تشوف غير جوزها واحد تشوف اااااااااااالف واحد بعده
وانتى مغلطيش فى حاجه
ارفعى وجهك لربك وقولى يارب عليها ويارب يهدى لك جوزك


انا بتكلم زيك كتير عن جوزى وحبه ليا وهو عمل ألاصعب من الكلام
اول بنت ربنا رزقنا بيها سماها على اسمى
مش هنكر ان العين صابتنا شويه بس رجعنا زى ألاول الحمدلله

ربنا يوفقك ويرجعلك جوزك يارب بألف خير وسلامه وتعيشو سوا قصة حب اجمل من ألاول

[هدى3000]

يا اخت ام سراج انا فعلا قلت لاخويا لكن كل العيلة جابت الغلط على زوجى للاسف وتناسيت ما حدث مع ضغط من اهلى حتى لا يتخرب بيت اخى وحدث للمرة الثانية اشياء كثيرة وفى كل مرة مطلوب منى ان اتناسى من اجل اخى حتى اخر حدث قررت ان ابتعد عن هذة الانسانة ولكن علاقتى باخى واولادة مثل ما هى وللاسف برضة اهلى بيحاولو يخلونى ارجع لانها مرات اخويا بدافع صلة الرحم حتى سالت وعلمت ان ليس لها معى صلة رحم انا الان سبحان اللة فى راحة وقد عاد زوجى قليل مثلما كان انصحينى هل استمر على قرارى بقطع علاقتى معها وتكون فقط بالسلامات وهل ساخسر اخى وماذا افعل لقد تعبت ولكنى اعترف لو اننى منذ اول حادثة قررت ذلك وابتعدت بزوجى عن هذة الشيطانة اظن اننى كنت سارجع زوجى ولكنى خفت على زعل اخى ونسيت بيتى دعواتكم معى وانتظر نصائحكم

[undonelife]

بصي يا ستي لو هي من المفسدين في الأرض يبقى تستاهل انك تتجنبيها على الاقل خلي الاحتكاك بينكم في اضيق الحدود يعني متخليهاش صديقة ولا تحكيلها عن اي حاجه اعتبريها مجرد مرات اخ وبس
لكن لا تقطعي صلتك بأخوكي والأهم انك تتجنبي اي لقاء بينها وبين جوزك
بس برضه جوزك غلطان انه استجابلها لكن ممكن تسامحي في اللي قبل كده لو انتي متأكده انه مش هيرجع يلعب بديله

[هدى3000]

بصى حبيبى قلبى زوجى ممكن يكون غلط بس انتى عارفة ان اى راجل بيضعف ادام اى ست خاصا لو حطتة فى دماغها وانا سامحتة لانى فعلا حسيت انة ندم وفعلا مش عايز اى احتكاك مع الست دى ولكن كان سؤالى هو انا لو ضيقت علاقتى بيها يبقى كدة باقطع صلة رحمى مع ان علاقتى بولاد اخى واخى على احسن ما يكون
انا اعلم جيدا انها تريد ان تدمر اى شئ جميل لاى شخص تعلم عنة السعادة ويعلم اللى اننى اقول الصدق فقد حاولت فعل ذلك مع غيرى اريد منكم اخواتى نصحى هل استمر فى المقاطعة ام لا

[نانو الحبوبه]

حبيبت قلبى لازم العقل شويه اول انت ها تقطعى مرات اخوكى مش اخوكى ولو جت عندك وكان زوجك موجود حاولى بقدر من الممكن انهم ما يكلموش بعض وكلنا بنحكى عن اجوزنا وعن معاملتهم لينا بس مرات اخوكى غلطانه اكبر غلط وجوزك كمان لانه تجاوب معها مع العلم انها مرات اخوكى ومتزوجه حاول تصلحى حالك بنفسك والا صلح اعمليه والله حتى لو كل فين وفين تشوفى اخوكى والتليفون موجود اطمنى عليه خالى بالك من بيتك وهى شخصيه مريضه ربنا يشفيها ويعافيها لانها مش راضيه بالعيشه بتعتها معلش انا طولت عليكى بس لازم تفكرى كويس جدا

[toto s]

لا حول ولا قوة الا بالله

[هيصه]

لا حول ولا قوة الا بالله حسبى الله ونعم الوكيل فيها ربنا يهديلك زوجك يا اختى

[هدى3000]

نانو انتى بنت حلال وعلى فكرة انا كنت عايشة فى مكة لحد السنة اللى فاتت المهم نا هاعمل بنصيحتك ودة كان قرارى منذ اخر موقف حصل ووضح لى اكتر ان الانسانة دى مش عايزة تسبنى فى حالى على كل حال لن يغير قرارى تاثير اهلى وسوف يكون بيتى وزوجى فى المقدمة ادعى لى وجزاكى اللة كل خير

[هدى3000]

هيصة متشكرة اوى على احساسك الجميل ويعلم ربى كم عانيت الى ان جاء كلامكم وهون على جزاكى للة خير جزاء

[هدى3000]

اللة يبارك لك يا اخت ام جيهان ويعلم اللة الذى لا حول ولا قوة الا بة اننى ما حكيت قصتى الا لكى تكون عظة لكل من تسمعها فتحافظ على حب زوجها فى صمت وان تدارى على شمعتها ودعواتى لك بان يحفظك اللة من كل سوء وان يدخلكالجنة

[نور التقى]

يا هدى على فكرة قطع الرحم حرام ولكن ما هو الرحم لابد ان تعلمى اولا من هو الذي نقول عليه ده في رحم بيننا .... من بيننا رحم هم الاقارب من الدرجة الاولى والثانية ومن يكن بك انت صلة رحم يعنى اخ اخت عم عمة خال خالة ابنائم وما الى ذلك ولكن هل زوجة اخيك هي في الاصل قريبتك وربنا يهديلك جوزك ويا قمر خلي بالك وقللي من حسن النية اللي عندك مش مع كل الناس يا مسكر

[هدى3000]

اختى نور اشكرك اوى عل مشاركتك وعايزة اقولك مرات اخويا ليست من العيلة خالص ولا حتى بلديات وانا سالت كتير بس كنت عايزة اطمن انى مش باقطع صلة رحمى وكل سنة وانتى طيبة وان شاء اللة هاخد بالى بعد كدة

[madlove]

ربنا يهيكى للصواب ويهديلك جوزك ويرجعكم احسن من الاول ياحبيبتى
متقلقيش ربنا هيخلص من الشيطانه دى اللى عملته

[ام دومى]

هدى اعتبرى اللى حصل ده سحابة صيف و اختبار لقوة علاقتك مع جوزك و خلى حبكم و العشرة الطيبة يغلبوا فى النهايه و ينتصروا ...حاولى تعملى زيارة لجوزك فى البلد اللى هوا فيها او اترجيه ينزل اجازة حتى اسبوع و فى الفترة اللى هتتقابلوا فيها دى حاولى تكونى عروسة من جديد و عيشيه شهر عسل من تانى و افتكروا كل الذكريات الحلوة اللى بينكم وروحى معاه كل الاماكن اللى ليها ذكرى حلوة لعلاقتكم .. فكريه بايام الخطوبه و المشاعر الحلوة .. فكريه بشهر العسل .. حاولى برقتك و بحنيتك تعمليله غسيل مخ و تنسيه الشيطانه دى...اعتبرى نفسك فى معركة و اصرى انك تخرجى منها كسبانه حبيبك و ابو ولادك و استقرارك و بيتك.. اقعدى معاه و فهميه انك مسامحاه و انكم ملكوش غير بعض و ان اللى بينكم اكبر من اى واحده حقوده او مخربة زى دى .. حاولى يا هدى الواحد مش بيلاقى الحب الحقيقى ده مرتين فما بالك حب و عشرة وولاد اوعى تسمعى كلام حد الواحدة فى الاول و فى الاخر ملهاش غير بيتها و جوزها....وربنا يعدى الموضوع ده على خير و ترجعوا لبعض و تحبوا بعض اكتر من الاول كمان ... ابقى طمنينى عليكى